[افالون قطر]

بسم الله الرحمن الرحيم

اخواني الصراحة الافالون سيارة حلوة وتعتبر من افضل السيارات ال6سلندر من فئة الصالون..ولكن بها عيب كبير وخصوصا لنا احنا ياسكان الخليج..الا وهو المكيف..


حاولت معاه كذا مره..وحاولت اني اخليه عالاقل نفس مكيف المكسيما او الالتيما او السيفيك عالاقل..
بس رضخت للأمر الواقع...ورضيت بأن المكيف مهما تسوي فيه ماراح تكون دفعيته قويه..مع العلم اني مبدل فلتر المكيف 5 مرات..عشان احس بدفعيه الهواء بس لمدة ثلاث او اربع ايام او بالكثير اسبوع وبعدها ترجع حليمه لعادتها القديمة.....!!
مع العلم بان سيارتي لها سنه معاي موديل2007 وماشيه 50 الف....
معقوله يعني كل اسبوع او اسبوعين ابدل فلتر مكيف.......!!!!
وهاي السبب اللي ممكن يخليني ابيع الملكة الافالون..خصوصا ان السيارة جلد من داخل...!! وتتم واقفه في الشمس من الصبح لين الساعه 2الظهر..........!!!!
يعني اول مااجي السيارة...ادقها سلف واخليها عشر دقايق طبعا...والمكيف شغال على رقم 4 او خمس..!!!!

وهاذي من خلال تجربتي للأفالون......ونصيحة لأخواني اللي يبون ياخذون الأفالون...انهم ينتبهون لها الشي....
ومايطيحون في نفس الخطا اللي انا اعاني منه حاليا..ولا السيارة ماشاءالله عليها.....روعة بس هاي عيبها الوحيد..وشكلي اخر شي بركب كمبريسر لاندكروزر اذا يركب....

وتقبلوا تحياتي

[المــمـــيــز]

الضاهر عندك مشكلة انا ماعمري غيرت فلتر المكيف ولا مرة

والسيارة ماشية 63000الف كيلو


بس اشيلة وانضفة وارجعة والدفع ماشاء الله خيالي وانا لي

فترة طويلة في المنتدى انت اول واحد يشتكي من هذي


المشكلة تأكد اخوي قبل


بعدين مين الي لعب عليك وقالك غير الفلتر كل اسبوعين يعني

ما ادري اصلاً انت كيف صدقته


بعدين اكتشفت من كلامك انك مع كل احترامي ما تعرف شي

بالتكييف يعني ايش دخل دفع الهواء بالكمبريسر

دفع الهواء= مروحة الدفع
الكمبريسور=الدافع للغاز البارد في الانابيب الي يمر فيها الهواء


وانت اعتقد اول واحد يخالف ملايين الاشخاص الي يتفقون ان تويوتا افضل سيارة في العالم في التكييف


اتمنى تتأنى بالمواضيع المرات القادمة بالتوفيق

[السـ(الناري)ـهم]

انا مستغرب بعد من مكيف سيارتك

الحمدالله اللي عندي ما شاء الله تمام التمام

ولا مره بدلته ولا نظفته

حتى ما شفت شكله

ههههههههههههههههه

نصيحه ود الموتر الشركه وقلهم عن المشكله

وان شاء الله تنحل

[أبو ريان]

تأكد إنك ظابط درجة الحرارة على 22 وأقل

[بن مزهود]

أنا اوكيه عندي غيرت الفلتر مره وحده وماشي المكيف

ودها للشركه وخلهم يشيكون عليها وبعدين ترى التبريد مايجي من قوة الدفع يجي من جودة الغاز الموجود شيك عليها في الوكاله وفيه نقطة ترى المكيف موزع على ست فتحات مو اربع فتحات عشان كذا يقل دفع الهواء

[الحـ(درب)ـب]

غريب اللي تقولة

يمكن السبب انه يخلي السيارة بالشمس لمدة 8 ساعات يومين

الحل سهل:
اضرب السيارة عازل حراري نوع V-coolواعيلي

مكيف التويوتا افضل مكيف وهذا معترف فيه

بس المشكله صدقني عندك بوقفت الشمس كل يوم

تقبل مروري

[مازن محمد]

اعتقد المشكلة في سيارتك
اذهب الى الوكالة وشيك على المكيف

[أفالون خاص]

واضح ان عندك خلل مصنعي بالمكيف

لازم الوكالة يصلحونها على الضمان لأن أداء مكيف الأفالون مثل باقي سيارات تويوتا

جرب مبدأياً تقفل دخول الهواء من الخارج لأنه يفرق كثير في قوة دفع هواء المكيف

[نواف البريكي]

المشكله في سيارتك والله انا عندي المكيف بارد مشالله عليه ودفعه قوي
انا اقول ودها الوكاله وخلهم يجيكون عليها ومع العلم مابدلت فلتر المكيف
والحمدالله مافيه شي

[افالون قطر]

المشاركة الأصلية كتبت بواسطة المــمـــيــز

الضاهر عندك مشكلة انا ماعمري غيرت فلتر المكيف ولا مرة

والسيارة ماشية 63000الف كيلو


بس اشيلة وانضفة وارجعة والدفع ماشاء الله خيالي وانا لي

فترة طويلة في المنتدى انت اول واحد يشتكي من هذي


المشكلة تأكد اخوي قبل


بعدين مين الي لعب عليك وقالك غير الفلتر كل اسبوعين يعني

ما ادري اصلاً انت كيف صدقته


بعدين اكتشفت من كلامك انك مع كل احترامي ما تعرف شي

بالتكييف يعني ايش دخل دفع الهواء بالكمبريسر

دفع الهواء= مروحة الدفع
الكمبريسور=الدافع للغاز البارد في الانابيب الي يمر فيها الهواء


وانت اعتقد اول واحد يخالف ملايين الاشخاص الي يتفقون ان تويوتا افضل سيارة في العالم في التكييف


اتمنى تتأنى بالمواضيع المرات القادمة بالتوفيق

اخوي ماادري علي أي اساس قلت اني ماأعرف شي وأخاف شوي وتقول لي ماتعرف تسوق..!!!

بعدين انا صج اني غلطت يوم كتبت الكمبريسر..بس للعلم ترى كمبرسير اللاندكروزر اكبر..

وانا يمكن من كثر ماأنا منقهر من المكيف استعجلت وكتبت الكمبريسر..بس مب معناتها انك تطلع نفسك ابو العريف وانا اللي مااعرف شلون حتى أشغل السيارة..
عالعموم مشكور وماقصرت....وعلى فكرة ترى مااحد قص علي وقال لي بدل الفلتر لأني انا اللي أبدله اذا انسد او توصخ ..لان تنظيفه مايزيد الا شي بسيط من دفعيه الهواء..اما اذا بدلته يرد نفس دفعيه الوكالة..مع العلم اني ماقمت احط المكيف على وضع الهواء الخارجي...أخوي لاتزعل من كلامي بس ترى انا أسوق من سنه 95


مشكورين اخواني على ردودكم..بس الظاهر صج ان مكيفي فيه عيب خصوصا من بعد ماسافرت اول مره في السيارة وكنت مسرع وطول الوقت امشي 220 وتحت وكنت ادخن ومخلي الهواء الخارجي يدخل عشان ماتصير حكره من ريحه الزقاير..واعتقد هالشي سبب لي مشكله..

وانا دوم اخلي المكيف على LO

[افالون تيربو]

مثل ماقالوا الاخوان وده للشركه وقول لهم المشكله وانشاء الله تنحل المشكله ....
ورد لنا خبر وش صار معك

[دقات قلب]

صديق لي ويملك اللون الاسود .. سيارته واقفه 24 ساعة بدون ظل وبدون اي عازل حراري

والمكيف ما شاء الله تبارك الله من ابدع ما يكون ..

سير على الروابط التالية :
تجربتي العمليه مع مكيف الأفالون ( اليوم الجمعه - الساعه 1 )
هل شعرت بتناقص قوة تدفق الهواء من مكيف الأفالون- تفضل
إلي يشتكــــــــــــــــــــــــــي من مكيف الإفالون يتفضل

[أفالون القحطاني]

شي غريب؟؟؟!!!

انا سيارتي 2007 وماشية 45 الف

ولقد غيرته الاقبل يومين فكيته وطلع فيه غبرا مليان ونضفته وذحين زي العسل


تبي شوري (ركب مكيف كراسيدا) والله كانه ثلاجه ماشاء الله تبارك الله
<*****< اسال مجررب

بالتوفيق

[افالون قطر]

مشكورين اخواني على نصايحكم وردودكم....وجاري معالجة الموضوع

[هادي جدا]

أخوي أنا ماعمري أشتكيت من المكيف بالعكس زي العسل بقولك شي بالنسبه لمنطقة الخليج إن كانك توقف سيارتك في الشمس راح ياخذ المكيف وقت عشان يبرد وهالشي في السيارت كلها وبالنسبه للمكيف نظف الفلتر كل فتره أنا سيارتي ماشيه ألحين 67800 وما نظفته إلا مرتين إن كنت توقف تحت شجر لازم تنظفه

حاولت معاه كذا مره..وحاولت اني اخليه عالاقل نفس مكيف المكسيما او الالتيما <---وش رايك أنه إثنين من أخوياي واحد معه ماكسيما 2003 وواحد معه ألتيما 2005 ودهم أن المكيف نص اللي عندي ,خصوصا راعي الأتيما والله معذبه المكيف وأنا شفت هالشي بنفسي دفع هوا بدون براد

[هادي جدا]

مخلي الهواء الخارجي يدخل عشان ماتصير حكره من ريحه الزقاير..واعتقد هالشي سبب لي مشكله..
هذا أكبر غلط ياأخوي لأن الهوا اللي يدخل معه غبار وبلاوي والله أعلم بأجواء الخليج في هذي الحال يبيلك تفك القطعه اللي يجي فيها البلف حق المكيف لأنها صارت معي في سيارتي الأولى(كامري)صار مافيه لا دفع هوا ولاتبريد بعد لما فكيت القطه لقيتها مسدوده بسبب الغبار وأوراق الشجر الصغيره القطعه شكلها زي شكل الرديتر من برا وتنفك من داخل السياره وشكرا أي إستفسار