[القميش]

مرحبا بالشباب . في البداية أهنيكم و اهني القائمين على هالمنتدى الرائع و يعطيكم ألف عافية

استلمت سيارتي الجديدة قبل أسبوع وهي GS430 Frosty Pearl وبصراحة وايد متأزم ويا نظام park assist و مب عارف استعمله بالطريقة الصحيحة !!

في الشاشة تطلع صورة الكاميرا معاها مربع أحمر و أصفر و أخضر و بصراحة مو فاهم شلون لازم استخدمة

الرجاء المساعدة بالايضاح مع الصور اذا ممكن

ومشكورين يا شباب

[ليكزي]

الف الف مبرووووك .. يعطيك خيرها و يكفيك شرها ..
عيل صرنا ربع في الموتر ها

بخصوص نظام الـ Park Assist .. في نوعين من خطوط العرض
واحد للوقوف العرضي والثاني للطولي (الصورة توضح على الشاشة) ..
ععلشان تغير فيما بيناتهم، "بتلاقي زر على الزاوية" ..

اللون الأخضر يعني ، التصادم غير محتمل
اللون الأصفر يعني ، التصادم محتمل
اللون الأحمر يعني ، التصادم أكيد

الله يوفقك ..
للمزيد ، راجع دليل المالك "شفايدته يعني ههههه ؟!" ..

حاضرين ..

تحياتي
ليكزي

[القميش]

مشكور يا خوي ويعطيك العافية وانا وايد عجبني طريقة عرضك لموترك ووايد شجعتني اني ما اغير اللون (بصراحة كنت متردد على اللون)..

دليل المالك مب واضح وايد و مادري اذا عرفت قصدي ان اللي ابي اعرفه هو المربعات اللي تطلع على الصورة مالت الكاميرا واللي لاحضته انك لما تلف السكان المربعين الاصفر و الاخضر يتحركون بس مب فاهم !!

ماعليه شكلي (slow) شوي !! لكن اذا عند تفصيل او demo بكون شاكر لك يا خوي

و تسلم

[القميش]

ها شباب احد يساعدني !!!

[ليكزي]

ابشر ، ولا يهمك .. بس الموتر مب عندي الحين لانه في الوكالة يصلحون لي الدعمة اللي صارت لي ..
لما يرجع بعد بكرة "على اقصى تقدير " راح اشوف شسالفتك ..

بس انا دائما استخدم العرض او الـ View اللي يخليك تصف السيارة طوليا "مثل الصورة" وليس عرضيا ، لكن العرض الثاني ما فهمته بصراحة لكنه للصف العرضي او الصف بين سياراتين بشكل عرضي (يعني يفيدك لمل تريوس/ترجع وراء وتكسر السكان/الدركسون كامل ، وتصف بالعرض بين السيارتين ) ..

طبعا تقدر تغير ما بين الوضعيات من خلال الأيقونة اللي على الزاوية يمين-تحت بالنسبة للشاشة ..

تحياتي
ليكزي

[فهودو]

لحظه لحظه يا جماعة
ال Gs430 موديل 2008 يصفط من نفسه باستخدام الكمبيوتر نفس LS460 ؟؟

[ليكزي]

المشاركة الأصلية كتبت بواسطة فهودو

لحظه لحظه يا جماعة
ال Gs430 موديل 2008 يصفط من نفسه باستخدام الكمبيوتر نفس LS460 ؟؟

بإختصار ..

لا

للحين ما وصلنا التطور في الـ GS ..
ذاك النظام حصري على LS (فل فل فل اوبشن )

تحياتي
ليكزي

[فهودو]

عيل هذا الموضوع على شنو بالظبط :\

[القميش]

سلامات اخوي ليكزي عن الدعمة انشاء الله بسيطة ..
عيل انا في انتظار مساعدتك ومشكور..

[التوهم]

المشاركة الأصلية كتبت بواسطة http://www.x66x.com/download/269448163b73b899b.jpg

ابشر ، ولا يهمك .. بس الموتر مب عندي الحين لانه في الوكالة يصلحون لي الدعمة اللي صارت لي ..
لما يرجع بعد بكرة "على اقصى تقدير " راح اشوف شسالفتك ..

بس انا دائما استخدم العرض او الـ View اللي يخليك تصف السيارة طوليا "مثل الصورة" وليس عرضيا ، لكن العرض الثاني ما فهمته بصراحة لكنه للصف العرضي او الصف بين سياراتين بشكل عرضي (يعني يفيدك لمل تريوس/ترجع وراء وتكسر السكان/الدركسون كامل ، وتصف بالعرض بين السيارتين ) ..

طبعا تقدر تغير ما بين الوضعيات من خلال الأيقونة اللي على الزاوية يمين-تحت بالنسبة للشاشة ..

تحياتي
ليكزي

مشاااء الله عليك ماخليت شي لي عشاان الرد راايتك بيضه الله يوفقك انشااء الله

[القميش]

ياللا يالربع وين المساعدة... أمس بغيت أشلخ سيارة في البارك !!!!

[ليكزي]

اسمحلنا على التأخير ..

• الوضع اليدوي (نفس اللي تقصده ونفس الصورة) ..

يتم عرض خطوط التوجيه على الشاشة

وضع عرض خط المسار التخميني

1- خطوط توجيه نطاق عرض السيارة
تشير هذه الخطوط إلى نطاق عرض السيارة التخميني عندما تكون عجلة القيادة مستقيمة (السيارة مستقيمة)، تنطبق خطوط توجيه نطاق عرض السيارة على خطوط المسار التخمينية.

2- خطوط المسار التخميني
تشير هذه الخطوط إلى المسار التخميني الذي تتحرك فيه السيارة للخلف. تتحرك الخطوط بالتزامن مع عجلة القيادة.

3- خط توجيه المسافة (أصفر)
تتحرك الخطوط، جنباُ إلى جنب معع خطوط المسار التخميني، بالتزامن مع عجلة القيادة. مركز الخط يشير إلى موضع على الأرض بمقدار متر واحد تقريبا وراء المصد الخلفي للسيارة. إذا لم تكن عجلة القيادة مستقيمة، قد يحدث تفاوت.

4- خط توجيه المسافة (أحمر)
تتحرك الخطوط، جنباُ إلى جنب مع خطوط المسار التخميني، بالتزامن مع عجلة القيادة. مركز الخط يشير إلى موضع على الأرض بمقدار 0,5 متر تقريبا وراء المصد الخلفي للسيارة. إذا لم تكن عجلة القيادة مستقيمة، قد يحدث تفاوت.

5- خط توجيه المسافة (أخضر)
الخط يشير إلى موضع على الأرض بمقدار 0,5 متر تقريبا وراء المصد الخلفي للسيارة.

6- زر الشاشة اللمسية المساعدة على صف السيارة المتوازي (على يمين الشاشة)
لمس هذا الزر يؤدي إلى تشغيل وضع المساعدة على صف السيارة المتوازي.

7- زر الشاشة اللمسية لوضع عرض خط التوجيه (على يسار الشاشة)
لمس هذا الزر يؤدي إلى تشغيل وضع عرض خط التوجيه

المصدر:- كتيب دليل مالك نظام التوجيه GS 430 / GS 300

إتمنى انك فهمت الحين .. واتمنى انك ترجع للكتيب وبتلاقي فيه معلومات كثيييرة ..

تحياتي
ليكزي

[القميش]

تسلم يا لبدر مشكوووووووووووووور :d