[مخاوي النملة]

السلام عليكم ورحمة الله وبركاته .. تحية طيبة للأعضاء الكرام

رجاءً لا أحد يبخل علي في أي معلومة
( وخااااااصة مستخدمي اللكزس الأمريكي )

ان شاء الله ناوي أشتري لكزس من أمريكا 430 م2004
فل كامل واللون عودي

ياليت أي واحد استخدم الأمريكي يتفضل يعطينا رأيه فيه ..
والعيوب والمميزات اللي لاحظها في السيارة

وكيف قطع الغيار .. وكيف الاستخدام بشكل عاااام

أرجو التفاعل من كل من عنده خلفية بهالشي ..
رجاءً لا أحد يطنش .. وجزاكم الله عني كل خير

بالانتظار

[لكزس ألترا]

الصراحة أنا أستخدم اللكزس الأمريكي موديل 2002 ...

طال عمرك جبته من امريكا وغيرت فيه على طووول وصياانة كاملة بـ 5000 ريال تقريبا ...

هذا الكلام قبل سنة تقريبا .. وللحين والله الحمد لا يشكووو من علة ...

بدل oil و Filtr وروووح ^_^ ... وبالنسبة لقطع الغيار متوفرة وسعرها مناسب جدا ...

والسموووحة ...

[نديم الطيف]

خذها وانت مغمض....

[هاني**]

لازم تشوف السياره او اي شخص تعرفه يتاكد من المواصفات الي فيها


لأنني أعرف شخص استورد لكزس امريكي موديل 2004


ويوم وصلت تفاجا لأنها مافيها شاشه

[كامري الزياد]

انا ماهضمت اني اشتري سياره من امريكا

مدري ماارتاح ولو تجيني ولا يعرض على عرض رخيص على طول شتريها

بس دور بمعارضنا وبعدين فكر في الوارد الامريكي

[نديم الطيف]

المشاركة الأصلية كتبت بواسطة هاني**

لازم تشوف السياره او اي شخص تعرفه يتاكد من المواصفات الي فيها


لأنني أعرف شخص استورد لكزس امريكي موديل 2004


ويوم وصلت تفاجا لأنها مافيها شاشه

كلامك سليم وانا والله رديت عليه ردي السابق على اساس انه هو بيجيبها من هناك بنفسه...او عن طريق احد يعرفه ويوثق فيه


لكن حركات انك تشتري من النت والخرابيط هذي انا ما انصح فيها

[مخاوي النملة]

المشاركة الأصلية كتبت بواسطة لكزس ألترا

الصراحة أنا أستخدم اللكزس الأمريكي موديل 2002 ...

طال عمرك جبته من امريكا وغيرت فيه على طووول وصياانة كاملة بـ 5000 ريال تقريبا ...

هذا الكلام قبل سنة تقريبا .. وللحين والله الحمد لا يشكووو من علة ...

بدل oil و Filtr وروووح ^_^ ... وبالنسبة لقطع الغيار متوفرة وسعرها مناسب جدا ...

والسموووحة ...

الله يعطيك العافية .. ريحتني والله وان شاء الله علاطول بسوي اللي تقول عليه ..

[مخاوي النملة]

مشكور اخوي نديم الطيف ..

وأخي هاني .. أكيد متأكد ان شاء الله منها .. واللي راح يشتريها لي واحد معرفة وتأكدت طبعاً من كامل المواصفات وبالطبع الشاشة أهم شي ..

أخوي كامري الزياد .. كلامك حلو .. بس لو تعرف أسعار ومواصفات الأمريكي .. كان أتوقع تغير كلامك .. الف شكر لك ..



يعطيكم العافية جميعاً .. وما نستغني نطمع بالمزيد ..

[الحجيلان]

مخاوي النملة اللكزس LS 430 في أمريكا تنزل بمواصفات وفئات كثيرة منها بشاشة ومنها بدون والبعض بدون تهوية مقاعد والبعض فل كامل لكن جنوط 16 صغير .

لذلك حاول ترسل صورة للسيارة بالمواصفات اللي تبيها للي تبي يشريها لك وبعدين خله يرسلك صورها وتتاكد إنها هي مناسبة لك وصدقني ما أنت خسران شيء أهم شيء اضمن ان السيارة ماتكون مجهولة أو الشخص اللي هناك يكون ماعنده خبره فيها ...

[مخاوي النملة]

مشكور اخوي الحجيلان .. فعلاً لا حظت هالشي وأنا أبحث هناك

وابشر أكيد راح اتأكد منها 100%

لكن يا شباب بخصوص اللون وش رايكم لأني حصلت سيارتين كلها نفس المواصفات وحدة لون لؤلؤي والثانية لون عودي ( بني محروق ) ؟؟

واحترت الآن

[الحجيلان]

لؤلؤي ......وصدقني لك وللزمن ولعلمك ..

ترى الأمريكي مايجي فيه فتحة تهوية للمقاعد الخلفية فوق القزاز الجانبي جنب المساكات لأن الجو عندهم حلو أما الخليجي تكون فيه وهذي الملاحظة أعرفها من أيام 96 وبعدين تأكد إن المسند الخلفي موجود فيه تحكم بالمكيف والمسجل لأن نفس الشي مايجيبونه وكلاء لكزس هناك وهي موجودة في الخليجي وأظن والله العالم إن الأمريكي مايجي فيه رشاشات لغسيل الأنوار والخليجي موجودة فيه ويبقى السؤال الأهم كم هو السعر ؟؟

وبيني وبينك الخليجي أفضل الأمريكي ودور لك على واحد واشتره ...

[مخاوي النملة]

مشكور اخوي الحجيلان ما قصرت .. بس زي ما قلت لك .. أفضل الأمريكي علشانه أرخص بكثير وأيضاً أشوفه انتشر الآن وصار مرغوب .. حسب علمي ..

أما بالنسبة للسعر .. حصلت أسعارهم ما بين 95000 إلى 98000 ريال ( طبعاً الفل كامل من شاشة .. الخ والموديل 2004 ) السعر هذا من غير الشحن يعني زود عليه بالكثير 10000 ريال يطلع تقريبا واصل هنا بـ 107.000 ريال تقريباً .. وش رايك بالسعر ؟؟

[غامد العز]

والله ماادري وش اقول لك يا مخاوي. انا انصحك بالخليجي والامر راجع لك, وصدقني الموضوع ياخوي فيه مخاطره ممكن تكلفك تعبك وشقاك سنين. لكن اتمنى لك كل التوفيق ان شاء الله وتلقى اللي يطيب خاطرك.

[مخاوي النملة]

مشكور اخوي غامد .. أحس كلامك طالع من القلب .. الله يعطيك العافية ويوفقك .. وما هي غريبة عليكم ياهل غامد

وصدقني ما راح اسوي هالشي إلا وانا حاسبها من كل الجهات ..

[غامد العز]

المشاركة الأصلية كتبت بواسطة مخاوي النملة

مشكور اخوي غامد .. أحس كلامك طالع من القلب .. الله يعطيك العافية ويوفقك .. وما هي غريبة عليكم ياهل غامد

وصدقني ما راح اسوي هالشي إلا وانا حاسبها من كل الجهات ..

انا افداك يالغالي, وفالك التوفيق ان شاء الله وان بغيت شي وانا اقدر عليه مني أو من الجبيل او الدمام تبشر به وانا اخوك.

[الحجيلان]

توكل على الله مخاوي وإن شاء الله خير وبالفعل السيارة موجودة ومنتشرة ومافيها إلا هذي الملاحظات .. اللي حبيت أقولها لك ... والله يطرح البركة فيه ويكفيك شره ..