[حمد القناعي]

السلام عليكم ..
صارلي تقريبا شهرين وأنا طالب Vx من الساير ..
وطبعا كل اسبوع اتقهوى عندهم وأستفسر .. ومحد فيهم عارف متى بتوصل الطلبية ..

المهم ..

بالنسبة للطبلوم الي يجي من الساير يكون اسود .. هل يمكن صبغه ولا لأ ؟! ..
وعلى فكرة سألتهم لو أبي أطلب الطبلوم بيج قالوا حاليا مافي !! ..

واخر استفسار .. تسوى اخذ ال2008 ؟ ولا نصبر لين توصل دفعة 2009 ؟! ..

ودمتم سالمين والله لا يهينكم ..

حمد القناعي ..

[حمد القناعي]

السلام عليكم .. لم أجد أي رد من الاخوان ..
الرجاء الرد من اهل الخبرة ..
والله لا يهينكم ..

: )

[بنت الخران]

الله يعيينك

وممكن عاشق الاند يساعدك فى طلبك تراه 24 ساعه فى الوكاله ماشاء الله علييه


وعلييك الا ترص عليهم

وكل يوم تطب عندهم

[عاشـــق اللاند]

ههههههههه بنت الخران وين 24 والله اسير عليهم كل يومين (ماعندي شغل ) ههههه

حبيبي الفكسار راح يوصل شهر 5 اول دفعه وكلها محجوزه او بالاحرى انباعت واذا انت حاجزه من الساير انشدهم عن الدفعه اللي بتجي الشهر الجاي هل جيبك معاهم ولا تطر انك تنطر زياده اذا فيها وقت وانا خوك اسحب العربون وروح لقطر ولا الامارات واشتره من هناك ابرك لك واذا تبيه من الساير انطر 2009 يمكن يتغير فيه شي والصبغ انحش عنه تراه مع الوقت يتغير لونه على كلام الشباب

[عبدالعزيز السيد]

لا تصبغ ولا شي خله شد وكالة
بعدين يصبح موتر بتان ( خان )

[الكميم]

اذا لون السياره لؤلؤي ما تحتاج تصبغ الطبلون
==
تحياتي

[بن مزهود]

فعلا الصبغ مع الوقت والشمس يقلب لونه ويرجه زي الفضي كذا


واحد مجربه لا تلعب بسيارتك وتصبغ الطبلون

[السياغي]

لالالالالالا تصبغ وتبهذل السياره مالك

[فهد منصور]

انا اشوف ان الصبغ اللي موجود في الوكاله يسوونه عند محلات في شرق حرام تخرب سيارتك الجديده
والدليل انه مصبوغ اي كلام حطو سياره مصبوغ طبلونها والعالم قامت تحك يدة الباب الى ان شالوها من المعرض اللي في الري وانا سالت الموظف قال صبغ محلي مو وكاله من اليابان واتمنى لك التوفيق

[حمد القناعي]

ما قصرتوووا على الردود !! ..
والله يكتب الي فيه الخيــــــــــر .. !!

[كاسب النشاما]

أرى ألا تصبغ السيارة لأن أي صبغة راح تخرب بعد وقت قصير وخصوصا بالحر اللي عندنا