[ادهمكم]

زرت اليوم و كالة السيارات وكنت ناوي على الفورتشنر G2 موديل 2008 دبل
فوجئت بالموظف يقول لي :
إنه انتهى و فيه من غير دبل دفع ثنائي فقط
سألته هل ممكن تطلبه من وكاله اخرى بالمملكة ؟
زهق
و قال : معدوم
قلت : ممكن ينزل مرة ثانية
قال: ممكن
المهم سألت عن الاسعار و جدتها كالتالي : ( طبعا فئة G بدون دبل 4 سلندر ثنائي الدفع )
G1 : سعره كاش 73000 ريال سعودي اقساط شهرية 2020 اجمالي 96960 ريال سعودي
G2 : سعره كاش 77000 ريال سعودي اقساط شهرية 2130 اجمالي 102240 ريال سعودي
يعني نسبة الوكالة 32%
و فئة G بدبل 4 سلندر دفع رباعي ( غير متوفر لدى الوكيل و احتمال كبير ما ينزل معقولة )
G1 : سعره كاش 83000 ريال سعودي
G2 : سعره كاش 88000 ريال سعودي
نظام الايجار سعره اغلى و هذا ما شفته في الوكالة فوق 110000
ايش رأيكم أخذ دفع ثنائي G2 بدون دبل

ايضاً ايش الفرق بين G1 و G2
متى تنخفض الاسعار سنوياً في اي شهر ؟

هل توجد صور تجسسية للفورتشنر 2009 او اي معلومات
متى تنزل موديلات 2009 في العادة خلال السنة

ارجو ان اكون قد افدت و ارجو ان اجد اجابة من الاعضاء

[أبوالدرداء]

وكالة الظهران فيها Gx1 و Gx2 بدبل ومن غير

هذا يوم الخميس الماضي

سعر جي اكس ون بدون دبل 77 وبالدبل 87
سعر جي اكس تو بدون دبل 81 وبالدبل 91

الفرق بين جي ون وتو: حامي الصدام الأمامي + الحساسات الخلفية + العلامات الجانبية

سألت عن العروض قالوا ما فيه عروض ولا حتى في رمضان

والله أعلم

وطبعا فرق الدبل: الدفع الرباعي + إضاءة أرضية السيارة

[الرحــــــال]

اولا: اهلا بك وسهلا
ثانيا: ياخوي ذولي يقهرون رح دورغيرهم (مافيه بالبلد الا هالولد) واكيد بتلقى وانا مع ارتفاع الاسعار انصحك بGX2دبل والله الله بالستخاره

[أبوالدرداء]

أخوي أدهمكم

رحت أي وكالة في الرياض؟

العجيب في معارض تويوتا في الرياض إن ما عندهم سيارات

أي مواصفات تطلبها، تيجي من جدة ويعطيك موعد إذا كانت موجودة في جدة

بعكس معرض الظهران...السارات اللي يتعاملوا فيها كلها مخزنة بمعرض الراكة

خمس أيام وتستلم

[أبـــو عـــزام]

يا أخوي وش فيك تجيب طاري الفورتشنر اللي بدون دبل!!!!

عسى منت ناوي عليه

لا تتعدى 4*4 أبداً ترى الدبل عززززززززززز

بعدين كل تأخيرة وفيها خيرة

شف إن كانك قريب من السويدي والبديعة ترى فيها موزعين معتمدين طريق المدينة وشارع السويدي قبل النفق

والا اقول بأمرهم بعد شوي لأني رايح مشوار حولهم

بسأل لك عن gx2 دفع رباعي لون ابيض - فضي - ذهبي

وبأرد عليك نفس اليوم إن شاء الله في المساء

الله يوفقك

سلام

[ادهمكم]

المشاركة الأصلية كتبت بواسطة أبـــو عـــزام

يا أخوي وش فيك تجيب طاري الفورتشنر اللي بدون دبل!!!!

عسى منت ناوي عليه

لا تتعدى 4*4 أبداً ترى الدبل عززززززززززز

بعدين كل تأخيرة وفيها خيرة

شف إن كانك قريب من السويدي والبديعة ترى فيها موزعين معتمدين طريق المدينة وشارع السويدي قبل النفق

والا اقول بأمرهم بعد شوي لأني رايح مشوار حولهم

بسأل لك عن gx2 دفع رباعي لون ابيض - فضي - ذهبي

وبأرد عليك نفس اليوم إن شاء الله في المساء

الله يوفقك

سلام

مشكوررررررررين اخواني على اهتمامكم
ابو عزام
ابغاك تسألي عن GX2 بدبل ابيض
بس انا ذكرت المعلومات السابقة للفائدة للأعضاء

[أبـــو عـــزام]

ابغاك تسألي عن GX2 بدبل ابيض

سألت عنه يقول دفع ثنائي جميع الألوان متوفرة بس ما سألته عن السعر لأني أبي أشوف الدفع الرباعي

الدفع الرباعي وأنا أخوك جاي في الطريق ويقول أسبوع بالكثير ومر علينا يوم الأربعاء وتجيك العلوم إن شاء الله

الغريب السعر بعد مفاوضات وأخذ وعطا ومثلك عارف ماخذين سيارات كثيرة من عندهم

يقول سعر خاص جداً جداً لك

بس أنا أشوفه سعر غالي بصراحه مدري ليش يمكن سعره ارتفع

لأنك قلت

G2 : سعره كاش 88000 ريال سعودي

وهو قال لي:

gx2 قير اتوماتيك دفع رباعي شامل كل شيء من استماره وتأمين وغيره بـ 90 ألف يمكن ينزل 500 ريال بعد !!

وش رايك في السعر بحكم أنك لفيت المعارض والوكالات هاليومين وتبخصهم أكثر مني !!

طبعاً هو جاي في الطريق وبعد أسبوع بالكثير بيكون متوفر وبيرد علي بالعلم الأكيد يوم الأربعاء لأنه يمكن يوصل قبل

اتمنى اني ما قصرت معك وأنا أخوك وآسف على اي قصور بدر مني

الله يوفقك بالفورتشنر الزين

سلام

[أبوالدرداء]

أبوعزام

وين الموزعين في شارع السويدي؟ في أي اتجاه إذا جاي من طريق الملك فهد؟

أنا نويت على Gx2 دبل وكنت باخذه من الظهران وأشحنه للرياض وسعره 91 ألف شامل كل شئ

إذا معارض الرياض بيكون متوفر عندها بسعر 90 ألف يمكن ينقص 500، أكيد يكون أفضل وأريح

جزاك الله خير ويا ريت تذكر لنا اسم المعرض ومكانه

[ادهمكم]

أبوعزام

السعر جداً مناسب
علماً بأن سعره 88000 بدون الاوراق و التأمين
90000 يابلاش

[أبـــو عـــزام]

وأنت جاي من طريق الملك فهد مع شارع السويدي ووجهك غرب خل بنده على اليمين ورح على طول

بيجيك اشاره تتعداها بعدين يجيك المكان على اليمين جنب محل موبايلي

الله يحييكم أخواني وتستاهلون كل خير

سلام

[لا تنسى ذكرالله]

نصيحه لله خذ دبل حتى ولو ماتستخدمه يأخي الدبل عز
فرضاً أنت طالع للبر وشفت لك مكان وأعجبك ولاكن يوجد في رمال وهذا المكان يوجد فيه طلح وفيه ظل كثير فهل تقول عادي ولا لا أو لنفرض انك وجدت رباضه ( بمعنى تغريزه ) ولا يوجد أحد فمن يطلعك بعد الله إلا الله سبحانه ثم هذا الدبل بعدين مايضر الدبل بل يزيد السياره ثبات ورساوه اكثر وفي البيع أفضل ( وبعدين عندك أخونا جنوبي جنوني يوجد لديه 4سلندر+ دبل ويثني عليه ماشاء تبارك الله عليه )
والله إني لك من الناصحين لتزويد بعض المبلغ أو حتى تتسلف لايفوتك الدبل ومبروك مقدماً واهم حاجة الاستخاره وفالك المليون . وبشرنا إذا شريت