[دحوم2010]

اعزائي

السلام عليكم . بعد ما احترت قلت مالي إلأ إنتم


انا مركب كفرات بوالين على جنوطي الـ 17 .. مقاس 900


هل أمشي على البوالين ولا اركب كفرات الوكالـة

مع العلم إن فيه شخص حذرني وقال انتببه خطرات على الخطوط


شكرإإ

[عبدالعزيز بن]

اذا كفراتك عدله ومافيها شي

توكل على الله ولاتتعدى ال120

[عبر سبيل]

لا تعرض نفسك للخطر و تقلق نفسك ركب كفرات الوكالة أفضل
كفرات البوالين تحتر بزيادة و يمكن تنفقع و أنا أعرف واحد راح مشور حدود 200كيلو
و الكفرات بوالين و أنفقع علية كفرين فا أنصحك ركب كفرات الوكالة
و تروح و ترجع بالسلامة

[الـــديـــم]

وعليكم السلام ورحمة الله وبركاته

اكيد كفرات الوكالة افضل واكثر امان بإذن الله واخف على السيارة وايضا اكثر ثبات
البوالين للبر فقط ولو تسافر فيها راح تمسح وتتآكل بسرعة
والله يكتب لك اللي فيه الخير وتروح وتجي بالسلامة..
تقديري..

[راع الحيزى]

معظم كفرات البالون المشهوره عند الشباب ماتتحمل السرعه العالية (****120كلم/س) بسبب ارتفاع درجة حرارتها لان تصنيفها اقل من درجة A

[عقبه]

غلطة عمر اسميها تركيب البوالين
لا منظر ولا سلامة ولا رزانه للسياره
وتسبب مشاكل الرجه بعد فتره
البوالين تصلح فقط لراعي البل في الدهناء والربع الخالي لحاجته الماسه في المناطق الرمليه
وشبابنا على وجيههم في التقليد الغلط ومجرد اني مركب بوالين وماله فيها سنع
خل الموتر شد بلده يابعدي واحفظ حلالك من الخلل وفقك الله للخير

[المنسق]

طيب وين اهل الخبره


وخصوصا اهل قطر بوالييين والممشى فوق 160 ؟؟؟؟؟؟؟؟؟؟؟

[صقرررر]

انظر الى معامل السرعة مكتوب على جنب الكفر
وكذلك معامل الحرارة
من تلك القرأتين تعرف هل الكفر يتحمل ام لا

[ولد الاكرام ...]

توكل على الله وخل الهواء في البالون 40 وروح لبيت اهلك انا من سنة 2000 وانا أخذ كروزرات ما اسافر الا على البالون لين الـ 2008 سافرت على الفي اكس ار عليه بالون هيروا 900-17 3 مرات رايح الإمارات ما فيها مشاكل .. الحمد لله ..

.. تقبل مروري ..

(( ت ح ي ا ت ي )) .. ولد الاكرام ..

[التوهم]

حااااسب اخوي بس عن سرعه 120 كيلوووووو متر على البالون زين نفس مااقالك اخوي ولد الاكرام وانا مساافر على موتر البحرين بس كنت امشي 100 ال 80 خبرك الموتر جديد

[أدولف هتلر]

يا الغالي أنا عندي جمس و عليه تواير بوالين 900 دنلوب و اروح به و الحمد لله كل شي اوكي

بس اهم سي خل الهواء 40

تحياتي لك

[عسكـــــريم]

البالون غير ثابت على الخطوط...خاصة اذا الجو فيه هوا متحرك...الموتر يروغ يمين ويسار انا مجربه من 5 سنوات

لاحظ اذا ركبت بالون ومشيت على طريق بسرعة 80 كلم...نزل تايرين خارج الطريق (الجلد) راح تلاحظ ان موترك يشدك لجهة الجلد...
واذا سفرتك قريبه ولاتبي تغيرهم خل ضغط الهوا مثل ماقالوا الاخوان 40 وطالع...

(باختصار) البالون لسوالف البرررررررررر



لكن اخواننا القطريين والاماراتيين الله يحفظهم مايسافرون الا على البالون ...ولا بسرعة 180 ..!!

[السياغي]

ركب الوكاله اضمن لك

[ولدالدوحه]

اخوي سافر على البالون وماعندك مشكله نهائياً من سنوات نسافر على البالون وبسرعة عالية بعد والحمدالله وترى البالون من الداخل خيوط حتى لو احتر عادي لاكن تواير الشركة فيها نص سيم ( اسلاك حديد ) ونص خيوط مكس يعني لواحتر التاير يتقطع على الخط ولازم يكون التاير جديد عشان تسافر بأمان عكس البالون اللي مشكلته الوحيده عدم الثبات وبنسبه بسيطه لا تذكر . في النهاية اخوي بعد لازم تحاسب على الخط ولا تسرع تجنب للمفاجأت وبالتوفيق للجميع .

[هامور للابد]

اخوي عادي سافر ، لاتحاتي بس لاتسرع مب بسبب التواير بس اي نوع من التواير ممكن يتقطع عليك مب بس البالون ، واعتقد ضغط الهوا الطبيعي هو 32 وتأكد انت بعد من نوع التاير

[عبدالعزيز السيد]

انا عن نفسي انصحك بتواير الشركة الاصلية
البالون تاير رملي وليس تاير مخصص للطرق
بعض الشباب يحطونه للكشخة ويطلع شكل الموتر جذاب ولا تنسى كل تاير له مواصفات وله حدود للسرعة ينصح بعدم تجاوز حدود السرعة المبينة
مثل تواير البورش
مكتوب على التاير لا تسرع فوق 235 كم
وتاير آخر مسموح بسرعة لا تتجاوز 285 كم
والله يحفظك من كل شر