[اوريون_وبس]

.




.



.

مساكم اللة بالف خير جميعا

ياجماعة الخير انا من فتره طويلة كل مادخلت موقع لكزس القى جي اس عاديه وجي اس هايبرد

وش الفرق بينهم ............. وشلون بطلب الهايبرد الامريكية

وشكراا ..

[ليكزي]

هايبرد يعني هجين باللغة العربية ******** لا فهمنا على هذه ولا ذيك ها مشكلة والله هههه

للمزيد من المعلومات عن GS450h إليك التقرير التالي:-

http://www.c a r s - c l u b.com/new...us-GS-450h.htm

موقع بكرا - سيارات

اما عن كيفية اماكنية طلبعها ، فـ انا ماعندي فكرة حقيقة ..

تحياتي
ليكزي

[اوريون_وبس]

مشكوور ياعزيزي


بس الرابط وبعد مامسحت 200 مسافه طلع غلط


بس ابي الفرررررررررق

[اوريون_وبس]

ياشباب مو معقول 23 مشاهده ولا رد الا واد

[كمارو]

أخوي الفرق بينهم العادية تجي بمحرك بنزين بس الهايبرد تجي بمحركين بنزين و كهرباء محرك البنزين هو

نفس محرك Gs350 اللي مانزل عندنا بسبب ان البنزين مايناسب هالمكينة ويولد 303 حصان أما محرك

الكهرباء يولد 37 حصان والمجموع 340 حصان والجير فيها بنظام Cvt مثل الألتيما الجديدة

[اوريون_وبس]

المشاركة الأصلية كتبت بواسطة كمارو

أخوي الفرق بينهم العادية تجي بمحرك بنزين بس الهايبرد تجي بمحركين بنزين و كهرباء محرك البنزين هو

نفس محرك Gs350 اللي مانزل عندنا بسبب ان البنزين مايناسب هالمكينة ويولد 303 حصان أما محرك

الكهرباء يولد 37 حصان والمجموع 340 حصان والجير فيها بنظام Cvt مثل الألتيما الجديدة

مشكور ياحبيبي


بس بغيت اعرف افضل الهايبرد ولا العادية ؟؟

[كمارو]

الهايبرد أفضل لأن أسرع فئة في الجي اس وأقل صرفية للبنزين

[اوريون_وبس]

المشاركة الأصلية كتبت بواسطة كمارو

الهايبرد أفضل لأن أسرع فئة في الجي اس وأقل صرفية للبنزين

يابعد راسي وللة افدتني افاده معقدتني


بس اخررررررر سؤال <*****<***** خربها


هل الهايبرد امريكيه ام ماذا


وكيف اطلبها وكم سعرهاااااااا ؟؟

[كمارو]

لا موجودة Gs450h في اليابان

وأعتقد أفضل طريقة لشرائها أنك تروح أمريكا وتشتريها وتشحنها أو تعرف واحد في أمريكا يشتريها

ويشحنها الك وسعرها في الموقع الأمريكي يبدأ 54.900 دولار وعلى حسب المواصفات اللي تبيها بيرتفع

السعر

[اوريون_وبس]

المشاركة الأصلية كتبت بواسطة كمارو

لا موجودة Gs450h في اليابان

وأعتقد أفضل طريقة لشرائها أنك تروح أمريكا وتشتريها وتشحنها أو تعرف واحد في أمريكا يشتريها

ويشحنها الك وسعرها في الموقع الأمريكي يبدأ 54.900 دولار وعلى حسب المواصفات اللي تبيها بيرتفع

السعر

اشكرك بعنف

[ليكزي]

أخوي اوريون_وبس
الرابط الثاني اللي اعطيته لك اعتقد شغال ..
اما الموقع الاول حطيت فيه مسافات لانه يطلع "نجوووم" مادري شسالفة المنتدى !!

كمارو

كفيت و وفيت
يعطيك العافية أخوي ..

تحياتي
ليكزي

[مخـ الليل ـاوي]

ما سألت نفسك وش اطولهم عمرا العاديه ولا الهايبرد
اعتقد ان الهايبررد اكثر تعقيد وفيها نظام جديد علينا (البنزين والكهرب)
وليس هناك فرق شاسع في المكينه
ولاتنسى ان الوكاله اللي عندنا ماتعرف تصلح حتى الزنون

[اوريون_وبس]

المشاركة الأصلية كتبت بواسطة مخـ الليل ـاوي

ما سألت نفسك وش اطولهم عمرا العاديه ولا الهايبرد
اعتقد ان الهايبررد اكثر تعقيد وفيها نظام جديد علينا (البنزين والكهرب)
وليس هناك فرق شاسع في المكينه
ولاتنسى ان الوكاله اللي عندنا ماتعرف تصلح حتى الزنون

عز اللة انك صادق

لكن الواحد اللي بيشتري موتر فم مثل هالموتر المفروض مايشده الا من وكالة قريبة وقويه صح مثل قطر

وبالكويت عندنا شغلهم ممتاز جدا من جميع الامور ابتداء من الاستقبال والى ان تستلم السياره وتجربها

اما انتم اللة يعينكم على اللي عندكم

سمعت كلام ياجماعة يقولون انه بالرياض وكالة لكزس <*****< بدون ذكر اسماء ونتم عارفين من

يقولون ياخذ اللكزس اقل درجه ويشيل .. التخشيبه والفتحه والجناح والجنوط والكشافات والزينون ... يعني مصلع السياره قلب اللكزس كامري

ويبيعها على انها اقل درجه


هل هذا صحيح؟؟؟

[اوريون_وبس]

المشاركة الأصلية كتبت بواسطة ليكزي

أخوي اوريون_وبس
الرابط الثاني اللي اعطيته لك اعتقد شغال ..
اما الموقع الاول حطيت فيه مسافات لانه يطلع "نجوووم" مادري شسالفة المنتدى !!

كمارو

كفيت و وفيت
يعطيك العافية أخوي ..

تحياتي
ليكزي

يكفيني منك انك رديت

ولا المواقع اللي حطيت سهالات فدى راسك

[ليكزي]

الا من وكالة قريبة وقويه صح مثل قطر

يا ريال ، كلهم عنبر أخو بلال ..
وكالة عبدالغني طلللل والله ..
يابن الحلال ، "اسطاب" ما يعرفون يركبونه ، انا "املتهيني وملعوزيني " مع موتري الحين حسبي الله عليهم .. بلااااوي

- ما يعرفون يصبغون الصدام مثل الناس ، والله اي كلام ..
- مخربين لي "سستم" الشفط مال الشنطة .. بس الحمد لله عدلوه ..
- ميزانية الشنطة غلط ..
- كاسرين لي قطعة "القليت/الكروم" اللي على المكيف، وخليتهم يركبون لي واحد يديد ..
- موصخين لي الموتر من داخل ومسودين لي السقف والسيتات "الكشنات" و مشققين نايلون السيارة
- باقوا اغراض من موتري لا بارك الله فيهم ..
- الاسطاب بيوصل بعد شهر من اليابان "مافي قطع غيار" ، بس كانوا طالبين لي وحدة من الامارات و وصلتهم مكسورة بعد ، على حضي ..

شاطرين لي بس ينقعوني شهر والله الحين وما شميت ريحة الموتر ..
شغل زفت كلشش (مرة) واخس من الزفت و"انت بكرامة" قسم بالله ..

خلها على الله يا ريال .. كرهوني في الموتر الله يقطع بليسهم ..
الله يعيني ..

ولا المواقع اللي حطيت سهالات فدى راسك

بارك الله فيك ، يرحم لي والديك ..

تحياتي
ليكزي