[الرحــــــال]

السلام عليكم ورحمة الله وبركاته

بالنسبه للبنزين V6 كم الفل اذا كان التانكي فاضي


وكذلك الزيت كم ياخذ من علبه اذا كان مع تغيير السيفون وكم يكلف


هاه يالله عاد همتكم يا اصحاب الفورتشنر لاتبخلون بالردود

[رنديفو]

أخوي الرحال
السلام عليكم ورحمة الله وبركاتة

بالنسبة للزيت :

6 علب مع السيفون وأنت طيب أن شاء الله

بالنسبة للبنزين 65 لتر يعني تقريباً 82 ريال

[همام فورتشنر]

المشاركة الأصلية كتبت بواسطة الرحــــــال

السلام عليكم ورحمة الله وبركاته

بالنسبه للبنزين V6 كم الفل اذا كان التانكي فاضي


وكذلك الزيت كم ياخذ من علبه اذا كان مع تغيير السيفون وكم يكلف


هاه يالله عاد همتكم يا اصحاب الفورتشنر لاتبخلون بالردود

بالنسبة للبنزين 95 إذا كان فاضي مرة : 65 لتر × 0.6 = 39 ريال

بالنسبة للزيت مع السيفون : 5.5 لتر ( 5 علب ونصف ) .

[الرحــــــال]

اخوي رنديفو احس انك بالغت الجمس اعبيه بـ60

همام فورتشنر طيب السعر للزيت كم

وتشكرون عالمرور

[سخنشفش]

هلا رحال


وش حالك يالغالي

وش جاب الجمس للفورتشنر يا خوووي

التانكي يختلف

وكلام اخوي همام 100%

تانكي الفورتشنر (65لتر × 0.6 سعر اللتر الواحد = 39 ريال) ************ V6

توني من شوووي معبي الموتر وكانت اللمبة مشغلة عندي من البااارح ومشيت عليها حول الـ 20 كلم

ويوم عبيت طلع كامل 38 ريال <***** يعني باقي لتر واحد بس وتوقف علي السيااارة هههههههههه


الزيت انا اغيره خمس علب ونص ويكلفني 65 ريال
سيفون 25 ريال مع غسيل مجاني ^_^

[مجنون الفورتشنر]

السلام عليكم ،،
بالنسبة للبنزين نوع95 حوالي 39ريال إذا كان التانكي فاضي مرة تقريبا ونصيحة مني لا تخلي التانكي فاضي حاول ان تعبي اذا كان التانكي بافي فيه الربع .
وبالنسبة للزيت 5 علب بدون سيفون ومع السيفون 5.5 خمس علب ونصف على حسب الدليل ومهندس الوكالة
والقيمة على حسب نوعية الزيت ، وإذا كنت بتغى التوفير اشتر كارتون زيت من محلات بيع الزيوت ويتم تغيره بقيمة 10ريال . مثلا زيت جي تكس قيمة العلبة عند البنشري حوالي 15ريال والكرتون بقيمة حوالي 240ريال
في الكرتون 24علبة يعني تطلع عليك العلبة بـ 10ريال ـ يعني 50+10اجرة غيار = 60ريال
أنا شخصيا غيرت الزيت مع السيفون عند الوكالة بـ 105 ريال عند تشيك 5000 كيلو
ولك الاختبار ،،، اسئل الله التوفيق للجميع ،،،

[الفورتشنر]

بالنسبة للبنزين 95 إذا كان فاضي مرة : 65 لتر = 37 ريال او 36ريال ونصيحه هي عند التعبئة خله على اقل نمره وجرب والله يكون اقل تكلفة وجربه على السريع تراني انا لما اعبي اخليه على اخف نمره وصدقني بتلاحظ الفرق من حيث الصرفية جرب ولان تندم .
أما بالنسبة للزيت مع السيفون : 5.5 لتر ( 5 علب ونصف ) .
وتقبلوا مروري ...

[رنديفو]

أخوي الرحال معليش كان الرد مستعجل وترى المقصود
38 والعتب على النظر

تحياتي للجميع

[الوشق]

بالنسبة لي اعبي دائما اذا نزل تحت الربع
بحدود 30 - 32 ريال
بنزين 95
(( طبعا التانكي مثل ما قالوا الشباب 65 لتر))

الزيت غيرته الاسبوع الماضي عند الوكالة مع فحص ال 5000 كيلو ب 120 ريال

[الرحــــــال]

سخنشفش(عليك اسم هههه)
مجنون الفورتشنر
الفورتشنر
رنديفو
الوشق

كلكم الله يعطيكم العافيه وماقصرتو الصراحه اني استفدت من معلوماتكم وفالكم البيرق هههه

[ابن فطيس]

هلا أخوي الرحال

آعبي موتري بنزين 95 35ريال ومن91 28ريال

والزيت خمس علب ونص مع السيفون بـ90 ريال

لكن السؤال بعد كم كيلو اغير الزيت والسيفون

أنا أغير كل 5000 كيلو وفيه ناس يقولون بعد 7000 كيلو

تحياتي لكم...

[الرحــــــال]

^^^^^

لا بالنسبه 7000كثير لان عند حر هنا غير طبيعي غير حرارة المكينه واحتكاكها 5000 كويس وممتاز وحتى بعضهم يغير كل 3000 (الموسوسين)هههه

اشكرك وفالك البيرق يابن فطيس

[وليد الأسلمي]

يا اخوان
الزيت 6 علب زيادة

وخمسة ونصف ناقص طبعا مع السيفون

انا عن نفسي اغيره كل خمسة الاف 6 علب الا ربع مع السيفون

[الرحــــــال]

هلا بوليد

ومشكور واتمنى ان الاخوان استفادو

[توشيبا فور]

يااصحاب الفورتشتر
البنزين الاخضر ( 93 ) : 27 ريال
الزيت مع السيفون : 5 ونصف
بدون سيفون: 5 علب
في الصيف حاول الا تتجاوز ال 5 آلاف كم
والله يحفظكم

[عزف الصمت]

المشاركة الأصلية كتبت بواسطة الفورتشنر

بالنسبة للبنزين 95 إذا كان فاضي مرة : 65 لتر = 37 ريال او 36ريال ونصيحه هي عند التعبئة خله على اقل نمره وجرب والله يكون اقل تكلفة وجربه على السريع تراني انا لما اعبي اخليه على اخف نمره وصدقني بتلاحظ الفرق من حيث الصرفية جرب ولان تندم .
أما بالنسبة للزيت مع السيفون : 5.5 لتر ( 5 علب ونصف ) .
وتقبلوا مروري ...

أخي الكريم

ودي لو تشرح الفكرة .. كيف يعني أخليه على أقل نمرة ؟؟

[راعي الفور]

الحين مافهمنا يااخوان نعبي بنزين 95 ولا 91

موقع ارامكو يقول عبوا 91 للفورتشنر

Saudi Aramco
ورغم هذا اشوف اكثر الاخوان يعبون 95 وش السبب؟