أهلاً بالأعضاء الكرام جميعاً بعد فترة انقطاع عن المنتدى ولسبب مؤلم بالنمسبة لي....
كما تعلمون قبل فترة نزلت موضوع تنبيهي عن عدم غسل مكينة السيارة بالماء لأن هذا يحدث مشكلة في السيارة......إلخ
المهم...بعد ما كتبت الموضوع بحوالي شهر كانت لا تزال المشكلة موجودة (المشكلة هي:- أنني غسلت المكينة بالموية ومن بعدها صار ضغط السيارة يلعب أو يحن اذا وقفت السيارة وهي شغالة يعني يرتفع الأمبير الى 1 ويرجع ..وهكذا) وانتابني شعور بأن السيارة فيها مشكلة بالكهرب ..ورحت لبعض الورش قالوا لي أنها تروح مع الوقت وهي عبارة عن موية دخلت في الحساسات وتتبخر بعد فترة ..وصدقت كلامهم واطمئنيت ..ولكن استمرت المشكلة لثلاثة أسابيع أخرى وأنا بدأت أهوجس بأن السيارة فيها مشكلة أكبر من الموية ...ورحت دخلتها للوكالة وقالوا لي بعد الفحص عليها طبعاً بأن السيارة فيها مشكلة بفلتر هواء المكينة وبنغيرها لك على الضمان ..قلت كويس... وقعدت ثلاثة أيام وجيت أبي أستلمها في الوقت المحدد قالوا لي أنهم غيروا الفلتر ولكن نفس المشكلة هي هي ....قلت وش السواة؟؟
قالوا نبي نغير لك الكمبيوتر كاملاًُ على الضمان....قلت الله يستر!!!!!
وغيروه لي ...وجيت أبستلم السيارة بعد أسبوع قالوا لي أنهم غيروا الكمبيوتر ولكن المشكلة أيضاً هي هي ما راحت!!!!!!
قلت لهم طيب وش الحل؟؟؟؟؟؟؟
قالوا لي عندك مشكلة في الظفيرة ممكن فيها التماس ونبي نصلحها لك هذي المرة على حسابك!!!
تسانكـ تبي الصراحـــة . . أنا من يوم شريت موتري و انا عند كل غسلة اغسل الماكينة . . ؟؟
بس مادري وراهـ تسذا . . ؟؟
بــــــــس ترااي سألت لكـ المهندس ياسر بالوكالة لأني رايحــ(ن) اطلع موتري و قال عاااادي تروح مع الوقت . . و ترى غسل الماكينة بالماء عاااااااااااادي قووووة بس لايكووون ضغط عالي لأنه يدخل جواا الحساسات . . اتمنى اني افدتكـــ . .
يالربع... لا ..وأبشركم دقيت على الوكالة اليوم قال لي أن السيارة مطولة ..بس نبي نعطيك سيارة بديلة لين تخلص سيارتك ..
والله بهذلوني ذا الوكالة .. كل ما جيت أبي أستلم السيارة مرمطوا بي مرمطة يحبها قلبك..
لكن ... حسبي الله ونعم الوكيل على من كان السبب...............................
الله يكون في عونك معاناتك مزمنه لها فتره طويله عشان كذا اقول الوكاله اسحب عليهم واتركهم جرب روح افحص برا مثل ما تفضل اخونا المميز وبالنسبه لشغل الوكاله اقول لو فيه شمس بانت من امس يعني لو بيصلحونها لك صلحوها من اول اسبوع والاسبوع كثير عليهم وين انظمة الفحص والكمبيوتر الي هم يقولون عليها وين الفنيين الي شغلهم متميز عن باقي الورش وين وين يارجال ان كانت المشكله هذي لها اكثر من شهر فانصحك تتركهم وتختار :
1- اما تروح لفرع ثاني لعبد اللطيف يكون فيه فني فلبيني او متميز بشغله عندهم ومشهور بخبرته لان شغل شخص عن شخص ثاني يفرق حتى في الوكاله حسب الخبرة (( وتقدر تكتشف خبرته من كلامه معك روح للفني نفسه وقل له الي حصل لك والي سووه الوكاله عشان ما يعيده ثم يعطيك اخر التوقعات للخلل والحلول ))
2- او انك تمر الصناعيه وتشوف لك فحص كمبيوتر برا الوكاله والله يكون في عونك يالغالي
فيه أحد عنده حل ؟؟؟؟ 
؟؟
