[سخنشفش]

السلام عليكم ورحمة الله وبركاته


حياكم الله يالربع

اتمنى اول شي ترحبوبي اخ جديد لكم

<*****< فورتشنري الولد ترااه ومن عشاق البر

والله يكون في عونكم عليي

المهم يالربع


عندي مشكلة وخاصتا في البر وهو الكلتش احترق علي مرتين <***** ماني عارف هو مني او من السيااارة

القير عادي عشان المطامر في البر

المهم


المشكلة الي عندي بالضبط ان الكلش كل ما غرزت في البر وبديت استخدم الدبل الثقيل يطلع دخااان ابيض وريحت الكلتشااات ..

اول مرة صارت عندي المشكلة

كنت مغرز في مكان عايدية ويوم شغلت الدبل الخفيف بديت اشم ريحة الكلتشااات وبعدها دخان خفيف لونه ابيض يطلع من تحت من جهت القير مباااشرة

وديتها الوكالة وغيرو لي كلتشااات عليهم طبعاً ....

المرة الثااانية تو صايرلي هذا الجمعة الي طاف

غرزت في رباااضة وكنت ماني خاف التايرااات لاني متكيسل <*****<

المهم بعدها خفيت التايرااااات وحطيته بالثقيل وكانت السيارة عالقة من تحت يعني الرملة وصلت لين حديدة الحماية

حطيتها في الثقيل وقووومتها في الثاااني بدت تبوووش السيااارة وطلعت دخان ابيض من الكلتشااااات والله الدخان الي طلع تقوول دخان مشوووي كباب من كثره

وحسيت ان الكلش صار ثقيل وماله داعي

المهم طلعت السيااارة من الرمل

وبديت كل ما اعشق في الاول وجيت اقووومها حتى من غير الدبل تطلع رجة في السياااارة
بس من احطه في الثاااني تروح الرجة .....


يرحم والديكم شووفوولي حل ... الوكالة واها الوالد قالوووله ولدك يحرق كلتشااات علمه السواااقة

وربي السيااارة عسل معاااااي بس من ادخل فيها البر تعتفس....

وش السااالفة ؟؟

علمووني يمكن انا غلطان في تقويمت السيااارة في الثااني ؟؟؟

بس الي اعرفة اذا حطيته على الثقيل في الدبل تقووويمة الثاني تكون اخف للسيااارة
وكنت مجربها على الطريق العادي ولا صار شي والسياارة عسل ..!




افيدووني يالربع


بس لاحد يقوولي اني ما اعرف اطعس تراني راعي طعوووس زمااان

وهذي الصوورة تشهد

[أبـــو عـــزام]

والله مدري بس اللي أعرفه أن الرجل هي السبب في خراب الكلتش بسرعة

كذلك يمكن الوكالة ما وزنوا الكلتش مضبوط من أول

رح أي ورشة فاهمه وخله يوزن لك الكلتش

الله يوفقك والجميع

سلام

[الذوادي نت]

هلا أخوي ختنفسمشينبت ب أسمك صعب (:

المهم يا أخوي الدبل الثقيل لا تستخده إلى لضروره فهو فقط إذا السيارة مثل ما قلت نزلت كثير في الرمل أو عند سحب سيارة ثانية مغرزة تغريزة قشره

المهم بالنسبة للكلش أظن أن عندك تهريب أو شي فيه غلط الله يعينك أقرى على السيارة المعوذات وأية الكرسي وتفل عليها وعلى المكينه وتعوذ من أبليس قبل لا تدخل البر

وشوف إذا في أحد دايما يقولك الموتر للبيع أعرف أنه شكله معطك عين خذ غسوله وغسل السيارة

في أمان الله

[يالله من فضلك]

السلام عليكم
من واقع خبرة ومعاصرة في عالم الرمال
مهما كانت السيارة قوية أبداً أبداً لازم تنزل هوا الكفرات
طالما إنك تدري بالأرض اللي تمشي عليها
وطول المسافات الرملية
يعني إذا بأمشي في أرض حصى وحزوم وجيت بقطع شعيب رملي مايحتاج
أنزل الهوا لأن المساقة قصيرة
لكن على قولك رباضة معناتها إنك داخل نفود تطعس وهذا يحتاج تنزيل الهوا
من 20 إلى 25 أو أقل حسب ليونة كفرك والنفود اللي تمشي فيه و..و

أبوعزام ذكر شي مهم وهو وزنة الكلتش فعلا ممكن وزنة الكلتش غلط والدسك يبتل قريب من صحن الكلتش وتطلع ريحة احراق
وما كل ميكانيكي بالوكالة فنان

تقبل تحياتي

[foster]

اخوي حاول تضبط رجولك عند الضغط على البنزين وعند ترك الكلتش
وبالتمرين المستمر راح تعرف قصدي.

[سخنشفش]

أبو عزام



أشكرك يالغالي على النصيحة

بس والله رجلي عدله ومثل ما قلت لك ما يصير عندي هالمشكلة الا اذا دخلت البر

يعني خل اضربلك مثال في الشارع عند البيت احطه على الدبل واتمشا فيها عااادي حتى في البر اذا ما غرزت السيارة تمام ما عندك مشكلة بس في التغريز من انمر لها في الثقيل او في الخفيف احيانا
وبدت تبوووووش التايرات في الرمل يبدا يحرق كلتش

خلاص ابو عزام اليوم ان شاء الله بروح لواحد ميكانيكي وبسأله وبعطيك خبر وش يصير معي ..

مشكوور يالغالي


++++++++++++ الذوادي نت ++++++++++++

هههههههههههههههههه الاسم بالعنغليزي ترا بس مترجم عربي يعني اكتبه وخل الاحرف عنغليزي ويطلع لك الاسم يالغالي

فنتق جديد

لا يالغالي السيااارة ما فيها تهريب ولا شي الحمد لله 100% ولا احد قالي للبيع بس يا خوووفي انها عيني والبلا فيني يا خوووك كل ما سألوني عيال عمي عن السياارة اقول لهم شيخة من صلب شيوووخ وانا صاادق يا خوووي السيارة ما عليها كلام

وبيني وبينك زوجتي بعد تنفخ على خواتها بالسيااارة لاني اخليها تسووقها في البر <*****< يا عينك يا عين زووجتك


هههههههههههههههههه

المشكلة يالغالي كان عندي موووتر سفاري 82 شاريه قطيه انا ويا ولد عمتي عشان الكشتااات وكان ما يحرق كلتشااات وماشي وياي 100% ورجلي نفسها على الكلتش ....

حتى احيان اذا كنت اطعس وفي رقية خفيفة وانا حاطه بالثاااني ينزل عزم السيارة عاد اسوويلها مثل السيارات القديمة احاول اخنقها بالكلتش عشان يقوا عزمها وتمشي وياااي عادي <***** مادري هالطريقة هذي تضر الكلتش في السيارات الجديدة او بالفورتشنر خاصة ؟؟

وشاكر لك يالغالي


+++++++ يا لله من فضلك +++++++

هلابك يالغلا

انا فاهم بالنسبة للتايرات بس كنت ذاك اليوم متكيسل وكنت ناوي اضرب عليها مشووااار فتكيسلت انزل التايرات ...

وان شاء الله راح امتثل لكلامك وكلام ابو عزام وبوديها ورشة يشيكلي على الكلتش <***** ولو ان الوالد امس مطلعها من الوكالة تشييك الـ 40

مشكور يالغالي


++++++++ foster +++++

هلابك يا بعدي

لا تخاف والله رجووولي مضبوووطه <***** بديت اشك في رجوولي يا خوااان لا تشككوني

لو رجوولي ماهي مضبووطه كان حرقت الكلتشااات من غير الدبل

شوووفووو يالغالين انا بقول لكم وش اسووووي اذا غرزت

اذا علقت السيارة وحطيته في الدبل ودست بانزين ولقيتها تحفر اشيل رجلي من البانزين ومباشرة اضغط الكلتش <***** هل هذا خطأ ام لأ؟؟

وشاكر لكم يا بعدي