[مجنون الأفالون]

السلام عليكم ورحمة الله وبركاته


صباح الخير كلن بصباحه ومساء الخير كلن بمسائه


حبيت أقول لكم التحذير وأتمنى من الله انه يفيدكم وينبهكم بخصوص قطع الغيار



الكل يعرف منيف النهدي .. صاحب قطع غيار اللكزس المعروفة .. وأيضا تويوتا



أحذركم من الشراء منه او التعامل معاه ...


انا أشتريت منه كذا شغله وطلعت مقلدة وغير أصلية .. حتى شركة عبداللطيف جميل حذرت منه


ومن أشخاص معروفين بشركة عبداللطيف قالي انتبه تتعامل مع النهدي وهو صديق لي طبعا ونصحني


وانا اشتريت بواجي وكويل وطلعت مغشوشة ...


يعني منيف النهدي ماهو زي اول يجيب لك قطع غيار ... صار إضحوكة


وتحذير آخر


لا تصلح الا عند الوكالة . ... لو ترهن البيت والسيارة لكن إدفع وريح راسك


أكثر الورش بالصناعية القديمة او الخليج او أين كان ... يجيب لك عرض للقطع .. مش فاتورة


ويقولك ترى غيرنا هذا وغيرنا هذا وهذا .. وانت يا غافل لك الله

ومكتوب بفاتورة النهدي النصاب : هذا عرض للسعر وليس لفاتورة خخخخخخخخخخخخخخخخخخخخ
ومن أمن العقوبة أساء الأدب

ومثل ما حصل لخوينا ما أذكر إسمه ... لما صلح اللكزس بورشة ولطعوه ... وموجود موضوعه ..


لهذا وجب التنبيه


..


نصيحة لوجه الله /


روح لعبداللطيف أبو جميل وريح راسك . .. صحيح انهم ما يستحون لكن الشكوى لله


اذا لك حاجة عند ( الكـلب ) قله يا سيدي
(( تكرمون ))


للمعلومية ..


إشترية علبة زيت الدركسيون عند النهدي المغشوشة بـ 189 .. وعند لكزس بـ 159

وخصم 20 بالمية




نصيحة ثانية /


اذا رحت لسيارتك لورش نصييحة جيب قطع غيارك بنفسك ..

وبعد ما تجي تستلم سيارتك .. فاجأهم وقول لهم طلعوا لي القطع المستبدله عشان تحرجهم هههههههههههههههه


والله انا شي جربته وفادني

ومسكت ورشة إسمها الشريم بالصناعية القديمة


الأخ مغير لي جلد المقصات وجايب لي ورقة بسعر القطع وليست فاتورة وانا ينقالي غشيم

بالأخير قلت له وين القطعة اللي غيرتها ؟؟؟ والمشكلة اليوم مغيرها ؟؟

قعد نص ساعه عشان يطلع لي جلد مقصات للكزس 97 ههههههههههههههه

ورحت لأبو كلـب النهدي وقلت لهم هل هذا التركي راعي الشورما أشترى منكم جلد المقصات


جاني السعودي وقال لا هذا طلب بسعر القطعة بس

وناديت الشرطة واشتروا لي الورشة جلد مقصات وعوضوني بمبلغ وقوف السيارة


والله يا جماعة حنا شعب ينضحك علينا

خلي الواحد يشغل مخه

ههههههههههههه اسألوا نفسكم ليه الورش فاتحين هههههههه عشان يضحكون علينا <===< دايما الوالد يقوله هالكلام



وصلى الله على نبينا محمد وعلى آله وصحبه اجمعين


أخوكم /

أحمد

[الأديــــــب]

شكرا لكـ أخوي أحمد

وعلى نصيحتك


وجزاك الله خيراً كثيراً

[عشعوش@]

شكرا اخوي على النصيحة وبالفعل البطال ماترك للطيب محل لاتضلم كل الورش فية بعضها طيب وهي جدا قليلة انا اتكلم على مستوى جدة والقصيم

[الحجيلان]

الله يبيض وجهك والقراء الإعزاء وجعلها الله في موازين حسناتك ...

[(غير مسجل)]

لا حول ولا قوة الا بالله... يا اخي ناس ما تخاف الله... تكذب وتتفلسف و لسانهم اطول منهم بس علشان يثبتون لك ما في احد بالدنيا فاهم بالسيارات الا هم و هم بالغالب ما يعرفون الا تغيير الزيت والشغلات البسيطة...

ما اقول الا الله يجزيك كل الخير على التوضيح و عسى الله يجازي الي كان السبب...

[مجنون الأفالون]

شاكر للجميع مرورهم ودعائهم


وجزاكم الله ألف خير على المرور الرائع

وصدقتوا


اللي اخشتوا ماتوا ...


تحياتي

[م.عبدالله]

يا شبااااااااب...

منيف النهدي قطعه استرالية او برازيلية وأحيانا يستخدم التايوانية وفي 30% من قطعه أغلى من الوكالة ...

إسأل مجرب ولا تسأل طبيب..

[عليك لمبه]

الله يجزاك بالجنه صاحب الموضوع وجميع المسلمين ..ووفقك لكل خير ووسع في رزقك ورزقك ووجميع المسلمين الصحة والعافية والسعادة.. فعلا افدتنا الله يفيدك لكل خير .. والله يجزاك عنا خير الجزاء ..وانت رجل مكافح وبطل وامين .. سعدنا بموضوعك ونصائحك الذهبية والله يكفينا شر من به شر أو خبث أو لعب أو فساد أو مكر .. والله يفضحه في الدنيا والآخره .. وارى انه موضوع اكثر من رائع يستحق التثبيت ليعم التحذير بشكل اوسع ..

[بنت الخران]

شكرا لكـ أخوي أحمد

وعلى نصيحتك


وجزاك الله خيراً كثيراً

[مجنون الأفالون]

شاكرين مروركم

وجزاك الله خير اخوي عليك لمبه


وبنت الخران عاش من شافك وجزاك الله خير


ومهندس عبدالله كويس انك افدتنا وزدت الموضوع افادة أكثر

تحياتي للجميع

[أفالون وبس]

توني ادري الله انك اشتريت ليكزس

الف مبروك ويعطيك خيرها يكفيك شرها

ومثل ماقلت جزاك الله خير

الورش مثل هذه الحمدلله ماقربلها الا لما اشيك على اسعارها بحق الوكالة

والحمدلله الوكالة بعد البيع تكفي وزيادة وخاصة لما تشتري لكزس ^_~

عموما الله يجزاك على النصيحة ولا عدمناك يالغالي

اذا رحت لسيارتك لورش نصييحة جيب قطع غيارك بنفسك ..

أفضل طريقة في الوقت الحالي الي يفرض على المرء لتجنب النصب والاحتيال

[مبتكر]

بصراحة اللي يخلي سيارته بالورشة ويوكل عامل الورشة يجيب القطع بنفسه مع احترامي هو ...

الحمدلله كان معي كامري من عام 99 حتى عام 2008 ماسويت الحركة الغبية هذي فيها لأنه لي مخ أفكر فيه ..

[جون ويكر]

هههههههههههه طيب وين نروح حبيبي الشغلة محتكرة بين الوكالة وبين منيف النهدي ومن الا خر مالك الا التشليح وعلا فكرة اغلب التشاليح نصابين طيب وين الحل \\\\\ لك مروري

[مجنون الأفالون]

شاكرين مروركم جميعا


افالون وبس تحياتي عزيزي والله يباركلي بعمرك ويسعدك


وشاكر مرورك ولنا إتصال قريب


عالعموم بالنسبة للرد الأخير

جون ويكر


عزيزي ماهي مسألة محتكرة


لكن المسألة بسيطة جدا


ياخي اشتري قطع غيارك بنفسك من الوكالة

وخصم 20 %

وإحترام ومالك الا يطيبون خاطرك

واسعار احسن من الخارج


يعلم الله ما أقول هالكلام اني جزء من ابو جميل او اني أدور مصلحته

لكن الحق يقال يا جماعة

على الأقل : ان طلعت القطعة مضروبة معك فاتورة ومعك كل شي والفاتورة نفسها فيها سيريل نمبر موجود

والقطعة فيها سيريل نمبر نفس الفاتورة ومختومه


يعني اشتر هالقطع واقعد فوق راس الورشة

وهددهم والله ما ينفع معهم الا التهديد

قله يا اللي فيك وما يخطيك اقسم بالله ان شفت سيارتي ماهي مثل اول لا اسوي حركة سوفلكس

اي شي سويه

المهم انك تضمن حق سيارتك

وزي ما انت مريح وتسوق السيارة وتكرفها


ياخي السيارة لها حق عليك

تحياتي

[كروز]

السلام عليكم
صدقتم اخوانى
انا كلا اشترى من الوكاله وحافظ قيمة كثير من قطع اللكزس
قلت خل امر النهدي واسم القطع طلعت اغلى من الوكاله
فقلت الوكاله وبس

[صـقـور الـعـز]

بارك الله فيك اخوي

وانا قد صار لي موقف مع ورشة مايز (تابعه لمنيف النهدي) فعلا ما عندهم ذمه وخصوصا كبير المدعو ابو مروان (شامي) الله لا يبارك فيهم