[قليل الدسم]

السلام عليكم
بعد مرور اسبوعين من العنا اخيرا طلعت سيارتي الكامري 2008 glx فل كامل
ولاحظت ان السياره فيها تنسيم تسمع صوت الهواء داخل عليك وانت مقفل القزاز
وتحس ان صوت الهواء جاي من البيبان والقزاز الامامي واذا فتحت القزاز تسمع
المرايات تصفر صوت صفير ويوم احط يدي بين البودي والمرايه يروح الصوت
والحذفه الي في اليسار اذا ضربت فرامل وانا مسرع بس حذفه جدا خفيفه وشي لا يذكر
بصراحه مشاء الله الكامري جدا روعه ولا فيها العيوب الي قد سمعت عنها الا هالتنسيم
وغلقت الاف كيلو وتوني جيت من عند ابو جميل ويوم قلتلهم عن التنسيم محد اعطاني وجه
تقول هالتنسيم جاي طبيعي مع السياره وانه شي عادي وقالي المهندس وانا اشك انه مهندس
يقول عادي جميع الكامريات كذا مدري هو صادق ولا لا وقالي تعال في خمسه الاف وقلهم وان اشء الله
يسونها
==========
س1 = هل جميعكم لديه هالمشكله ؟؟ التنسيم والتصفير ؟
س2 = هل لقيتو لها حل عند ابو جميل
س3 = هل لقيتو لها حل من عندكم دون الاستعانه بأبو جميل
س4 = هل منكم ساكت عن لمشكله وقال الحمد لله على كل حال مع لن المشكله ليست بذات السوء

[كامري أبيض]

مبرووك الموتر الجـديد .. والله يعـطيك من خيره ويكفيك شره ..

إذا تبي رأيي حط في بالك أولاً |(( تترك الوسوســة )) أنا مثلك أول ماشريت السيارة أي صوت يطلع يضيق صدري
والحمد لله ممافيها أي شي ..

ثانياً بخصوص التنسيم .. حاب أبينلك نقطـة .
فيه فرق بين التنسيم ... وبين صوت أصطدام الهـواء .. واللي أعرفه أنا وموجود عندي هـو أصطدام الهـواء في الزجاج الأمامي ..
وإذا تبغى تسمع التنسيم صح !! أفتح الدريشة شوي .. وأمش 120 وشف كيف الأزعااااج ...


وتبي رأيي .. بخصوص أبو جميل .. كل ماأبعـدت عــنهــم تراك بخير .. وخصوصاً في المشاااكل الميكانيكــية ..

[كامري وبسين]

مبروك على السياره

انا عندي اس اي ما عندي مثل هالمشكله

ويمكن تسمع هالصوت اذا كان الجو مغبر

[فيروس القطب]

اخوي انا مثلك صوت تنسيم من قزازة السواق فقط والتصفير اول مره اسمع به

ريح بالك التنسيم موجود عند الكل مو عندي وعندك بس

واذا تبي نصيحه ذهبية لا ترجع للصيانه مره ثانية غير الزيت عند اي محل مثل ون ستوب

وقولف لا تجيهم نصيحه يغيرولك سيفون الزيت بنوع تجاري خايس

اي خدمه حاضرين

[قليل الدسم]

مشكوووورين والله لكل من رد على الموضوع
الحين القلب ارتاح
بالنسبه للصيانه عند تويوتا لو جات على زيت وفلتر ما همني بروح اي بنشر
بس الصيانه بشيكون لك على كل شي مو بس زيت وفلتر ولا لا يا شباب ؟؟

[عاشـــق اللاند]

س1 = هل جميعكم لديه هالمشكله ؟؟ التنسيم والتصفير ؟
لا والله ماعمري حسيت فيها
س2 = هل لقيتو لها حل عند ابو جميل
والله مدري اكيد الشباب بالسعوديه راحو للوكيل
س3 = هل لقيتو لها حل من عندكم دون الاستعانه بأبو جميل
فيه شباب لقو لها حل والمواضيع موجوده لكنها قديمه
س4 = هل منكم ساكت عن لمشكله وقال الحمد لله على كل حال مع لن المشكله ليست بذات السوء
والله انا ماهتم للمشاكل البسيطه مثل طقطقه الديكور وطقطقه الباب مطنش لانها شغلات عاديه لو الواحد يبي يحطها بعين الاعتبار راح يكره السياره

[الكامري السوداء]

أنا مع أخوي عاشق في كل اللي قاله ما عدا سالفة أبو جميل
ففي مرة كنت بالصيانة وشفت واحد عنده نفس مشكلتك وغير جلد ومانفع وطلعت بالنهاية وزنية البيبان

[قليل الدسم]

الف الف شكر لكم
وعلى قولت عاشق يا زين التتطنيش في الامور البسيطه لأني حسيت اني بوسوس
لو بحط كل شغله في بالي
وتحياتي لكم

[السياغي]

مبروك عليك الموتر

[الكامري الاخضر]

حياكم الله انا عندي نفس الصوت التنسيم من يوم شريت السيارة و يزيد مع زيادة السرعة - وكيف يعني وزنية الباب مو فاهمها

[كامري مجنونة]

التنسيم هذي عادية حتى عندي بموديل 2004

أما الحل عند أبو جميل

سوولي تغيير كامل للجلد على الضمان

وسوولها دبل

والحمدلله أختفى الصوت وكأني راكب لكزس

[الغزال الجريح]

آلف آلف مبرووك اخوي على خروج الكامري حقك

وانا منتظر من زمان عشان ابارك لك

عالعموم والله هالمشاكل خاصتا حق القزاز مزعجتني

ماادري مشكلة القزاز له حل

تحيآتي ,,,

[كمنت]

شكل سمعكم قوووووووووووي مره انا سيارتي لاتنسيم ولا شي

الحمدلله بس يمكن انت ماتصك الباب زين <*****<*****<*****< ابوك ياتحليل

تقبل مروري

[كامري وبسين]

انا عندي نفس المشكله حاليا

[أسفار]

أأوكد هذا الخلل ... لاحظته لدي

طلعت سيارتي الكامري 2008 glx فل كامل
اذا فتحت القزاز تسمع
المرايات تصفر صوت صفير ويوم احط يدي بين البودي والمرايه يروح الصوت .. وأظن أن السبب هو خطأ تصنيعي للمراية الجانبية .. حيث فيها شطفه مالها داعي .. تتسبب في صدور الصوت
.
.
مالحل !؟

[الحجيلان]

صراحة غريبة وماصارت معي لكن نصيحتي ما يحتاج استشارة روح الوكالة يمكن يغيرون المطلوب وصدقني ما يقولون لا .....

[فارس الحجاز]

الله يستر لا يطلع عندي كمان وانا بكره مخرجها