[الجفني]

شباب يا اهل الفوتشنر كلكم تدرون ان اجيوبكم تركب فيها بطاريه ثانيه انا بصراحه ودي اركب بطاريه لكن ما ني شابكها فقط ابغاء اخليها احتياط عندي في الكبوت لو سمح الله طفت علي البطاريه القديمه وانا في البر اركبها طبعا بطاريه ام تعبيه
فسؤال يا شباب ابغاء اركب القاعده وماني عارف وين القاها الي تحت البطاريه الي ترفع البطاريه الي مثل الوكاله الي يعرف لا يبخل علينا يا اهل الفوتشنر

[الوشق]

هلا وغلا

والله ودي اساعدك

لكن ما عندي اي معلومة

بس اكيد الشباب عندهم خبر

[أبـــو عـــزام]

شف وأنا أخوك إن كانك بتركبها ولانت شابكها فغير رايك عن الموضوع أفضل

أنصحك تشبكها بالطريقة المعروفة عند الكهربائيين وأنصحك بالذهاب إلى كهربائي سبق أن عمل بها في أكثر من سيارة

وإذا ما لك رغبه تشبكها رح للغرابي عندهم بطاريات مصندقة تنشحن سابقاً (أتوقع على كهرب البيت) مخصصة لشحن بطارية السيارة عندما تكون ضعيفة أو تفضى،، أشترها وحطها مع عدتك وهي مشحونه وبتفي بالغرض وقت الحاجة.

الله يوفقك والجميع

سلام

[الرحــــــال]

هذي والعلم عندالله تلقاها عند محلات الرحلات البريه ومحلات الترهيم

[سخنشفش]

هلا اخووي ربي يعطيك العاافية


انا لقيت الطريقة هذي في كثير من المنتديات يركبووها على الجيوووب

فهمت قصدك

تلاقي الحديدة الي تمسك البطارية في محلات قطع الغيااار وترا ما تفرق لو تاخذ حتى حق لند كرووزر

المهم اشتر البطارية وانا اقترح عليك تركبها في الجهة الثانية الجهة اليمين الي من جهة الراكب الامامي (بجانب مكان السائق) تلاقي هناك في فضاوة كبيرة وفي محل جاهز وهناك ثقوووب يمديك تثبت حامل البطارية من خلالها

وبالتوفيق ...

لا انصحك بتوصيل البطارية ترا كثير عملوها وسببت لهم مشاكل في الكهربة ... يبيلها محترفين

انصحك بجعلها سبير فقط واذا احتجتها فكها وركبها محل القديمة ..

اتمنى اني فدتك ..

[وليد الأسلمي]

المشاركة الأصلية كتبت بواسطة أبوحمد

هذي صورة تثبت امكانية تركيب بطارية اضافية للي يبي

ممكن يفي بالغرض

[الجفني]

بيض الله اوجيهكم يا اهل الفزعه كلا في اسمه
وتلمونا اذا شرينا فوتشنر وهذا هم قواده تحس ان تخاي ارجال في هذا المنتدى شكرا لجميع من رد ومن لم اما بنسبه للبطاريه انا ارى عدم تشبيكها لئن اذا كانت فيه احتياط كفايه عن شغله التركيب

[ابن فطيس]

تسلم أخوي الجفني

الله يعطيك العافيه

اخوي وليدالاسلمي تسلم على التوضيح

تحياتي لكم