[أبـوفيصل]

السلام عليكم ورحمة الله وبركاته

أنا من سكان الحدود الشمالية رفحاء وأنوي الذهاب لمدة يومين الى الشرقية ( الدمام والخبر) ولدي لاندكروزر 2008 ( جنوط حديد ) وأريد تبديلها بجنوط كروم أصلية .. فما هي أفضل المحلات المضمونة بعد الله سبحانه وتعالى في الجنوط الأصلية ( لأن الوكالة غالية مره ) وماهو السعر التقريبي اللى ممكن يأخذون ( جنوط الحديد + الكفرات )
وماهو السعر التقريبي لجنوط الكروم 2008 الأصلية
تكفون ياشباب اللي يعرف محل موثوق بعد الله في الدمام أو الخبر أو الثقبة لايتأخر علي بالرد لأني ناوي السفر بعد بكرا إن شاء الله ..

ودعواتي لكم بأن الله يحرم وجه كل من قرأ أو قرأ ورد على الموضوع عن النار ويدخله الجنة ويحمية من كل شر

وتقبلو فائق شكري لكم ...

[عبدالعزيز بن]

محد يبيع اصلي

كله تجاري لاكنه ماشي ولا احد يشتكي منه

وجنوط الحديد نصيحه لاتبيعهم خلهم عندك

[بنت الخران]

شو يسوي فيهم الجنوط الحديد بعد ما يشترى الجنوط الالمينوم ؟؟؟

والتجارجي شكل الوكاله فى الامارات على 2300 درهم وتقدر تنزل فى السعر بدوون الاطارات

ولو كان نوع الاطارات دنلووب مثل الوكاله

بيكوون زياده عليها 1920 درهم


وهذا فقط للاربع فقط بدوون الاسبيير

[عقبه]

خذ نصيحتي
لا تغيرهم ابدا
مايضر الموتر يومها حديد
سافر وترجع بالسلامة بالحديد

[حسنين]

الاخ ابوفيصل
جنوط 2008 وارد عبداللطيف جميل انا سالت عنها في الوكالة لقيتها تقريبا 2200 ريال للاربع جنوط
يعني الواحد ب 550 ريال تقريبا وهى صناعة تايلندية نفس اللى راكبة على الجديد وارد عبداللطيف جميل
وبتلقاها نفسها في شارع الزينة بحوالى 2050ريال الدمام شارع الملك سعود "فية كم محل للجنوط قبل وكالة تويوتا على اليمين" بتحصل عندهم

[بنت الخران]

فى الوكاله

عند الفطيم

الاصلى بــــــــــــــ 2100 درهم للقطعه
الواحده

[مزاجي الاصلي]

المشاركة الأصلية كتبت بواسطة حسنين

الاخ ابوفيصل
جنوط 2008 وارد عبداللطيف جميل انا سالت عنها في الوكالة لقيتها تقريبا 2200 ريال للاربع جنوط
يعني الواحد ب 550 ريال تقريبا وهى صناعة تايلندية نفس اللى راكبة على الجديد وارد عبداللطيف جميل
وبتلقاها نفسها في شارع الزينة بحوالى 2050ريال الدمام شارع الملك سعود "فية كم محل للجنوط قبل وكالة تويوتا على اليمين" بتحصل عندهم

لتأكيد على كلام اخوي حسنين انا اليوم كنت عند محلات الكفرات وسألتهم عن جنوط 2008 وماحصلت الا عند محل واحد ويقول انها اصلي مكتوب عليها تايلند ب1800 ريال بس انا متأكد انها تجاري وهي نفس اللي على سيارات ابو جميل بالظبط يعني يمكن حتى ابو جميل تجاري

[أبوحمد]

إذا تدور الرخيص خذ لك من عبداللطيف جميل على الاقل هي مواصفات خاصة فيه ومضمونه ويكفيك إنها على جميع كروزرات أبو جميل

وترى حق الغرابي يفرق كثيييييييييير وأنصحك تنتبه ..

لأن الشكل جديد وخاص بـ 2008 واللي جربوها قليل أما حقات أبو جميل فهي مجربه على جميع سياراته أما الغرابي الله أعلم من اللي مستوردها ومن وين

أخي الكريم ترى كل شي الا الجنوط والكفرات ومفاجئاتها اليمه ,, الله يحفظنا وإياكم

[أبـوفيصل]

تسلمون جميعا الله لايهينكم عز الله كفيتو ووفيتو .. الله يجزاكم كل خير