[داحس]

سلام عليكم


المكتوب واضح من العنوان وشرايكم في فورد فكتوريا جامده انا من كثر ماسمعت عنها حبيتها في ناس تمدحها مدح مو طبيعي وناس تقول انحش عنها احد جربها ؟؟

وبعدين وشرايكم في وارد امريكا زين يحتر ولا مايحتر اقدر اغير عداده من ميل الى كيلو ؟؟؟


تصرف بنزين ولا صرفها معقول وكم تفويلتها


ناوي ان شاء الله على امريكي :d

[مصرقع الشرقية]

هي حلوة وانا كان معي 98 فل كامل بعتها وكانت خربتها واجد وبذات بالكهرباء

والركب والقمشات وانا ما اقلك ابعد عنها بالعكس هي سيارة عملية وانصحك اذا ما

تبي تزور الورش خذا استاندر عداد عادي مكيف عادي لك ولزمن وبعد يبيلك

اذا خربت على طول تصلحها عشان ما يكبر الخراب والي كان معي كان يمديني

احول العداد من كيلو الى ميل والعكس والامريكي مدري عنة الي كان معي خليجي

وترى يمدحونة الخليجي اكثر من الامريكي ومن ناحية البنزين اذا بتأخذها من الوكالة

لا تخاف بتكون الصرفية تمام لأنها جديدة وأنشاء اللة اكون افدتك

[راعى البحرى]

سلملى عليهااا بس والى يقووول خرابااات هذى امريكى بس السعوديه ممتازه جدا وسياره جدا رايقه ..

انا الان معى مديل 2000 سعودى زى العسل وودى اطلع جديد وودى اطلع افالون محتار صراحه

[الوابصي]

نصيحه لاتاخذ فورد

[داحس]

المشكله يامصرقع الامريكي كله الكتروني والخليجي مكسر نادر ماتلقى نظيف يعطيك العافيه

----------

راعي البحري الجديد شكلها بايخه جنوط نجمه ومن داخل بيج فاتح يتوصخ بسرعه هاذي المشكله على العموم انا بدور على هويني وان شاء الله القى نظيف الله كريم وانا مالقيت اقضب مجنونك لايجيك اجن منه

-----------
الوابصي بالعكس انت شكلك ماجربت الامريكي بالخطوط الطويله ناعم وتحس ثابت بأذن الله عكس الكامري لو توخر عن كرتون وانت ماشي 140 انواع العقد والعكسيات ويعطيك العافيه

[مودي التوب]

انا سمعت انها تخرب بالكهرب كثير بس شوف سياره قويه ومريحة جيدا جيدا في الخطوط وما تحس فيها بالخطوط وتستحمل وتوكل على الله بس لاتاخذ جديد عشان يطيح سعره وتراه هي بس الي بالحجم هذا موجود كانت الصابونه الله يرحمها بس وش نسوي الشفر وقفها من عام 1996

[الهوى الغايب]

والله اذا معزم على الفووورد

اصبر كم شهر ...

لانه 2009 راح يتغير الشكل ...

والشكل الجديد ...

نزل في امريكا واليابان ...

من سنتين ...

[جآر الثريأ]

انا معي ماركيز

لها 3 سنوات فيه خراب بالكهرب بس


وانا انصحك فيها لانها عملية


ويكفي انها رخيصة

ومريحة بالخط افضل من اللي اغلى منها مثل الكامري

وغيرهااا


وصرفيتها احسن من الهايلكس بكثير


والله يوفقك

[الحجيلان]

توكل على الله موتر حلو وممتاز وسعره زين ...... وأنا معي 2000 كراون فل كامل LX لا يعلى عليه وهو عندي ألحين مع اخوي ...

وبالنسبة للعداد إذا كان العداد رقمي تقدر تحوله كيلو وتلقى في الطبلون جنب القير زرين الأيسر مكتوب عليه E\M يعني يحوله للميل ويحوله للكيلو أما إذا كان عداد عادي مايحول ...

[داحس]

يعطيكم العافيه ياشباب وانا عزمت وقررت الحمدلله على ماركيز او فكتوريا بس مازال جاري البحث عن النظيف اليوم لقيت ثلاث في معارض وحده يالربع جديده مشاء الله ماشيه 76 الف موديل 2002 يمكن تستغربون بس بقولكم ممشى معقول الكويت صغيره والسياره مشاء الله نظييييفه وكأن محد ركبها مشاء الله بس المكتب كان مسكر للاسف ماقدرت اتفاهم معه بكره ان شاء الله اجيه الصبح واذا ماحصل نصيبب دور غيرها والله يكتب اللي فيه الخيره

[علي بن عايض]

موفق في الإختيار ان شاء الله

و مبرووووك مقدما

بالتوفيق يا ( داحس )

[ابو سلوم]

والله وانا اخوك انا معي فورد كراون فكتوريا 2002 سعودي

ممتاز وعملي بمعنى الكلمه ونا ولله الحمد ما واجهت مشاكل منه ابدا

وصراحه انصحك خذلك وحده بس اصبر الى موديل 2009

يقولون راح يتغير

تقبل مروري

[روحي فداها]

توكل على الله وخذ فكتوريا

أسأل مجرب

انا يلي معي 2005

ولاعن جدفه ==يعني كارفه كرف الويل

ولا أشتكى

[روحي فداها]

نصيحه خذ سعودي

[دحيمس]

المشاركة الأصلية كتبت بواسطة داحس

المشكله يامصرقع الامريكي كله الكتروني والخليجي مكسر نادر ماتلقى نظيف يعطيك العافيه

----------

راعي البحري الجديد شكلها بايخه جنوط نجمه ومن داخل بيج فاتح يتوصخ بسرعه هاذي المشكله على العموم انا بدور على هويني وان شاء الله القى نظيف الله كريم وانا مالقيت اقضب مجنونك لايجيك اجن منه

-----------
الوابصي بالعكس انت شكلك ماجربت الامريكي بالخطوط الطويله ناعم وتحس ثابت بأذن الله عكس الكامري لو توخر عن كرتون وانت ماشي 140 انواع العقد والعكسيات ويعطيك العافيه

بس عندي سوال وشو مجنونك؟

[مستر كول]

انصحك نصيحه

لاتاخذ فيكتوريا