[ماجد السالم]

العيوب الواضحه من وجهة نظري :
1- المراتب الي ورا صغيرة جدا وماهي مريحه خاصه مع السفر؟ جربوا الكابرس او الافالون المراتب ورا سرير ماشاء الله. شي يقهر مانتبهت الا بعد ماشريتها
2-الديكورات داخل اقل من المتوقع التخشيبات شحذه
3-الفيديو مايشغل والسياره ماشيه نظام امني حركه غبيه من يبي يشوف فلم والسياره واقفه والله لو انا سكارى.
4- الجنوط عاديه جدا والسياره بشكل عام تحتاج لمسات رياضيه اكثر.
واخير انا اشوف سعرها مبالغ فيه مقارنه مع المواصفات نشوف رايكم

[إي إس بانوراما]

اولا: السيارة مو رياضية عشان تحتاج الى لمسات رياضية ( السيارة من فئة السيارات العائلية المتوسطة)

ثانيا: المراتب الخلفية اذا تقول صغيرة فأنا اقولك لا
شوف السيارات اللي من نفس الفئة وتعرف انها مريحة جداّ _ فإذا بتقارنها مع الأفالون فأعتقد انها بنفس الحجم تقريباً
لكن مع الكابرس فاللكزس اوسع عدا فئة الرويال اللي اعقد انك شفتها .
اما على التخشيبة فأعتقد انك شفتها قبل ما تاخذها

واذا على الفديو فهو وضع لحالات التوقف الطويل فقط فهو امنياً غير جيد تشغيله والسيارة تمشي (( مع اعتراضي على اللفض التشبيهي)) واذا بتابع فلم تابعة في التلفزيون في البيت احسن

واذا على الجنوط شكل جنوط الافالون اعجبتك - بس للمعلومية جنوط اللكزس كروم بعكس الافلون عادية

اما اخيرا اذا على السعر فلا تنسى انت شاري لكزس مو افالون ( مع احترامي لعشاقها)

تقبل مروري
إي إس بانوراما

[مبتكر]

المشاركة الأصلية كتبت بواسطة ماجد السالم

العيوب الواضحه من وجهة نظري :
1- المراتب الي ورا صغيرة جدا وماهي مريحه خاصه مع السفر؟ جربوا الكابرس او الافالون المراتب ورا سرير ماشاء الله. شي يقهر مانتبهت الا بعد ماشريتها
2-الديكورات داخل اقل من المتوقع التخشيبات شحذه
3-الفيديو مايشغل والسياره ماشيه نظام امني حركه غبيه من يبي يشوف فلم والسياره واقفه والله لو انا سكارى.
4- الجنوط عاديه جدا والسياره بشكل عام تحتاج لمسات رياضيه اكثر.
واخير انا اشوف سعرها مبالغ فيه مقارنه مع المواصفات نشوف رايكم

1- المراتب نفس مراتب الأفالون لكن الافالون تتفوق في أن المراتب الخلفية يمكن ان تحركها لراحة ظهر أفضل ..

2- الديكورات انا أشوفها ممتازة ومافيه عيوب وهذي الديكورات تعبر عن ذوق كل شخص لكن اعترف واقول الأفالون اكثر تخشيب ولايمنع من كون تخشيب ES ممتاز لأنه كل سيارة ولها تخشيب خاص فيها يعبر عن شكلها الخارجي ونوعها ..

3- الفيديو وضع لحالات التوقف الطويل ولو انه مافيه DVD كان قلت ياليت فيها DVD , وهذه اضافة جميلة للكزس وبصراحة مادري كيف بتابع فيلم وانا اسوق والله لااتبهذل خاصة لو يكون الفيلم أكشن ,, فأنا أفضله كثيرا في حالة الانتظار وبالعكس ماقصروا في هذا DVD ..

4- الجنوط للفل اوبشن أيضاً شفتها بعينك وبالعكس لون الجنوط مفيد علشان مايبين فيه أوساخ الفحمات واظن حركة حلوه من اللكزس . واللكزس ES بشكل عام مو مصمم للطابع الرياضي واذا تبي الشكل الرياضي عندك GS من افضل مايكون ..

5- سعرها الحالي فيه نوع من المبالغة لكن شي لابد من منه خصوصا الطلب المتزايد عليها ..

[ماجد السالم]

ياشباب انا مااتكلم عن نفسي كسائق فيه ركاب معاي يبون ترفيه خاصه في السفر يبون يتابعون فلم او مسرحيه اغاني فيديو كلب وووو
خلونا واقعيين انا طولي 165 اذا جلست ورا احس اني جالس في مرتبة اطفال المراتب قصيره ماتكلم عن مساحة الرجلين ومااتكلم عن راحة السيارة انا اتكلم عن الجلسه ورا ماهي مريحه
السياره عائليه او حجم متوسط وسعره 160000 المفروض تكون افضل من وضعها حاليا
اعتقد انه الي يخالفني الراي شكله اقصر مني او مايجلس ورا ومايهتم بالركاب الي معه
والي خلاني اشريها هو حبي لهذه الفئه والعلامه تكفيك وعلى فكره سيارتي اخذتها تقريبا قبل اقل من سنه ب 145000 مع الخصم كاش فل كامل وبعدين ال جي اس عيبها ماهي مريحه و قاسيه مع الخط والمطبات بسبب التعليق الرياضي وضيق ورا واسئلوا الي جربوها
الخلاصه كل سياره فيها عيوب
واشكركم على الردود

[مسافِر]

ادفع 260 الف وخذ Ls

واتوقع برضو راح تطلع لنا فيها عيوب ( ترى امزح)

بس نصيحتي لك ارضى باللي عندك واملا عينك منها

ومن واقع خبرتي اي سيارة اول ماتشتريها راح تجلس سنة تطلع فيها عيوب كثير ... لكن بعد سنتين راح تعشق السيارة اكثر واكثر لانك راح تكتشف جودتها وصبرها عليك سنة ورا سنة ... بالذات لكزس ..

تحياتي لك

[ماجد السالم]

مشكور يامسافر ماانكر حبي وعشقي لهذه السياره
لكن العيوب هذه تقهر
ماراح افرط فيها سياره مريحه وراسيه مع الخط وتعتبر فخمه مهما كانت العيوب

[(غير مسجل)]

1- الظاهر انك ما سألت عن بقية السيارات بالسوق... باستثناء السيارات الكبيرة جدا (LS460، 750i، S500، A8)، ما راح تلاقي سيارة صالون فخمة اكبر من الـ ES350... طبعا من غير العادل انك تقارن الـ ES350 بالكابريس الرويال او الافالون ليميتد... ما انكر ان السيارتين اوسع من الـ ES لكن اذا كانت مساحة الركاب الخلفية هي اهم شيء بالنسبة لك، فللأسف، الـ ES350 ليست افضل خيار بالنسبة لك..

2- كلام صحيح.. وانا شخصيا اشوف الـ ES300/ES330 اجمل من الداخل... لكن، اتوقع انك ركبت السيارة قبل ما تشتريها وانت كنت الحكم...

3- لو تلاحظ، ان مو بس الفيديو الى ما يشتغل والسيارة تمشي... حتى ادخال عنوان او ادخال رقم جوال من الشاشة... كل هذه وسائل سلامة.. و بالنسبة للديفيدي، ترى جميع مصانع السيارات نفس الشيء.. الديفيدي ما يشتغل الا والسيارة واقفة او ان السيارة مجهزة بشاشات خلفية اضافية...

4- بالنسبة للجنوط، امرها سهل... لكن الـ ES ما فيها ولا شيء رياضي.. سيارة عائلية كلاسيكية مريحة... اذا تبي سيارة رياضية من لكزس، عندك الـ GS او IS...

5- ما هي السيارة المنافسة بنفس المواصفات الـ ES لكن ارخص؟؟ او على الاقل معقول؟؟

انا ما اقول لك ان الـ ES350 افضل سيارة بالعالم، لكن، السيارة بدون اي عيب لم ولن تصنع!!

اتمنى اني اكون افدتك

[مبتكر]

أحب اضيف ..

عزل السيارة للهواء الخارجي فوق سرعة 100 كم سيء كأنك راكب سيارة عادية مو لكزس .. لكن المواصفات ممتازة ..

[عنود الصيد]

المشاركة الأصلية كتبت بواسطة مبتكر

أحب اضيف ..

عزل السيارة للهواء الخارجي فوق سرعة 100 كم سيء كأنك راكب سيارة عادية مو لكزس .. لكن المواصفات ممتازة ..

.................................................. ......

هي ها يت للنقطه إلى تعور القلب من صدق..... مشكلتنا مع الهواء الخارجي و ماادري شو الحل.....

[عنود الصيد]

المشاركة الأصلية كتبت بواسطة مبتكر

أحب اضيف ..

عزل السيارة للهواء الخارجي فوق سرعة 100 كم سيء كأنك راكب سيارة عادية مو لكزس .. لكن المواصفات ممتازة ..

.................................................. ......

هي ها يت للنقطه إلى تعور القلب من صدق..... مشكلتنا مع الهواء الخارجي و ماادري شو الحل.....

[برادو اقرع]

نصيحتي لك لاتسرع الا في وقت الضرورة لكي لاتسمع مالايعجبك واقنع تر القناعة كنز

[مبتكر]

المشاركة الأصلية كتبت بواسطة برادو اقرع

نصيحتي لك لاتسرع الا في وقت الضرورة لكي لاتسمع مالايعجبك واقنع تر القناعة كنز

شكرا على النصيحة ..

[أعترفلك]

من وجهة نضري عيبها الوحيييييييييييييد التنسيم

[غامد العز]

المشاركة الأصلية كتبت بواسطة (غير مسجل)

1-

السيارة بدون اي عيب لم ولن تصنع!!

حكمة جميلة اتمنى كل واحد فينا يتمعن فيها عشان نرتاح