[ابن الجبر]

السلام عليكم ورحمة الله

اطلب من الشباب اصحاب الخبره ماهي افضل الوسائل للحفاظ على لون الهيكل بالنسبة للصدام الأمامي و حماية الاناره من الاتربة اثناء السفر

ودمتم سالمين

[عقبه]

فيري فقط
ومن يوم توصل للديره المقصوده غسل الفيري لانه حااااااااار على البويه
وفقك الله
تروح وترد بالسلامه

[ابن الجبر]

الله يسلمك عزيزي بس سمعت ان الصابون يعلم خدوش على الهيكل ماصحت ذلك وتسلم طال عمرك

علما ان لون السياره اسود

[قاقوقه]

في بعض المحلات المشهوره في الدمام تعمل لك رشه خاصة تحمي وجة السيارة
وتحصل فيه اعلانات كثيره في جريدة توزع مجانا اسمها الوسيط او المبوبة تصدر كل يوم خميس وتحصلة في اي بقالة او محل في الدمام او الخبر
بنسبة للانارة في محلات في الدمام عند وكالة تايوتا يحطون غطاء بلاستيك يحمي الانوار بنسبة للسعر والله ماعندي اي معلومة عنها

[دقات قلب]

مانع الترميل .. ؟؟

الحمايه من الترميل ..

من فيكم مركب مانع الترميل سواءا اللزقة أو الصبغة الشفافه (( لأصحاب الأفالون فقط ))

بسافر وش احط على واجهت السيارة ؟؟؟


اغطية الانوار

غطاء النور

تركيب غطاء نظارات للشمعات الأمامية والكشافات (للجميع وخصوصا أهل مكة المكرمة)

تم تفصيل وتركيب نظارات الانوار الامامية للاوريون بالرياض

[ابن الجبر]

تسلم يا قاقوقه

هل تقصد الرش ( التقبيره ) اذا كانت كذلك فالتغبيره هناك العديد من الشباب والمحلات تقول انها تشمخ البدي

تسلم

وينكم يا اهل الخبره ..........

[ولد الاكرام ...]

.. الله يعطيكم العافيه ..
.. اما من ناحيتي انا اذا بسافر اروح اشتري صابون فيري واحطه على السيارة واتوكل على الله ..
.. واغسل السيارة اول ما اوصل المكان اللي انا ابغية ..
.. بس بشرط ان اللي بيحط الصابون على السياره لازم تكون يدة خفيفة ما يضغط على الصبغه علشان ما تسير آثار شموخ في البدي ..
.. اما التغبيره انا ما انصح فيها بتاتاً .. لانها تشمخ البدي وتلعب بالصبغ وتغير لون الصبغه وخاصة اللون الاسود ويدخل على الراديتر غبار (( وشغلاااااااانه )) ..
.. وتقبلوا مروري ..

(( ت ح ي ا ت ي )) .. ولد الاكرام ..

[راع الحيزى]

لاتسرع اذا جاك العج والغبار !!

[قاقوقه]

اخوي لقيت اعلان في جريدة الوسيلة
مكتوب بالاعلان حماية كامل عطاء المحرك و الرفارف و الواجهة بالحاسب الالي == الوحيدون بالملكة
اسم الوكيل المعتمد لافلام الحماية بالممكة --- حماية و عناية
العنوان - الراكة شارع خالد بن الوليد
03-8578833
حماية مقدمة المركبات - حماية كامل المركبات - التظليل العازل الحراري للمركبات و المباني - حماية الزجاج الامامي
عندهم عرض ساري حتى نهاية شهر ابريل 2008م
مكتوب بالاعالان صمان المصنع حماية المقدمة مدي الحياة - افلام العزل الامريكي - 10 سنوات
هذا كل المكتوب بالاعلان في جريره الوسيلة بتاريخ29.3.2008
*احصل على التظليل الحراري لكامل الزجاج مجانا مع حماية المقدمة
وان شاء الله تحصل مرادك

===========================

[موترز]

شو رايكم بالشحم؟

[احمد اورين]

الشباب ماقصرو لاكن عندي نصيحه لا تدوس سرعه ولا تلزق بالسيارات انا مجربه تظل سيارتك نفس الوكاله

[ابـ عبدالله ــو]

المشاركة الأصلية كتبت بواسطة موترز

شو رايكم بالشحم؟

ابعد عن التشحيم ... نصيحة مجرب يتفاعل مع البوية ويغير اللون

[عبدالعزيز السيد]

عندنا في دولة قطر
محل تركيب عازل شفاف ونفس لون البدي يتركب لبانة السيارة والليتات الامامية وشغل 100 % مضمون

[بن عتير]

انا مركب حماية وهي عبارة عن لزقة دائمة علي ربع الكبوت و ربع المداقر و الانوار والكشافات والدعامية
والكفالة مدي الحياة وسعرها 240دينار
واستغرق التركيب يوم كامل

[المنسق]

المشاركة الأصلية كتبت بواسطة عقبه

فيري فقط
ومن يوم توصل للديره المقصوده غسل الفيري لانه حااااااااار على البويه
وفقك الله
تروح وترد بالسلامه

صدقت

والله هذه طريقتي منذ مبطي وعمليه جدا جدا


واسألني عن العج والغبر عندنا في الشرقيه

[ابن الجبر]

تسلمون يا اخوان الله لا يهينكم

بالنسبة للاخ من الكويت نعم نفس الشغله موجوده عندنا في البحرين وبسعر 200 دينار تقريبا

على العموم اضن ان كلام الأخ ولد الاكرام معقول جدا

الأخ قاقوقة تسلم طال عمرك انشاء الله اتصل فيهم واشوف اللي عندهم تسلم

شكرا لردودكم الجميله