السلام عليكم ورحمة الله وبركاته
وش اخبارك يا جماعة الخير؟
ابخش في الموضوع من غير مقدمات يا شباب انا شريت جيب فورتشنر وبصراحة انه فشيله ولا ينفع في البر ولو تلاحظون ان اليابنين اكذبو علينا والدليل ان الهايلكس هو الجيب فورتشنر يعني جابو الديكور ونقلوه في الجيب ولا ما غيرو اي شي ولا المفروض انهم يغيرون الشكل عشان الهايلكس يصير غير عن الجيب مو كلهم نفس التصميم وهم اصلا ما صلحو كذا الا عشان حنا يا السعوديين عميان بس وبعدين الجيب في البر ما يصلح ولا بريال واحد ولا يخدم غزرنا وقالو لازم تنسم ونسمنا وماش ولاحظ اذا غزرت ومر عليك جيب وقلت فزعة يا اخوي اول شي يسالك اذا شاف الفورتشنر ليش ما فيه دبل عاد انت انواع اللون الطيف في وجهك تقول الا والله بس ما ادري وش جاه ليش الاحراجات من اول الطلعة اقعد جنب الخط او فوق طعس صغير يعني لبق الجيب ودقها رجليه الين الطعس وبلاش الفشيله كل خيمس يعني من جد فااااااااااااااااااااااااااشل بكل ما تعنيه الكلمه لانه مو جيب هو هايلكس يعني اوضح اكثر هو هايلكس مصندق وفيه عيوب الين بكرة راح نحصيها:
1ـ اول ما تشغل يبدء السير يسولف (يصرصر) وين يا ابو الشباب شاري ددسن 80
2ـ انواع الهواء وانت ماشي
3ـكبير ومفلطح وما ادري وشلون جاي
4ـالمسجل يشتغل ويطفى من نفسه يعني هواوي على كيفه
5ـتانكي يمشي 400 وزين بعد اذا مشى كذا
6ـومن مشاكله انه هايلكس مصندق(يعني فقشو علينا اليابنين)
7ـ في البر ما يخدم واذا غرزت لازم واحد يجي يسحبك يعني كاني شاري ددسن لازم يجي واحد يسحبني
8ـ يفصل على 160
9ـ طيح وجهي وانا وخويي في البر قدام الي يسوى ولا ما يسوى
10ـ يغرز في اماكن ما يغرز فيها الاعمى
والله لو اقعد اعد الين بكرة ما خلصت
وبعدين يا شباب نجي للقاب
في ناس يسمونه فور نمر وفي ناس يسمونه فورتنر الحين نجي للصدق لو انها تعطلت عليك في الخط تتصل على السطح وش بتقول راح تقول انا متعطل وموتر فور نمر ولا فور تنر صدقني راح تقول تعال اسحبها الله يعلن ام الشغلة ويعلن ابو السيارة ذيك اللحظة تنسى كلمة نمر وتنر فليش ما نخلي الكلام الي ما له داعي ونسمي مثل ما قالو اليابنين فور تشنر ولا بس نكتب فور نمر وفورتنر عشان في السيلم في هنا بعد مشكلة السيارة انها لها القاب وااااجد حتى الالقاب ما راسو على لقب واحد وهذا من العيوب
طبعا الحمدلله بعته وافتكيت منه وشريت لي اكسنت والله انه اطلق منه 7000.000 مليون مرة اذا بغيت اطلع اروح لجسر المعلق واتقهوى وبلاش فشايل كل طلعه قدام العالم والله ما انزل بها من سلطان طبعا رحمت الي شراه مني لان راح يطيح وجه مثل ما طاح وجهي في المحلية اكثر من مرة بس لازم ياخذ دورة مثل ما انا اخذت دورة والمشكلة هنا انه الجيب يواصل فشله جايبين جيوب 2008 دفع ثنائي يعني من غير دبل حنا الحين عجزنا نطعس ونطلع من التغريز باقي نروح بدون دبل صح اني انا اروح المحلية كل خميس بالاكسنت بس والله ارحم اوقفها جنب الطريق واروح اناظر الي يغرزون بالجيب الفورتشنر واناظرهم واقول (الله يعين بس) من جد يا شباب يوم بعته صرت اورح المحلية وارجع مرتاح ونام متاخر اول يوم معاي الجيب ارجع انا بدري (من الدف) انا طالع ابسط مب اروح افشل نفسي لكن انصح
كل واحد مبتلي فيه يبيعه ويشتري له سياره كامري ولا اي سياره يرتاح لها احسن وافضل من البلاء والفشيله الي معاه
لكن ما اقول الله يفشل الي فشلني في المحلية..............
وفي النهاية لا يسعني الا ان اشكر اليابنين واقولهم يجي منكم اكثر
تقبلو تحياتي/ اخوكم ابداع الكوريون
بعه وريح بالك 
