[وبعدين معكم]

كيفكم يا الغالين.....

عندي عدة استفسارات يا ليت القى رد..

سرعة تسارع السيارة من صفر الى 100 ك. 6.6 ثانية, هل هذا التسارع باستخدام الباور او من غيره؟ وبصراحة جربت الباور صراحة رووووووووووووعة وخيااااااااااااااااااال ما شاء الله لا اله الا الله. الي ما جربه نصيحة جربه وشوف السيارة كيف تكون شي ثاااااااااااااني.. بس لا يكون الشارع مزحوم او فيها سيارات كثير كل ما كان فاضي افضل؟ عشان تعيش الجو وتستمتع صح......

فيه شغلات للعناية بالسيارة حصلتها في محل اكسسورات لكزس الفرع الرئيسي. وهي عبارة عن حقييه بأحجام مختلفة واسعار مختلفة بس كلها تحتوي نفس الشي يختلف الحجم. الحقيبة هذي فيها غسيل لبودي السيارة, ملمع للكفرات يستخدم مرة واحدة اسبوعيا وباقي المرات خلال الاسبوع فقط تغسل بماء وترجع المعة, سائل لتنظيف مراتب السيارة الجلد, وسائل او بخاخ مو متأكد للطبلون والديكور الباقي, واسفنجة وممسحة؟ سؤالي وش رايكم في الشغلة هذي, بصراحة ودي اخذها .. بدل غسيل المحطات البايخ.. وعني من طلعت السيارة اغسلها مرة في العربة الي في التحلية واسبوعيا في محطة في الضباب (بس مع انهم قوين الا انه غسيلهم ما عجبني)؟ وش رايكم ؟

وش نصيحتكم لأجل المحافظة على وجه السيارة وصدامها من السفر على الخطوط؟ الفيري, ام الواكس, ام الي يحطونه لحماية الوجه مثل التظليلة بس شفاف؟

الاكياس هل تؤثر يعني تسبب ضرر في حال ما شلت الاكياس عن مقاعد الركاب؟ لأني الاكياس لسى موجودة ما شلتها واشغل المكيف وطبعا فيه بروده بس طبعا مو زي لما اشيل الكيس من عليه؟

وش نصائحكم للمحافظة على السيارة فنيا, وللعناية بالسيارة (البودي وداخلية السيارة)؟

ارجو التفاعل وابداء ارائكم والف شكر مقدما.

[ليكزي]

اولا .. الأميرة هو لقب أوريون .. اتمنى ان نطلق لقب ثاني على لكزس IS
وانا اقترح اما "المدللة" أو "المااسة" .. ايش رايكم ؟!

من قال ان تسارع الـ Is300 من 0 الى 100 كلم/ساعة هو 6.6 ؟! من اين جئت بهذه المعلومة وما هو مصدرك ..
انا مصادري تقول وعبر اكثر من موقع ، ان تسارع Is300 (الخليجي) هو 7.7 ثانية .. لكن مادري هل هو بزر البور او لا .. وفعلا البور رهييييب .. لكن صرفية البنزين حدث ولا حرج عاد :d .. بس السرعة مب زينة يا شباب الله يرضى عليكم ويسلمكم ..

ما شاء الله .. حلوة الشغلات اللي عندكم ..

انا اشوف انه ما له داعي الجلاد الشفاف اللي ينحط على مقدمة السيارة .. لان السيارة من الاساس فيها حاجو زي كذا وهي مهيأ لذلك وكذلك الطلاء مهيأ و مجهز لمثل هذه الحالات والضروف .. فلا تشيل هم السيارة كثير ..

اكتفي بتنظيفها وتغسيلها يوم الجمعة من كل اسبوع وفالك طيب ان شاء الله ..

فيما يتعلق بسؤالك عن الأكياس .. احس انها تسبب لي تعرق لما اجلس عليها لفترة طويلة .. وفي والله بعض الشباب نصحوني اشيلها و قالوا لي انها ممكن تسبب لك (بواسير) لا سمح الله .. لكني ما زلت محتفظ بالاكياس ، ويبدو باني سانزعها عما قريب لانهم تمزقوا شيئا فشيئا ..

وان شاء الله الشباب بعلمونك كيف تعتني بسيارتك .. بس انا شخصيا لا اقوم بشيء خاص من أجل المحافظة على السيارة .. الآمور عادية يا رجال .. لا تخاف ..

بانتظار تعليق باقي الشباب ..

تحياتي
ليكزي

[حسينوو]

تبي تعتني بالبودي :
تلميع كل سبوع مرة وحده طبعا في حالة ان الجو حلو يعني بدون غبار وعفستنا في السعودية
تلمع السيارة كل سبوع مرة وبعدين كل يوم تنظفها
بالنسبة للتنظيف اليومي مايحتاج انك ترشها بالماء في حالة ان ماعليها غبار واجد
اما اذا في غبار الله يعينك على الماء

ومن الداخل . تلميع كل شهر مرة .. وكل سبوع او كل يومين يعتمد على نظافتك داخل السيارة
وبعدين عليك كل يوم مسح داخل السيارة ( بمنشفة - خلاقين - مادري والله شتسميها ) بس المهم تكون مغسولة بالماء الحلو ......!!

[وبعدين معكم]

الاخ: ليكزي

التسارع جبته من المنتدى هذا, بس بدور الموضوع وان شاء الله بحط لك الرابط اذا مو غلطان...

متأكد يا الغالي ما احط شي على وجه السيارة, يعني فيها عزل اساسا, زي فيه شغله قال عليها واحد من الشباب يسونها على السيارات يحطون لك ماده زي الشمع على كامل السيارة وطبعا شفافه وتحفظ لك البودي., اخوي لا توهقني الله يخليك ترى سفرياتي تقريبا مره الى مرتين شهريا والسرعة على حسب الخط والمزاج, يعني اسرع في السفر.. واخاف على وجه السيارة لا يتأثر او الصدام من الخط.

شرفني مرورك والف شكر على ردك وافادتك ونصائحك

يعطيك العافية وفالك طيب الغالي

[وبعدين معكم]

المشاركة الأصلية كتبت بواسطة حسينوو

تبي تعتني بالبودي :
تلميع كل سبوع مرة وحده طبعا في حالة ان الجو حلو يعني بدون غبار وعفستنا في السعودية
تلمع السيارة كل سبوع مرة وبعدين كل يوم تنظفها
بالنسبة للتنظيف اليومي مايحتاج انك ترشها بالماء في حالة ان ماعليها غبار واجد
اما اذا في غبار الله يعينك على الماء

ومن الداخل . تلميع كل شهر مرة .. وكل سبوع او كل يومين يعتمد على نظافتك داخل السيارة
وبعدين عليك كل يوم مسح داخل السيارة ( بمنشفة - خلاقين - مادري والله شتسميها ) بس المهم تكون مغسولة بالماء الحلو ......!!

شرفني مروك ومشكور على ردك ونصائحك..