$$$$$تركيب مثبت السرعة$$$$$ ...بالصور تقرير كامل والكامل وجه الله
بسم الله الرحمن الرحيم
أخواني وحبايبي اليوم جايكم بتقرير وموضوع الكثير سأل عنه وعن تكاليفه وهل هو آمن وهل يسوى ولا ما يسوى التعب طبعاً الموضوع هو تركيب مثبت السرعة
في الحقيقة وبعد سؤال كل من ركب مثبت وجدت أن الجميع يقول لا تتعدى فيليب الكهربائي الفلبيني في القصيم
لقيت ناس تركب في الشرقية وناس في الرياض ولكن سمعة هذا الرجل تعدت منطقة القصيم وصار الناس يجون من الكويت ومن الشرقية والغربية يركبون عنده وذلك لسببين: - جودة شغله حيث ان من ركب عنده لم يشتكي ولله الحمد من أية مشاكل وهو يركب مثبتات من عشر سنوات على فكرة - نظافة شغله أو ما يسمونه الفينيش يعني شغل وكالة ما شاء الله
توجهت له صباح الخميس الماضي بالفورتشنر 2006 V6 ووجدت عنده سيارتين لاند كروزر شباب جايين من الرياض وواحد جاي من الدمام ومعه عائلته ورايح للمدينة راح حط عياله في شقة وجا عند فيليب السيارتين بدا الشغل فيهم من الساعة ثمان الصبح وما انتهوا إلا مع صلاة الظهر تقريبا طبعا كل هذا وأنا أنتظر لا يروح دوري لأنه كل شوي جايه سيارة تلبق وتمشي
معلومة لأصحاب الفورتشنر أنا شفت فيليب يركب جهاز مثبت أمريكي في الكبوت ويركب أسلاك تربط مع البخاخ وشغله طويله عريضة والكلام هذا في اللاند ولما جا يركب عندي: فتح الكمبيوتر ومد أسلاك إلى الدركسون وركبها في المثبت وصلى الله وبارك وبس !!!
ليه يافيليب؟ قال الفورشنر من السيارات الجديدة اللي دواسة البنزين ما فيها سلك يسحب الأبنص شغل أول، لا الدعوة حساس ومربوط بالكمبيوتر يعني ما يفتح الكبوت أبداً
المهم شكلي طولتها لكن الشاهد الله سبحانه إني أبي الفائدة للجميع وأبي دعوة صالحة
أولاً: يفتح الكمبيوتر الموجود تحت الدرج ويوصل منه أسلاك
ثانياً : فك الدركسون
ثالثاً: الدركسون طلعت قرونه
رابعاً: هذا المهندس فيليب ماخد الدركسون على طاولة العمليات عشان عمليات اللحام وترهيم القطعة اللي هي طبعاً مثبت تويوتا أصلية حقة كامري لأن دركسون الفورتشنر نفس مقاس الكامري
خامساً: هنا عملية حفر الديكور علشان تركيب المثبت وطبعا أول شي يبدأ بدريل ثم مشرط غير طبيعي ولا مشرط جراح عشان تحديد الفتحة لتطابق دركسون تويوتا وعلى فكرة ياخذ المقاس من دركسون تويوتا
سادساً: فك الديكور ومد الأسلاك
سابعاً: تركيب الدركسون
ثامناً: الشكل النهائي
بقى آخر شي وأهم شي التجربة....بعد تجربته مع فيليب في الشارع القريب من الورشة ولكن أفضل تجربة هي طريق الرجعة للرياض والنتيجة ما شاء الله تبارك الله شغل عدل ومرتب اسأل الله أن يطرح فيه البركة ويطعمنا من خيره وخير ما صنع له ويكفينا شره وشر ما صنع له
نقاط سريعة: - المثبت يستاهل التركيب جداً جداً - اللي متردد ويبي يركب دعامية ولا تانكي ولا أي شي ممكن الإستغناء عنه أقوله لا حط فلوسك في مثبت ولا تترد - لدى فيليب أخ شقيق توأم اسمه مون ممتاز جداً مثل فيليب لا يختلف عنه في أي شي خاصة أنهم معتادين على تركيب المثبتات لمئات السيارات. - لك الحق تقول أبي فيليب هو اللي يشتغل ما أبي مون وهم متعودين ما يزعلون أبداً من هالشئ. - المثبتات أصلية ويركب لكل سيارة حق وكالتها. - كامل القطع من عنده. - كلف الموضوع 1600 ريال.(أحد الأعضاء لاحقاً ركبه ب 1500 ريال يعني ممكن تأخذ خصم مية ريال بشطارتك) - أكثر ناس يركبون عنده اللاندكروزر والباث فايندر. - المثبت يركب على القير العايدي والتوماتيك. - أول سيارة ركب لها فيليب مثبت هي كامري قبل عشر سنوات. - عرضت عليه وكالة تويوتا فرع القصيم العمل لديها بعد أن حل مشكلة لسيارة لكزس طولت في الوكالة وجاء وحلها عندهم في عقر دارهم بعد ما جابه راعي السيارة، ولكنه رفض واستمر في ورشة الفايز بالخبراء (ديرتي ).
نقطة أخيرة: إعداد التقرير هذا ورفع الصور أخذ مني مجهود ووقت والدعوة ما هي تشخيص واستعراض، أنا ما عملت هالشئ إلا لوجه الله علشان يستفيد منه من يبحث عن هذا الموضوع بالذات ولا أريد إلا الدعوة الصالحة منكم إخواني الكرام ومن أراد نقل الموضوع فلا ينسى حفظ الحقوق للكاتب ولمنتدى سيارات الفورتشنر وتقبلوا تحيات أخوكم ومحبكم...
التعديل الأخير تم بواسطة : يالله من فضلك بتاريخ 05-13-2008 الساعة 03:11 AM.
مشاركة: $$تركيب مثبت السرعة$$ ...بالصور تقرير كامل
ما شاء الله تبارك الرحمن
الف مبروك والله عطيك خيره ويكفيك شره
لي عدة استفسارات امل إفادتي واكون لك من الشاكرين
1- فوتشنر 4 سلندر ينفع تركيب مثبت وإلا لا ..
2- ارغب في تحديد موقع هذا الشخص كوني لا اعرف منطقة القصيم بالضبط يعني إذا دخلت القصيم اروح بريده يمين وإلا يسار عنيزه وإذا اخذت ليموزين يوصلني لمحله وش اقوله .
3- وهذا السؤال خارج الموضوع ...السرعه عندي تفصل على 160كلم ... هل الشخص هذا يستطيع حل هذه المشكله بفصل هذا التحديد .
مشاركة: $$تركيب مثبت السرعة$$ ...بالصور تقرير كامل
اقتباس:
المشاركة الأصلية كتبت بواسطة يالله من فضلك
بسم الله الرحمن الرحيم
نقاط سريعة: - المثبت يستاهل التركيب جداً جداً - اللي متردد ويبي يركب دعامية ولا تانكي ولا أي شي ممكن الإستغناء عنه أقوله لا حط فلوسك في مثبت ولا تترد - لدى فيليب أخ شقيق توأم اسمه مون ممتاز جداً مثل فيليب لا يختلف عنه في أي شي خاصة أنهم معتادين على تركيب المثبتات لمئات السيارات. - لك الحق تقول أبي فيليب هو اللي يشتغل ما أبي مون وهم متعودين ما يزعلون أبداً من هالشئ. - المثبتات أصلية ويركب لكل سيارة حق وكالتها. - كامل القطع من عنده. - كلف الموضوع 1600 ريال. - أكثر ناس يركبون عنده اللاندكروزر والباث فايندر. - المثبت يركب على القير العايدي والتوماتيك.).[/size]
وتقبلوا تحيات أخوكم ومحبكم...
السلام عليكم
اخي الكريم
اشكرك على موضوعك المميز وعلى اجتهادك
اخي الكريم
كتبت في موضوعك بان الفني يركب مثبت السرعه على جميع السيارات (حسب كلامك)
ابسألك عن السيارات وعن الموديل وعن السعر
اذا لك خلفيه عن السعر افدنا بارك الله فيك
واذا ماعندك خلفيه ممكن تعطيني رقم هاتف المحل او تدلني على المكان
علما باني راح اجي من الرياض الى القصيم لتركيب المثبت
السيارات المستعلم عنها
اكورد 2002 سبشل
اكورد 2006 سبشل
لاندكروزر 2007
تكلف الشغل (وهل انا اجيب القطعه ام هو الي يتكفل فيها )
واذا ماحصلت القطعه بامكانه التوليف بزر فاصل اون اوف
فرجت هم الله يفرج همك
وجزاك الله خير
والله يجعله في ميزان حسناتك انقذت ناس تبحث عن المثبت
مشاركة: $$تركيب مثبت السرعة$$ ...بالصور تقرير كامل
بيض الله وجيهكم جميعاً
والدعوة الصالحة هي ما أبحث عنه
بخصوص الاستفسارات
لي رجعة عصر اليوم أو المغرب
سأجيب فيها عن كل استفسار على الجميع وبالتفصيل الممل إن شاء الله
مروركم هو إثراء للموضوع
تقبلوا تحياتي........
التعديل الأخير تم بواسطة : يالله من فضلك بتاريخ 04-22-2008 الساعة 11:19 AM.
$$$$$تركيب مثبت السرعة$$$$$ ...بالصور تقرير كامل والكامل وجه الله 
