[ناوي الرحيل]

السلام عليكم ورحمة الله وبركاته


كيفكم ان شاء الله بخير

المهم اخواني
بين من عنواون الموضوع

انا يمكن اسافر

وش احسن شي اسويه عشان احمي واجهت السيارة

سمعت ان البرقع يائثر على البويه
والفيري برضو يعدم السيارة
اجل وش احط ؟

[عــاشق الاند]

حط على سيارتك تغبيره والاسطابات اللي قدام (الليتات) حط عليها جلاد شفاف واي سؤال ابشر بسعدك

[ناوي الرحيل]

طيب التغبيره ما تائثر على البويه

اهم شي انه الي احطه ما يائثر على البويه

[عاشـــق اللاند]

والله ياخوك التغبيره مالها تأثير والفيري بعد ماله تأثير انا مجربهم كلهم اوكي

[مصرقع الشرقية]

اسمع نصيحتي وبتدعيلي روح واشتر ارخص نوع فيري الي يجي تجاري


وحطة على السيارة وعلى ضمانتي لو صار شي وتروح وترجع بالسلامة

[ناوي الرحيل]

اوكي بس انا سيارتي لونها ابيض
واخاف لون الفيري يجي فيها
اقصد البويه تصفر

ومشكورين على المساعده

[مصرقع الشرقية]

اسأل مجرب ولا تسأل طبيب

انت اللهم خذ التجاري عشان

ما ينشب وموترك بيرجع نفس ماهو

[ناوي الرحيل]

طيب ايش هو التجاري
هذاك الاخضر الي نغسلبه ؟

ومشكور على ردك

طيب لو احد شامو جنسون للطفال مو احسن من الفيري ولا ؟

[الكامري السوداء]

ياخوي في طبقة بلاستيكية يحطونها لك في glass tec
وهي 100% وتلقاها 50 ريال وعلى العموم ترى التغبيرة تبهت باللون
والفيري موفعال وصدقني إسأل مجرب

[قالوا كامري]

اخوي : ناوي الرحيل ,,تروح وترجع سالم وغانم باذن الله
انا دايم اسافر على سيارتي الكامري واحط فيري أرخص نوع حق أبو ريالين .. واول ما أرجع أغسله على طول
في البيت وما انتظر اروح المغسلة والحمد لله زي الحلاوة ..بس لاحظت ان الكشافات التحتية الوكالة صارت مو
صافية بعد الغبار اللي واجهني مع اني حاط فيري عليها...اما التغبيرة صراحة ماجربتها لكن زميلي معاه كورولا 2005 وخلاها فترة تزيد عن الشهر ولما شالها أثرت على بويه السيارة ( تنقيش) علشان كذا خفت منها ..وشكرا

[مصرقع الشرقية]

انا اقصد المنتج المقلد يعني ما يجيك اسمة فيري

[ناوي الرحيل]

مشكورين اخواني على مساعدتكم

بس انا الين الحين محتار مدري ايش احد

[دقات قلب]

ناوي الرحيل .. لا يفوتك هذا البخاخ

http://www.toyota4arab.com/forum/298161-post29.html


سعر الزجاجة كالتالي :
250 مل = 35 ريال
500 مل = 60 ريال

انا مجربها وهي 100% ومريحتني كثير

[&البرنــس&]

اخوى ركب برقع وارتاح مو كل شوى تشتري فيري وغسل وحوسه
والله معي ميه ميه

[الحجيلان]

يمكن تستغربون مرة أنا وواحد من أخوياي راجعين للرياض والطريق وكان العج اللهم يا كافي وبعدين وقفنا في محطة ومالقينا فيري واشتري ( صانسيلك ) وقال بجرب ورب البيت وصلنا للرياض وغسلناها اليوم الثاني وكان الموتر من احسن مايكون ولاشيء جاه ....

[مروني]

فيه ((القناع الذكي)) ممتاز وأنا مجربه هو شفاف فيه لمعة وتضعه على مقدمة السيارة وكذلك الانوار وغسله سهل ويلمع الانوار بعد الغسل لايفوتكم وله مميزات اخرى ....

[ناوي الرحيل]

مشكورين على تعاونكم معي

بس عندي سؤال

البخاخ الي يقصده اخوي دقات قلب وين احصله

وبرضه القناع الذكي وين ينباع