[لكازس]

مساكم الله بالخير... كيف حالكم ياشباب
انتوا عارفين ان الشنطة تفتح كهربائيا سواء بالريموت او عن طريق الزر الموجود اسفل الدركسون او الزر الموجود بالشنطة نفسها ويمكن فتحها يدويا عن طريق سحب اليد الموجود داخل الشنطة اذا كان هناك احد بداخل الشنطة... ولكن في حالة تعطل البطارية لا يمكن فتح الشنطة كهربائيا ويصعب الوصول لليد الموجودة داخل الشنطة !!!
اليوم وبالصدفة كنت اتعبث بالسيارة فلاحظت وجود حلقه مربوطه بواير من الحديد وبمجرد ادخال اصبعك والسحب تنفتح الشنطة !!
الحلقه هذي موجودة في الاعلى عندما تفتح الغطاء الموصل للشنطة الموجود في المرتبة الخلفية ادخل يدك وتلمس في الاعلى تحصل الحلقة واليكم الصور


الغريب انها غير موضحة بدليل المالك!!
اتمنى اني افدتكم

[مبتكر]

الصور ماطلعت ..

[هاني**]

الصور ماطلعت ..

[لكازس]

معليش يا اخوان ما ادري ليش الصور ما طلعت لكن الحين اكيد بتطلع لانها موجودة بالمرفقات
اكرر اعتذاري

[مبتكر]

يسلمووو أخوي على الصور .. انا اول مره اشوف السلك هذا ..

وماقصرت .

[(غير مسجل)]

يعطيك الف الف عافية.. اكتشفتها بالصدفة قبل فترة لما كنت ادور على مكان ثاني لطفاية الحريق... الغريبة اني ما اذكر اني شفت هذا الشرح موجود بدليل المالك...

[مـوال]

شكرا لك
بس على طاري المرتبه الي ورى ما تنزل يعني تنصفط زي بقي السيارات لو حمت شي بالشنطه طوله زايد

[لكازس]

الله يسلمك اخوي مبتكر ما سوينا شي يستاهل
.................................................. ........................
الله يعافيك يامشرفنا الغالي (غير مسجل) ماشاء الله عليك ادري انها ماتطوفك الله يزيدك فطنه وبالنسبة لدليل المالك من زمان وانا ابحث فيه عن طريقه لفتح الشنطة يدويا لاني ملاحظ ان الاوريون يوجد بها مفتاح بالشنطة في حالة لو تعطل نظام الدخول الذكي او تعطلت البطارية لكن ال Es لايوجد بها مفتاح فقلت مستحيل تطوف على اليابانيين ولايحطون طريقه لفتح الشنطة يدويا ومن ذاك اليوم بحثت في دليل المالك ولم اجد شيء فنسيت الموضوع وبالصدفه حصلت هذي الطريقه امس.
.................................................. .....................
العفو اخوي موال
وبالنسبة للمرتبه الخلفية ما في شي يدل على انها تصفط لكن الاوريون المرتبه الخلفية يمكن صفطها.

[شيخ البانوراما]

.

يعطيك الف عافيه اخوي لكازس

الصراحه انك جبتها

بس ما يقدر الواحد في هالحاله (تعطل النظام لا قدر الله) انه يستخدم المفتاح الميكانيكي؟

.

[الحزيمي]

اقدم اعتذاري للجميع
في البداية قلت معقولة؟؟؟؟؟؟ مافي احد يقرأ دليل المالك؟؟؟؟؟ لأني متأكد اني شايف هذا الشي بالدليل

بس لما تواترت الروايات و الكل يقول نفس الكلام ... قلت أتأكد بنفسي

فريت الدليل فر ...... مافي شي .... بس أنا متأكد اني شايفه بالدليل

آآآه ... انا شايفه بدليل الـ 2005 هههههههه

تحياتي للجميع وشكر خاص للأخ لكازس

[لكازس]

هلا بك اخوي شيخ البانوراما...
بالنسبة للمفتاح الميكانيكي يستخدم لفتح البابين الامامين ولقفل صندوق القفازات وكذلك لقفل الغطاء الخلفي الموجود بالمرتبة الخلفية لاكن الشنطة لايوجد بها شي.
.................................................. ............................
لاشكر على واجب اخوي الحزيمي ...هلا بك والله ... نورت المنتدى من زمان وانت غايب عن المتدى عسى المانع خير ان شاء الله.
ولاتنس المنتدى بحاجه لأصحاب خبرات مثلك ومثل باقي الاخوان اللي كانت لهم مواضيع رائعه بالمنتدى. والان تغيبوا عن المنتدى ونتمنى ان يعودوا.....
اشكرك اخوي الحزيمي على ردك الرائع.

[شيخ البانوراما]

المشاركة الأصلية كتبت بواسطة لكازس

هلا بك اخوي شيخ البانوراما...
بالنسبة للمفتاح الميكانيكي يستخدم لفتح البابين الامامين ولقفل صندوق القفازات وكذلك لقفل الغطاء الخلفي الموجود بالمرتبة الخلفية لاكن الشنطة لايوجد بها شي.

ههها الله يقطع بليسك اخوي لكازس

طلع من جد ما عندي سالفه ابد ابد..

ما ادري ان السياره مالها قفل شنطه



يعطيك العافيه وبارك الله فيك ..

.