[فهودو]

بسم الله الرحمن الرحيم

السلام عليكم ،،
إخواني الكرام أنا إن شاء الله مقبل على شراء GS430 ولكني بين مطرقة وسندان !!

محتار أخذها الان وأفرح بها وهي موديل 2008 ؟

ولكن بعد 4 أو 5 شهور سوف ينزل موديل 2009 مع التجديدات والتحديثات ويكفي أنه موديل السنة !
ولكن إن صبرت الى شهر 9 أو 10 من هذه السنة و حصلت موديل 2009 ما يبقا شي ويتغير الشكل الكلي وهو في سنة 2010 او 2011 !!

فمره أقول أخذها موديل 2008 واستانس كثر ما أقدر لأن إن صبرت وخذيت موديل 2009 بستانس شوي وراح ينزل موديل يديد ! فخل استاس الحين وكثر ما أقدر
ومره أقول دام صبرت هالمده اصبر جم شهر واخذ موديل 2009 الجديد ، حرام تاخذ موديل 2008 على نهايته !!!

إخواني أرجو النصيحة وكل واحد يدلو بدلوه ورأيه
وشكرا

[الزاجل]

مرحبا اخوي فهودو
عز الله اني امر الان بنفس المرحلة من الحيرة المطلقة الي انت تمر فيها الان
ساعات اقول 2009 يمكن يكون 460 مع ثمانية سرعات وتعليلي لعدم الصبر واتوكل على الله واخذ 2008 هو (على كلام الاخوان ان مكينة 430 لا باس بها من ناحية القوة وشفت مقاطع على اليو تيوب للتسارع وان التغيرات الي في امريكا نفس الي عندنا بس اختلاف المكينة والجير فقط ) ومن ناحية التفكير بامتلاك السيارة لمدة طويلة بنظري انا الربحان لو اخذت مكينة 430 بسبب اتوقع اختلاف صرفية البنزين بين ال430 و ال460 والجير في 2008 6 سرعات بينما لو نزل 460 في 2009 راح يكون 8 سرعات افرض لاسمح الله صار عطل في الجير الي هو 8 سرعات اتوقع يكون مكلف جدا (في ناس بيقولون هذا يباني ما يخرب) معاهم انا بس هذا اذا كنت ناوي تخليها معاك لمدة قصيرة بحيث ان السيارة ما تبدا تطلب قطع بس لو كنت تبغى تخليها معاك فترة طويلة اتوقع ان الواحد لازم يعيد النظر في هذه المواصفات
الحمد الله كل المواصفات العصرية من شاشة واضاءة led للفرامل وشكل جميل ونظام ذكي للدوخول والتشغيل واضاءة على المراه الجانبية تبريد وتسخين المراتب نظام سمعي متطور يدعم الصيغ الجديد للصوتيات وصلة لمشغلات الموسيقى aux بلوتوث للجوال والترنك (بالسعودي الشنطة) شفط .... الخ من المواصفات
بصراحه بعد كتابة الرد هذا اقتنعة بال2008 اكثر
وتقبل مروري وشكرا

[فهودو]

يعطيك العافيه أخي الكريم
جبتها على الجرح مثل ما يقولون

اهوا لو في طريقة نقدر نعرف فيها الشكل الجديد والإضافات الجديدة وغيره على موديل 2009 لقدرنا نقرر عدل هل نصبر او نشتري الحين

بالنسبة للكويت سألت الوكالة عن GS460 وقالوا انها تنزل بأمريكا فقط وماراح نجيبها

لكن يظل موديل 2009 قريب جدا ، يفيدك الصبر بأنك تحصل على الإضافات الجديدة الحلوة التي عودتنا لكزس عليها كل عام ، ما تدري يمكن يغيرون شغله بثيم الشاشة ؟ أو شغلات في شكل السيارة الخارجي او الداخلي تجملها أكثر

ولا تنسى أن وقت بيعة السيارة يفرق موديل 2008 عن 2009
2009 يجيبلك فلوس أكثر

شكرا على المرور ونتمنى المزيد من الآراء

[جي إس فور لايف]

حياك الله أخوي فهودو نصيحتي لك إنك تتوكل علا الله وتاخذ2008 خصوصا إنها جات بالتعديلات الجديده خارجيا وداخليا يعني 2009 ماراح يتغير شي بالشكل إلا إحتمال لون جديد خارجي أوداخلي وإحتمال كبير إنها تنزل بانوراما ويزيد السعر بين 10000 و20000 ريال تقريبا وهذي كلها توقعات
تقبل مروري
تحياتي

[فهودو]

يعطيك العافيه يا جي إس فور لايف

والله المشكلة عفست جوجل فوق تحت أدور أي موضوع مكتوب عن Gs430 ولم أجد

ما رأيكم نبحث كلنا فس هذا الموضوع وربما نجد تعليقات وتخمينات ونضعها هنا في هذا المننتدى ويكون سبقا ؟
اقتراح فقط

شكرا على المرور

[بو^^جاسم]

من غير ما تفكر يا أخوي .. لازم تنطر موديل 2009 ؟!؟!؟!؟!؟

لأن موديل 2009 سوف يختلف إختلاف كلي عن موديل 2008 ...

بإختصار ، راح تنزل المكينة الجديدة على السيارة و هي 460 .. ذات الـ8 غيارات أو تبديلات ..

فنصيحة ،، إنطر موديل 2009 .. مع العلم إنه لا توجد أي تغيرات في هيكل السيارة .. و لا إضافات داخلية

[فهودو]

يا أخوي انا دقيت على وكالة الساير ( وكيل لكزس في الكويت )
سألتهم عن السيارة موديل 2009 هل راح اييبون Gs460 أو نفسها Gs430
فقالي أن الأولى تنباع بأمريكا وماراح اييبونها واللي راح يجيبونه أهو Gs430

دق اسأل بنفسك اذا حبيت تتأكد
فسالفة أن في موديل 2009 تنزل مكينة جديدة مو دقيق

ولك الشكر على المرور يا بو جويس

[ليكزي]

يعطيكم العافية شباب ..
والله حالتك صعبة أخوي فهودو ، وكل اللي بمثل حالتك ..

لا حديث ولا اسئلة هالأيام الا عن موديل 2009 ..

انا من رايي اقول ، لو تنطر موديل 2009 أحسن ، طبعا اذا فيك صبر .. وانت مب خسران
انا (اراهن) عن تغير المكينة بصراحة .. والله أعلم .. بس هذا اللي لمحوا لي اياه موظفي وكالة عبدالغني في الدوحة ، وغير الموضوع المثبت اللي كتبته .. كل ذلك دلائل ومؤشرات و توقعات على نزول GS460 كموديل 2009 ، لكن تبقى في حدود التوقعات والآمال فقط لا أكثر ..

بس خلوا في بالكم شغلة مهمة ، وهو سعر GS460 موديل 2009 !

موديل 2008 تقريبا صار موديله طايح الحين دام ان احنا في منتصف شهر أبريــ4 ــل الآن .. لذا ان انصح بـ 2009 (المتوقع ينزل شهر 10 او 11 بالكثير) لأهم سببين :-

- 2009 موديل جديد يعتبر و راح يمسك سعره (بلاشك) أكثر من 2008 .. حتى لو كنت شاري آخر دفعة في 2008 ، تخيل ! معاملتك راح تتم مثل اللي شراها من أول يوم نزلت فيه ! (البليته) بس تسوي شغل ..

- اكيد راح يكون في تحسينات وتعديلات على 2009 سواء كان شيء طفيف أو كبير ، حتى الطفيف ينخاف منه ترى .. وكل هذا اللي صار في 2008 ، لحد يومك يقولك موظف الوكالة ان الشكل ما تغير (شفت اشلون)

و خذها مني .. كلام موظفي الوكالة - الله يسلمك - اسمعه من اذنك اليمين وطلعه من اليسار ، وأسال مجرب .. خلاص صرنا خبرة وياهم وعرفنالهم ..

و موديل 2010 يصير خير .. لا تفكر بهالطريقة وبنظرة بعيدة بهالشكل ، يمكن ما تشتري الـ GS أصلا .. ما يندرى شراح ينزل حزتها .. المهم، في أمريكا ، سنة 2012 متوقع ينزل عندهم GS-F (عشرة سلندر) وفوق 500 حصان ، وما يندرى عاد ..

[فهودو]

يعطيك العافية ليكزي على مرورك

معاك حق ان موظف المبيعات ما يعرف عدل
وبصراحة ما يهمه الا أنه يبيع الكمية اللي عنده

عموما هل تتوقع تتسرب أخبار عن السنة في الشهرين القادمين ؟
علما أن الوقت قرب على موديل 2009

ولو صح ظنك وصارت بمكينة Gs460 عندك فكرة كم بكون سعر السيارة ؟
هذا أهم شي صراحة لا تقولي مكينة ولا بطيخ

لو مو السعر هامنا جان طقيت CL500 على الطااااااااير

[حساين]

استنى 2009 وشوف وش يصير

[ليكزي]

المشاركة الأصلية كتبت بواسطة فهودو

يعطيك العافية ليكزي على مرورك

معاك حق ان موظف المبيعات ما يعرف عدل
وبصراحة ما يهمه الا أنه يبيع الكمية اللي عنده

عموما هل تتوقع تتسرب أخبار عن السنة في الشهرين القادمين ؟
علما أن الوقت قرب على موديل 2009

ولو صح ظنك وصارت بمكينة Gs460 عندك فكرة كم بكون سعر السيارة ؟
هذا أهم شي صراحة لا تقولي مكينة ولا بطيخ

لو مو السعر هامنا جان طقيت CL500 على الطااااااااير

الله يعافيك .. ان شاء الله نسمع اخبار اكيدة في الايام الجاية عن الـ GS موديل 2009 ..
انا بصراحة، اتوقع السعر ماراح يقل عن 235 الف ريال ************ تدري بعد الدولار ذابحنا ..
بس انتوا في الكويت يا حييكم يا بختكم ، مب مرتبطين بالدولار .. فما ادري عن اسعاركم ..
بس تأكد ان السعر راح يكون طبيعي ومنافس وعادي بالنسبة للمنافسين الكبار والمعروفين في السوق من فئتها وهم ، أودي A6 4.2 و بي ام دبيليو - الفئة الخامسة (540i بالذات) و مرسيدس E كلاس (ما بين E350 و E500 ) .. ما راح يتعدى اسعار هؤلاء طبعا ..

والله يرزقك ويرزقنا الـ CL ان شاء الله .. قول آمين ..

تحياتي
ليكزي

[فهودو]

يعطيك العافيه ليكزي

[احب لكزس]

مرحبا

اذا معك فلوس كاش في الوقت الحالي
الافضل انك تشتري 2008 لانه يمكن يرتفع سعر السياره زيادة مع التضخم في 2009
واحتمال كبير مايتغير اي شيء فيها على اعتبار انها تعدلت في 2008

وشكرا