[الوشق]

السلام عليكم ورحمة الله

انا ناوي اروح للرياض ودي اشوف اكسسوارات السيارة
و تلبيسات الارضيات والشنطة و التظليل

وش رايكم

اروح للعليان وزيبارت اللي على طريق خريص

او

اروح لشارع الغرابي

وشكرا

[أبـــو عـــزام]

الله يحييك بين أهلك وربعك

أول شيء رح للعليان اللي في خريص لأن عنده أشياء ليست متوفرة في فرعينهم اللي في الغرابي

طبعاً رح خذ فكرة عن العليان والأسعار والاكسسوارات اللي بتحط عينك عليهم وشف زيبارت وش عندهم من عروض

بعدين رح للغرابي وشف وش فيه متوفر ويمكن تحصل أشياء سعرها أقل من العليان وعندك حقين التنجيد هناك خبيرين مشاء الله عليهم خلص شغلك معهم.. ومر على حقين الدعامات يمكن يعجبك شيء من عندهم في آخر الشارع على اليسار (العطاس) وشف حقين المسجلات في نص الشارع على اليسار يمكن يجوز لك شيء من شاشاتهم وحركاتهم.

وبعدها إن كان ناقص عليك شيء ولاحصلته في الغرابي ولكنك شفته عند العليان اللي في خريص أرجع لهم وأقض لزومك.

وإن كانك بغيت فزعه في شيء ترانا حاضرين باللي تبي

الله يوفقك والجميع

سلام

[الجفني]

الله مير يحييك والله وحنا في الخدمه اذا بغيت شي سو لي طلب على الخاص وابشر في عزك انا من سكان الرياض

[الوشق]

ابوعزام

الجفني

الله يجزاكم خير على التوجيهات وعلى الترحيب
و الله كفو وما قصرتوا

جعلكم ذخر

اتمنى لكم التوفيق

دمتم بود