[انا الولهان]

السلام عليكم ورحمة الله وبركاتة

انا عندي مشكلة في لكزس 460 لارج موديل 2007 وارد اليحيى من الامارات من دفعة شهر 8 عام 2007

يطلع لي بالطبلون (مشكلة في الكفرات ) وعبيت الكفرات هواء ولار احت اللمبه والتحذير؟

وش الحل ياجماعة الخير

[الوحش لكزس]

اخوي هذي تكون مشكلة في اعدادت الحساس او شي لان انا كان عندي نفس المشكلة و وديت السيارة للوكالة مرتان!!!! بس فلاخير صلحوا المشكلة بسرعة و قالولي انة شي بسيط في الاعدادات
ودي السيارة للوكالة و مايصير الا كل خير

[مبتكر]

الله يعينك أحد يشتري سيارة بمبلغ وقدره بدون ضمان ؟؟؟

الله يعينك لو انها سعودي كان ارتحت وتوديها للوكالة وكله على الضمان ..

[أبـوفـهـد]

اخوي لما تعبي الكفرات وتخليهم نفس العيار ومن ضمنهم الكفر السبير لازم تسوي Reset اعادة ضبط لحساس الكفرات عن طريق زر الحساس اللي موجود عند جهة الراكب تحت بعدها راح تطفى لمبة التحذير

على العموم انت حاول واذا ماعرفت له ود السياره للوكاله وخلهم يعيدون ضبط الحساس وبالمره شف كيف يسوون هالشي عشان تسويها بنفسك في حال صارت لك المشكله بعدين

[انا الولهان]

مشكووووووورين

[بات مان]

والله يا اخوي سامحني ماعندي معلومه على هاذا الشي رح للوكاله عبد اللطيف واسئلهم

او عند الورشه وابدا

وفالك يا الغالي البيرق :d @@ ههههههههههههههههههههههههههههههههههههههههههههه امزح معك:d

[**ريم**]

مساكم ورد ...

انا كانت عندي ذات المشكله...
ودها الوكاله و هم يضبطونها و انشالله يمشي الحال

بالتوفيق ...

[فيصلكم]

اذا رحت للوكاله يضبط ضغط هوا الكفرات

وبعدها يضغط زر تشغيل المحرك مرتين (بدون مايدوس على الفرامل)

ويضغط الزر اللي تحت (الدركسون) لمدة 5 ثواني

وبعدها يضغط زر تشغيل المحرك مره واحده (المره الثالثه) حتى تطفي العدادات

وبعدها يشغل السياره من جديد

وبذلك تختفي اللمبه

(( هذا اللي صار معي واللي فهمّني اياه المهندس بعد مارحت له للوكاله عشان لمّبة التحذير))

[حيران و مبهذل]

اذا سيارتك خليجية رح للبازعي يمكن احسن من عبد الطيف جميل وخذ فكره عنهم وعلمنا

تقبلو مروري

[ابن كحيلان]

ويضغط الزر اللي تحت (الدركسون) لمدة 5 ثواني


صحيح فوق دعسة الفرامل وتراه صغير مره يعني بتتعب تدوره

ولاتخلط فيه واحد ثاني جنبه هذا يلغي البصمه والريموت

بس انت خلك ضاغط على الزر 5 ثواني ويطفى المثلث الصغير الي في الطبلون

اتمنى افدتك

تحيااااااااااات اخوكم

ابن كحيلان