بسم الله الرحمن الرحيم
السلام عليكم
ياشباب شفت حاجه تضيق الصدر بسيارتي الكامري 2007 GLX وكذلك الأوريون مع أن المفروض أن الشركه المصنعه للكامري تاخذ اكثر حرص على هذا الجانب
وأقول لكم وش صار من البدايه حتى أكتشاف المشكله والحل
طلعت من الرياض الي بريده وكان وقتها مطر والطريق كان فيه ماء
المهم وصلت انا و عيالي ودخلنا الأستراحه وكان معي فحمات علشان أغيرها لأن البريك مايمسك معي زين فقلت أغيرها اذا دخلنا الأستراحه ولا يضحك علي بنجلاديشي بالصناعيه ياخذ 50 ريال على شغل نص ساعه ويمكن يغيرها ويمكن لا
فتحت الشنطه علشان اطلع الرافعه ومفتاح البراغي ... ولقيت اكبر مصيبه
بعد ماشلت الفرشه الي بالشنطه والكرتون الي بعدها لقيت مكان الرافعه مليان ماء وعندما أقول مليان فهو مليان بكل ماتحمله الكلمه من معنى . وكذلك مكان الأسبير لأنه اخذ على شكل الحفره لقيتها مليانه حتى نصف الكفر . صراحه صراحه ماتوقعت هذا التسريب للسياره يعني لو انا ما انتبهت له كان صارت ريحه السياره معفنه بقوه
السبب : فيه ربلات لونها أسود تجي تحت الأماكن الي ذكرتها انا في مكان الرافعه يوجد 2 وكذلك في مكان السبير يوجد 2 وهي رقيقه جدا جدا جدا _ تسمح لدخول الماء والغبار للداخل
الحل : بعد مافكيتها ونظفت الماء المتبقي رجعت الربلات ووضعت عليها سيلكون وانتظر النتيجه لكن ان شاء الله تكون إيجابيه
بالنسبه للشركه ليش ماتخليها ربل مقوى أو ربل فيه براغي لأن لولا الله ثم الفرش الداخلي لوجدت الغبار داخل المراتب
لذلك جرى التنبيه
وهذي بعض الصور
إلى كل من يمتلك كامري او أوريون ( الماء ) راح يدخل عليك !! 
