[ودي ولكن ..]

السلام عليكم ورحمة الله

اولا اشكر القائمين على هالمنتدى الشامل والرائع بكل ما فيه


ثانيا يا اخوان انا خارج المملكه وراجع للسعوديه بعد اسبوعين ان شاء الله

وابحث عن سياره وقال لي اخوي عن جيب مع زميله في العمل جي اكس ار موديل 2003

باسم صاحبه وكاله ماشي حدود 75 الف وصاحبه ثقه ويقول ان البدي سليم

قير تماتيك وخلفية لكزس فقط واللون ابيض

فكم يسوى لاني برجع وما عندي وقت ومحتاج سياره

بانتظار الاخوان اصحاب الخبره

ومشكورين مقدما

[راعـي الاولـه]

اذا هو نظيف وهذا ممشاه يسوا من 90 الى 95 الف بالكثير 100 الف اذا هو نظيف

[ابوليلى المهلهل]

طيب كم يبي فيه

[الكــوكو]

أخوي من 80000 إلى 85000 لاتزود ولاريال لان السيارة خاليه من المواصفات

[ودي ولكن ..]

راعي الاوله

ابو ليلى المهلهل

الكوكو


الف شكر لكم على التجاوب

وبالنسبة لسؤالك اخوي ابو ليلى هو طالب 95 الف

ما زلت انتظر آراء اكثر وعسى الله يكتب اللي فيه الخير

[ودي ولكن ..]

راعي الاوله

ابو ليلى المهلهل

الكوكو


الف شكر على التجاوب بيض الله وجيهكم

لكن الفرق بين اعلى سعر ذكرتوه 100 واقل سعر 80 الف فرق شاسع

لذلك من الصعب اتخاذ قرار

اتمنى ممن لديه الخبره ان يفيدني مشكورا

[عـاشـق ربـع]

هل فيه دفلوك؟
ونش؟
فتحه؟

أذا فيه فأن السعر شبه مناسب

[ودي ولكن ..]

اخوي عاشق ربع

حياك الله يالغالي

لا ما فيه من المزايا الا انه تماتيك وخلفية لكزس والنظافه حسب كلام صاحبه

[لا تنسى ذكرالله]

اقصى حد له 90000الف ريال فقط اكثر من كذا

حرام وإذا كان (الرجال عاقل بعد) لانه بدون فتحه

دفي لوك .