[الخاطوف]

ياشباب انا امس يوم الاحد كنت رايح للجامعه وكنت مسررررررررع تقريبأ 195ومسكتني الدوريات عطوني غرامه وحجزو السياره ويقولون حجز السياره لمده اسبوعين ومع غرامه مجموعها 1300 مع 100 السطحه والله كنت مستعجل واسرعت وشوفو وش صارلي اكلتها اسبوعين والله قهر اسبوعين ورحت لواحد من اخويا ابوي ويقول خلاص با احاول اطلعا
وانا ابي منكم انكم تدعون انها تطلع ويارب تطلع بسررررررررعه


تقبلو تحيات اخوكم الحزين الخاطوف

[مجنون الفورتشنر]

الله يعينك ،،، ويعوضك الله خير ،،،
اذا كان عندك واسطة حتى جندي في مرور الناصرية بطلع سيارتك فورا ،، طبعا الجندي له معارف أعلى منه رتبة
لي زميل مسكه المرور للسرعة العالية فتم حجز السيارة وما طلع الصبح حتى طلع سيارته من الحجز طبعا بالواسطة ،،،

[فارس القبيلـة]

لله يفرجه لك,,
الا سوال موترك 6 سلندر ؟ 195 سرعه اتوقعه 6 سلندر ولا نا غلطان؟

[غظنفر]

الله يطلعه بالسلامه في القريب العاجل بس ترى 195 سرعه جنونيه خصوصا داخل المدينه
(لاتسرع حتى لاتروح الرووح)اسمع من يتكلم

[الرحــــــال]

انت جامعة الامام ولا الملك سعود

[الخاطوف]

هلا اخواني ابشركم انا وبا الواو سطه قدرت الغي الغرامه
وبكره بتطلع سيارتي

انا 4 سلندر بس خليجي
انا با جامعه الملك سعود

[الرحــــــال]

^^^^^^^

الله يوفقنا وياك يالخاطوف انا بجامهة الامام وحبيت اشوف الرادار هو على طريقي ولا لا بس

[الخاطوف]

الرادار عند قصر الموتمرات

[غظنفر]

شفت كيف دعواتنا .......................... الحمد لله

[صاحب الفورتشنر]

المشاركة الأصلية كتبت بواسطة الخاطوف

هلا اخواني ابشركم انا وبا الواو سطه قدرت الغي الغرامه
وبكره بتطلع سيارتي

انا 4 سلندر بس خليجي
انا با جامعه الملك سعود

الحمد لله على السلامه

بس تصدق تمنيت لو انهم خلوها اسبوع بس

لكي ما تعودها

لان السرعه ما منها خير وانا اخوك خصوصاً في السيارات المرتفعه

لا تقولي مستعجل كل مطرود ملحوق

اما 195 يالطيف الطف يارب

وترى مو كل مره تسلم الجره

لا تزعل من ردي والله اني اريد لك الخير

[أبـــو عـــزام]

والله السرعة شينه وأنا أخوك وحسافه ما أمدانا ندعي لك لكن بأقول الله يهديك ويبعد عنك الطيش ترى كل تأخيرة فيها خيرة

شف من يتكلم عاد رايح للمجمعة في ساعة والموتر كل شوي يفصل أحسبه خربان

والله يا جماعة إنها رحمة من الله وإلا ترى السيارات بعد 120 كلم خلاص ما تملكها هي اللي تملكك

الله يوفقك والجميع

سلام

[الخاطوف]

اخواني اصحاب الردود جزاكم الله الفالف خير وربي يبعد عني السرعه

[ابن فطيس]

أخوي الخاطوف الحمدلله على السلامه