[خطوات ع الجليد]

السـلام عليكم . أولاً أبشـركم طلعـت لكزس GS 300 2008 اللـون الجليـدي . بصراحـه راي بالسيـاره أروع من رائعـه وأحب اشكركم ع المنتـدى الي بصراحه أستفدت منه الكثيـر وأهنئ كل واحد يمتلك هذي السياره الرائعـه لأنه بصراحه احسن الأختيار ولن يندم على أي فلس ذهب بهذي السيـاره لأنها تستاهـل . ثانياً . أبي استشارتكم السيـاره لها عندي حول ثلاثـه أسابيـع ولاحظ فيهـا اتساخ الرنقـات بمادهـ سوداء ؟ وكل ما أغسـل السياره بعـد يوم يوميـن يرجـع نفس الشي ؟ ماأدري وش الحـل بصراحه اتعبتني . هل من الممكن ان الوصاخه تكون من الهوبـات ؟ الزبده أبي حل ولا راح أبيعها وأشتري BMW <لأن من تصفحي للمنتدى حسيت فيه ( تتش ) بين الـ BMW و الكزس هههههههههه < يمـزح . وأنشاالله خلال يوميـن أبي انزلكم صـور لسيـارتي .

[هاروك]

ياهلا أخوي وألف مبروك والله يعطيك خيرها ويكفيك شرها ، واتمنى إنك ما نسيت تقرا عليها ، خاصة دعاء شراء السيارة وأدعية الحفظ من العين ( كتيب حصن المسلم)

أخي أعتقد أن السبب في اتساخ الرنقـات بمادة سوداء هي سرعة اهتراء الفرامل لتمكنك من الحصول على فرملة ممتازة وأعتقد أنها تتطلب التغيير حوالي في حدود 10.000 كيلو متر

وعندك الأخوان في المنتدى ما يقصرون

بالتوفيق أخوي

[ليكزي]

عليكم السلام ..

يا مرحبا ..
الف الف مبرووووووك على السيارة .. تستاهل
الله يعطيك خيرها ويكفيك شرها ان شاء الله .. احسنت الإختيار ..
سلامي عليك .. نفس لون سيارتي بعد

ولاحظ فيهـا اتساخ الرنقـات بمادهـ سوداء ؟

كلامك صحيح ..
ما اعرف السبب الرئيسي بالضبط لهذه الحالة ، لكنها اكيد مادة تفرزها الفرامل "دموع الفرامل " ..

الزبده أبي حل ولا راح أبيعها وأشتري BMW <لأن من تصفحي للمنتدى حسيت فيه ( تتش ) بين الـ BMW و الكزس هههههههههه < يمـزح

هههههههههههه
"التتش" دائما موجود .. ولكل سيارة ما يميزها ولكل شركة مميزات وسلبيات .. وكل شيء في العالم "نسبي" ، يعتمد في الأخير ، على رغبات وتطلعات ونظرة الشخص نفسه ..
وشباب الـ بي ام على عينا وعلى راسنا واحنا نحترمهم ويا مرحبا فيهم ..

.
.

حاضرين لك .. اتمنى منك التواصل مع المنتدى ..
و ان شاء الله نشوف صور لسيارتك ، واتمنى تشارك في هالموضوع:-
ملاك لكزس Gs الجديدة 2008 .. تفضلوا ..

لكن مش الحين .. خلك الحين متهنأ وفرحان بالموتر وبعد شهرين "على الاقل" لما تختبرها مضبوط تعال رد

حياك الله ..

تحياتي
ليكزي

[عااااااااااشق]

لو ماحذ لك bmw كان ماطلعت لك الماده السوداء على الرنق ******** يمزخ خخخخخ

والله ياخوي مادري بس ترى عادي حتى اصحاب الis يعانون نفس المشكله


سلام

[فهد الشربتلي]

زيها زي الأوريون
ولد عمي عنده لكزس جي اس 300 والغريب ان فيه قرابة في الراحة والمشي كانها اخوات وربي
بس تفرق انها لكزس ويكفي شكلها وفخامتها واسمها
واخيرا مبروك على اللكزس والله يبارك لك فيها ويخليها لك

[أبوحنان]

مبروك ألف مبروك
اسأل الله يعطيك خيرها ويكفيك شرها وشر الحساد

[ليكزي]

المشاركة الأصلية كتبت بواسطة فهد الشربتلي

زيها زي الأوريون
ولد عمي عنده لكزس جي اس 300 والغريب ان فيه قرابة في الراحة والمشي كانها اخوات وربي

معليه يصير خير
اقول ، كيف حالك؟! :d
اليارس والكورولا مو قراب بعد ؟! :d



تحياتي
ليكزي

[السياغي]

مبروووووووك يابو الشباب

[أبوجلمبو]

أخوي لو تشيك المنتديات الأجنبية بتلاقي حتى ملاك البي ام يصيحون من هالغبار الأسود،
أظن هالمشكلة في أغلب السيارات وخاصة الألمانية واليابانية

[عشعوش@]

مبروك الله يعطيك خيرها ويكفيك شرها عموما مشكلة الفرامل شي جدا طبيعي في اللكزس في جميع الفئات والسواد عادي مع استهلاك الفرامل ونصيحة ترى فرامل اللكزس تنتهي بسرعة مابين 10 و 20 الف كم وهذا العيب الوحيد في نظري .