[supar2002]

أنا أشتريت لاندكروزر 2001 Vxr وأكتشف أن قيادته خصوصا بالمناطق ممله للغاية عكس ماتوقعت بينه وبين Gxr حفيف وسلس داخل المناطق لانى جربته ؟ ارجوا الافاده ما السبب وهل صحيح ان Vxr دفع رباعي بشكل دائم ولايفصل الا بعد سرعة ميه أرجو الرد ؟

[مكسـ عمري ــيما]

هلا أخوي

من ناحية الملل كلامك صحيح 100%

من ناحية الدفع الرباعي فهو دائم ولكن يفصل فوق الـ 80 كم

ودمتم

[الكدادي]

والله انا عندي جي اكس ار الحين تماتيك وسقت الفي اكس ار لقيت ان سواقه الفي اكس ار اريح واائمن لانه دفع رباعي

[احمد التويجري]

الـ Vxr دفع رباعي مستمر ولا يفصل لو تمشي الطبلون على غرار الجيوب الفخمة مثل الرانج روفر وثقيل عزمه لكنه في الرمل ولا أروع

[شاص ربع]

والله يا حبيبي الفي أ:س آر فعلا ممل
وبعدين يلهم بنززززززززييييييييييييييييييييييييييييييييييييين
والله لو تاخد سفاري أقسم بالله أن تحس بالفرق
خذ عايدي مو تماتيك

[عاشق النيسان]

السلام عليكم ورحمة الله وبركاته

كيفكم جميعاااااااااا

والله أنا حبيت أن ابدي رأيي في هذا الموضوع والصراحه كلام الاخ شاص ربع صحيح 100% ولايوجد مقارنه بين النيسان وبين اللاند لا في أكس آر ولا جي أكس آر ولا ستاندرد

واليكم بعض الفروق الي تكفي عن غيرهااااا
السفــــــاري ____________اللاند كروزر
1- 4800 /////////////// 4500
دفرنش /////////////// أكسل
صرفيه قليله للباترول /////////////// صرفيه كبيره للباترول
جامد مايتخلخل بسرعه /////////////// سريع الخلخله
مللك الصحراء /////////////// ماشي حاله


وهذا الي يعرفه الجميع والخافي أعظم لكن خير الكلام ماقل ودل

ولكم مني جزيل الشكر

أخوكم //// عــــاشــــق النــــيــــســــان

[احمد التويجري]

صرفيه قليله للباترول /////////////// صرفيه كبيره للباترول
جامد مايتخلخل بسرعه /////////////// سريع الخلخله
مللك الصحراء /////////////// ماشي حاله


لا يا ابو الشباب العكس بعدين قارن مع الـxvr

تقول لي الباترول جامد اسرع مايتفكك هو واغلب اللي اعرفهم باعوه لأنه بهذلهم

[المرتجف]

جعل لسانك يسلم يا احمد التويجري
قال ايش قال يتخلخل بسرعة وصرفية اكثر وماشي لحاله

ياخي استح من عرفت السيارات و الاندكروزر افضل من الباترول

بس اقول ناظر الشعبية وتعال تكلم

****** تم تعديل الجملة*****

تحياتي

[عاشق النيسان]

السلام عليكم

أما بالنسبه لك أخوي التويجري والله انك غلطان من قال لك وضحك عليك ان شعبية التويوتا أكبر من شعبية النيسان والله غلطان

أما أنت يالمرتجف اللهم اني صائم ماوصلت الى هالمواصيل تجيب طاري الام وعلى شأن أيش على شأن سيارات يابانيه
الله يسامحك يالغالي وأتمنى ماتعيد الكلام

وبعدين يالتويوتيين //// والله أنه يكفي النيسان ال vtc أنه دفرنش مو أكسل والمشكله تتجاهلون أهم نقطه


وبعدين حرام عليك تقول النيسان يتخلخل والتويوتا لا أتحداك تلاقي واحد الليت الي وراء أو الاصطاب او الضوء الخلفي

صاحي مو طايح على جنب السياره

بعدين ياأخي والدليل ان النيسان أقوى من التويوتا شوف من الي أكثر تعبيث عند الشباب لأن التويوتا يمكن يخبط عليهم

ومايتحمل نفس الي النيسان يتحمل

وبعدين حتى التويوتا قامت تقلد النيسان بالاسبير والله قطة وجه لكن معذورين النيسان خير من يحتذى به


على العموم // // // الي ناوي يستعرض على التويوتا يكتب وصاته قبل لايروح لأن الاكسل ماله أمان يمكن يفرط عليه

ولازم يخبر واحد على نيسان على شان يوصله لهله هههههههههههههههههههههههههههههههههههههههههههههههههه هه



أخوكم الي ماكان يتوقع أن القهر من النيسان يوصل الى هالمستوى //// عاشق النيسان ( مـــــلــــك الــــصـــــحــــراء )

[*&ملك الهلي&*]

اخوي يسلم عليك ويقولك كلامك 100% ولو انك صابر ومشتري 2002 كان ازينلك

[نت1111]

والله عندي Vxr رحتبه للبطنه وحدر وادي بيشه ندور للقهبي والقطقى
وإلا اني في وسط الوادي ويخبط ايش لعنة امه مدري ....................

[احمد التويجري]

يا عاشق النيسان فيه نقطة الباترول ما خلاه ينتشر الا عزمه القوي في الرمال لكن ايهم راسي في الخط؟ وايهم دفع رباعي مستمر؟؟

الباترول افضل في الطعوس لكن اللاند افضل في الخطوط والطرق الوعرة وهذا رايي واختلاف الرأي لايفسد القضية

[رمز الوفاء]

انا عندي 2004vx.rماشاالله يمشي بي سرعه خطيره ويطبك طبلونه كيف تقول يفصل

[GX ‍]

السلام عليكم ورحمة الله وبركاته

الحقيقة يا أخ supar 2002 أنا ما عندي خلفية عن سواقة ال VX-R هي مملة أو لا لكن أسمع و العهدة على القائل أن صرفية بنزين ال VX-R أقل من الجيات خاصة مع الخط
فأرجوا منك الإفادة .

الأخ عاشق النيسان النيسان أنا ما الومك يومك متولع بالنيسان لأنه فعلا يطرب دريوله وبعدين كونه مجهز بدفرنش أمامي هذي ميزة تحسب له

لكن خلك واقعي ونا بطلب منك طلب بسيط تقدر تسويه في أي يوم وانت طالع من بيتكم

عد الكروزرات اللي بتشوفها في الشارع وقارنها بعدد النياسين
واحب اذكرك بشغلة . ما دام عندك جيب معناتها انت تروح البر
كم شاص مر عليك وكم باترول بيك اب في وسط البر ما في مقارنة صح أخوي

بعدين يا خي تراك غلطان في مسألة الاسبير . ترى التويوتا من زمان واسبيرها معلق وموظة اسطب اللكسز ما جات الا من عام 98

ارجع بالذاكرة ورا شوي الى عام 80 تذكر كيف كان شكل النيسان أصلا حتى الموديلات القديمة من النيسان نادرة ما عاد تشوفها هاليومين لكن تعال شوف التويوتا القديم إلى يومك وهي تكد
ههههههههههههههههههه
تذكرت سالفة اليمانية الثنين يوم قدهم بينقلبون من فوق جبل وهم على جيب ابو شنب مثل ما يسمونه. قال له رفيقه: تشهد يا علي قال: اشهد ان الجيب سيارة.

في اليمن وفي جنوب المملكة العربية السعودية النياسين ما لها كرت لأنها ما تتحمل وتتفكك

يا عاشق النيسان لا تغالط نفسك التويوتا ما يتفكك مثل النيسان وانا ما اردد كلام غيري انا ما اتكلم الا من واقع تجربة على مدى 15 سنة سواقة فور ويل جربت فيها النيسان موديل 90 والجديدموديل 2002 وجربت فيها جي موديل97 وجي اكس موديل 2002 والصراحة كل موتر له ميزته لكني اميل للنيسان القديم والجي الجديد

أنا يا خوي ما نيب ضد النيسان بالعكس انا اعشقه فعلا لدرجة اني كتبت في نيساني 90 قصيدة مستعد اكتب لك اياها فيما بعد


او تراني انتظر ردك ورد الاخوان الاعضاء الكرام
والسلام خير ختام

[من جدك انت]

بالنسبه لدفع الرباعي المستمر وربي لو تفكه وربي تشوف العزوم الجنان فيه طريقه تفكه وهي انك تفصل الدفرنس الامامي عن القير بعدين تشبك الدبل على الخفيف لانك لو ما شبكته ما راح يمشي الموتر وشوف العزوم الجنان اما بالنسبه للبر افضل شي الجي اقل شي لانه خفيف مرره

[GX ‍]

لا لا لا ما حبيتها منك بنوب يا من جدك انت
هذا الشغل ما ينفع , تقعد تتعبث بالموتر لين تعطبه
المواتر القديمة انا معك هندس فيها بيديك ورجليك لان كل الانظمة اللي فيها ميكانيكية لكن المواتر الجدد تعمل بعض اجهزتها على انظمة الكترونية معقدة مثل البخاخ وال ABS الخ الخ
يوم يجي الواحد يهندس مع وجود هالانظمة يعطب الاولي والتالي لذلك انصح الجميع بتوخي الحذر

[ملك الصحراء]

والله يا الغالي التيوتا كلة ممل ............................................



عاشق الباترول

[فيني رقاد]

أصلن مافي مقارنه بين Vxr و Gxr

Vxr أحسن بواااااااااااااااااايد من Gxr

من ناحيه السواقه والهدوء وكل شي V8 أحسن وأفضل

[بف باف]

الصراحة النيسا الجديد احسن من التويوتا لاتن صالا التويوتا خفيف وايد وصوت و القير خاصة اول ما ادقوم السيارة بس النيسان مافية و النيسان اهدا ومافية صوت خاصة علا الخطوط