[قلــ(صايع)ـــب]

السلام عليكم ورحمة الله و بركاتة ،،،

الحمد الله استلمت السيارة ،،،

لكن عندي ملاحظات :

الافالون 2008 ليميتد ... صناعة امريكية ؟؟؟

زين ...

في لوحة التعرفة حق السيارة مكتوب 1 - 2008

زين ...

في بعض المواضيع رأيت ان ممكن تركب ipod .. لكن ما لقيته في السيارة ؟؟

زين ...

كل ما حاولت انزل (دريشة ) الراكب بجانب السائق ... ما اقدر انزلها ... شو السبب ؟؟
مع العلم ان على الزر في جانب الراكب الامامي ... توجد لبه تسوي فلاشنج .. يعني تطفي و تولع ؟؟

زين ...

في بعض صور الافالوان يوجد على مقود القيادة بعض الازرار الاضافية ... في سيارتي لا توجد مع انها
ليمتد .؟؟
http://www.toyota.com/img/vehicles/2..._limited_7.jpg

زين ...

الحين انا متوهق بمقود القيادة ... كل ما احاول ارفعه لفوق ... مش سحب ... لا رفع فوق ... ما يصير معاي ... هل معناته ان المقود فقط تسحبه للامام و الخلف و ما تقدر للاعلى و الاسفل؟؟




السموحة ....

[تركي الفين]

افالون هي سيارتي القادمة ولايهون الشاص

[الحـ(درب)ـب]

في لوحة التعرفة حق السيارة مكتوب 1 - 2008
يعني هي انتاج شهر يناير 2008

زين ... زين

في بعض المواضيع رأيت ان ممكن تركب ipod .. لكن ما لقيته في السيارة ؟؟
ماتغير المسجل بـ 2008 مو مثل التقرير اللي نزل لعام 2008
يعني مايركب

زين ...انزين

كل ما حاولت انزل (دريشة ) الراكب بجانب السائق ... ما اقدر انزلها ... شو السبب ؟؟
مع العلم ان على الزر في جانب الراكب الامامي ... توجد لبه تسوي فلاشنج .. يعني تطفي و تولع ؟؟
اضغط زر تشغيل المحرك مرتين بدون ماتدعس بريك ( عشان تشتغل العدادات)
ونزل الدريشة اللي جمب السائق للنهاية بضغطة زر وحده متواصلة وأرفعها بضغطة زر وحده ومتواصلة ونزلها ورفعها وشغل السيارة بشكل طبيعي (( بيختفي الوميض وبتشتغل الدريشة زي الفل)) كانت محتاجة برمجة

زين ... زينين

في بعض صور الافالوان يوجد على مقود القيادة بعض الازرار الاضافية ... في سيارتي لا توجد مع انها
ليمتد .؟؟
http://www.toyota.com/img/vehicles/2..._limited_7.jpg
هذي الأزرار لوارد امريكا فقط
وماهي نازلة بالخليج حالها حال النيفيجيشن وأزرار المراية اللي فوق

زين ... مب زين كلش

الحين انا متوهق بمقود القيادة ... كل ما احاول ارفعه لفوق ... مش سحب ... لا رفع فوق ... ما يصير معاي ... هل معناته ان المقود فقط تسحبه للامام و الخلف و ما تقدر للاعلى و الاسفل؟؟

انت دخل يدك تحت المقود بتلاقي مقبظ ثاني للرفع والتنزيل غير مقبظ السحب بس انت ماشفته ( مخشوش داخل )

وتقبل مروري يازين

[المــمـــيــز]

ان شاء الله ساعدك درب الحب زين ما زين عاد قلنا زانت معك ولا مازانت

واذا تبينا نزينها سوا عادي ترا درب الحب يزين كل شي يحط ايده فيه زين

الله يقطع شيطانك يا درب الحب خليتي اكتب تعليق ماله داعي هههههههه

[قلــ(صايع)ـــب]

في لوحة التعرفة حق السيارة مكتوب 1 - 2008
يعني هي انتاج شهر يناير 2008

زين ... زين

زين ...

في بعض المواضيع رأيت ان ممكن تركب ipod .. لكن ما لقيته في السيارة ؟؟
ماتغير المسجل بـ 2008 مو مثل التقرير اللي نزل لعام 2008
يعني مايركب

زين ...انزين

يعني الخليجي ما شي ... حرام ... بس انا جربت نسخة MP3 من الكمبيوتر و اشتغل في السيارة على عكس ما قيل لي ان ام بي ثري ما يشتغل ؟؟

كل ما حاولت انزل (دريشة ) الراكب بجانب السائق ... ما اقدر انزلها ... شو السبب ؟؟
مع العلم ان على الزر في جانب الراكب الامامي ... توجد لبه تسوي فلاشنج .. يعني تطفي و تولع ؟؟
اضغط زر تشغيل المحرك مرتين بدون ماتدعس بريك ( عشان تشتغل العدادات)
ونزل الدريشة اللي جمب السائق للنهاية بضغطة زر وحده متواصلة وأرفعها بضغطة زر وحده ومتواصلة ونزلها ورفعها وشغل السيارة بشكل طبيعي (( بيختفي الوميض وبتشتغل الدريشة زي الفل)) كانت محتاجة برمجة

زين ... زينين

زبتط ..

في بعض صور الافالوان يوجد على مقود القيادة بعض الازرار الاضافية ... في سيارتي لا توجد مع انها
ليمتد .؟؟
http://www.toyota.com/img/vehicles/2..._limited_7.jpg
هذي الأزرار لوارد امريكا فقط
وماهي نازلة بالخليج حالها حال النيفيجيشن وأزرار المراية اللي فوق

زين ... مب زين كلش

يالله ... ليش ها الحركات البايخة ... بعدين ربعنا ليش ما يطلبون مثل الامريكي ...

الحين انا متوهق بمقود القيادة ... كل ما احاول ارفعه لفوق ... مش سحب ... لا رفع فوق ... ما يصير معاي ... هل معناته ان المقود فقط تسحبه للامام و الخلف و ما تقدر للاعلى و الاسفل؟؟

انت دخل يدك تحت المقود بتلاقي مقبظ ثاني للرفع والتنزيل غير مقبظ السحب بس انت ماشفته ( مخشوش داخل )

ااااااااااااااااااه ... ريحتي كثييييييير كنت خايف ما اقدر ارفع السكان .. قلت راحت عليك يا صاحبي .. سيارة بـمئة الف ما تقدر ترفع السكان ... لا حرام يا جماعة ... انا مقهور ليش الشركة ما تسوي ها الحركة بالكهرباء احسن من اليدوي ...



يعطيك العافية اخوي درب الحب على الرد الجميل منك .. و الكافي و الوافي

و خاصه حق الدركسون ... يا هي فرحة عملت عزيمة يوم عرفت انه ممكن ارفعه


زين في سؤال حشري ...

يوم اشغل السيارة .. طبعاً بحكم السيارة جديدة في قراطيس المقاعد .. الاحظ على كرسي السايق و الراكب بجانبة ... انه في تفدق للهواء ... شو هذا ؟؟

بالنسبة لتبريد و تسخين الكرسيين الاماميين ... يوم اللمبه شغال معناته شغال ؟؟ لاني اليوم الظهر جربته
كانت اللمبه شغالة ... لكن ما حسيت ببروده ... بالعكس نزلت من السيارة و انا معرق ؟؟ شو السالفة؟؟



يعطيك العافية اخوي درب الحب ... السموحة على الغثة و الاطالة





بالتوفيق لك ... و للجميع

[ع.الغامدي]

الافالون 2008 ليميتد ... صناعة امريكية ؟؟؟

زين ...

القطع يابانيه بس التجميع في أمريكا

لان اليد العامله في اليابان غاليه جدا

فتقوم الشركات المصنعه اليابانيه وتفتح مصانع خارج اليابان وتكسب يد عامله ارخص بكثير

مثلا افالون في امريكا
هايلكس وكامري ان ماخاب ضني في تايلند
ارمادا من نيسان ايضا تجميع امريكي

حتى الشركات الأمريكيه كذلك GM مثلا
بعض السوابر ( سوبر بان ) في كندا و المكسيك
الكابرس ان ماخاب ضني في ماليزيا او تايلند

حتى مصر اذكر قبل حوالي خمس سنوات فتحو مصنع للددسن بس مادري ضبط معهم ولا لا


بس لا تخاف صحيح ان المصانع برى اليابان بس ادارتها واشرافها يابانيين

وان شالله ان كل الكلام الي قلته زين .... زين