[ياليل دان]

مساكم الله بالخير ، يا اخوان و لله الحمد توفرت حوزة دراهم خلتني أصمل اني أبيع موتري ( أوبل اوميقا 2003 )

و اتوكل على الله و أخذ لي موتر مُحترم .. وانا حاط عيني على سيارتين .. أزيرا و أورويون .. ( كلها فل كامل )


إحترت بينهن و لا أدري ايهن الأصلح لي .. اخوياي طلبت منهم انهم يعطوني رايهم .. و أغلبهم قالي بعّـد مره عن

الهونداي رغم ان السيارات أغلبها اللي بالشوارع هونداي سواء سوناتا و الا النترا و الا اكسنت إلخ الخ ..

و لا تقارنها بشركة تويوتا .. و لا أخفيكم أنا أبي موتر على النيه .. ابيه رزه و دزه .. و عزمها قوي ..



مع العلم بأن اغلب طلعاتي لمخيمات و بران .. و هلكت دين الأوبل ههههه .. و صراحه يوم جت الأوريون

على بالي قلت حرام ادخلها ذيك الأماكن !! فهل هي تتحمّل مثل هالاماكن !!



لا حد يقولي مادامك راعي مخيمات و بران .. خذلك هايلكس .. لأنها على بالي و ناوي عليها هههههه و لاودي انكم تدخلون الفكره براسي .. تحياتي لكم و بإنتظار مشورتكم

[دقات قلب]

اهلاً وسهلاً

و لا أخفيكم أنا أبي موتر على النيه .. ابيه رزه و دزه .. و عزمها قوي ..

AURION

مع العلم بأن اغلب طلعاتي لمخيمات و بران .. و هلكت دين الأوبل ههههه .. و صراحه يوم جت الأوريون

على بالي قلت حرام ادخلها ذيك الأماكن !! فهل هي تتحمّل مثل هالاماكن !!

حط في بالك لكل مقام مقال .. ولكل بيئة سيارة خاصة فيها ..



ممكن انك تأخذ اوريون اقل فئة .. وأتوقع راح تعيش معاك مع شوية اهتمام منك ..

لا حد يقولي مادامك راعي مخيمات و بران .. خذلك هايلكس .. لأنها على بالي و ناوي عليها هههههه و لاودي انكم تدخلون الفكره براسي .. تحياتي لكم و بإنتظار مشورتكم

مالك الا هيفا ..

الوانيت ..

طيب وش رأيك بالــ fj مخصص للبيئة اللي انت تبيها

تفضل هذه رحلة محفوفة بالمخاطر لمنطقة جبلية قمت بها .. بالاوريون
رحلتي إلى جبال فيفا السعودية بالأوريون

[ياليل دان]

حياك دقات قلب ، صرآحه الـ Fj موتر طيب بس مآهيب هيك نوعيات لإستخدامي الشخصي ..

بالنسبه لطلعتك لفيفا خلتني من جد أصمل على الأوريون ..

بس صمله على قولهم بإنتظار بقية أراء الاخوان ..

و ياليت تحطون لي مقارنه مثلاً بين عزم السيارتين الازيرا و الاوريون .. و الشكل و الرساوهـ و الثبات ..

هين الشكل لصآلح الأوريون .. لكن باقي الأشياء .. و خصوصاً أسعار قطع الغيار ..

و تحياتي لك يادقات قلب على مشاركتك و ننتظر بقية الاخوان بيس الله يخليكم أبي رأي محايد ..

[عاشق المازدا]

أتوقع ان الأوميغا اللي معاك طفشتك خراب

فإذا بتعيش نفس التجربة وسرت متعود خذ الأزيرا مع انه مافيها زود عن الأوريون

أصلا الواحد يحتار بين الياباني والكوري إذا لقي بديل كوري للياباني لكن بسعر أقل ومواصفات أعلى

لكن الأزيرا أغلى من الأوريون ونفس المواصفات

فلماذا الحيرة؟

وعلى قولت الشباب

خليك ماشي في المضمون وانت عارف قصدي

[كااااامري اس اي]

حرام عليك أوريون و أرفع يدك.

تحياتي...

[ياليل دان]

المشاركة الأصلية كتبت بواسطة عاشق المازدا

أتوقع ان الأوميغا اللي معاك طفشتك خراب

فإذا بتعيش نفس التجربة وسرت متعود خذ الأزيرا مع انه مافيها زود عن الأوريون

أصلا الواحد يحتار بين الياباني والكوري إذا لقي بديل كوري للياباني لكن بسعر أقل ومواصفات أعلى

لكن الأزيرا أغلى من الأوريون ونفس المواصفات

فلماذا الحيرة؟

وعلى قولت الشباب

خليك ماشي في المضمون وانت عارف قصدي

اي والله شيبت راسي هالأوبل .. و لاودي اشوف اللي شفته ان شريت الأزيرا

عموماً مشكور على تفاعلك و رايك مسجل عندي و ننتظر أراء الاخوان الباقين

[ياليل دان]

المشاركة الأصلية كتبت بواسطة كااااامري اس اي

حرام عليك أوريون و أرفع يدك.

تحياتي...

حياك و رايك مسجل

[أوريوون]

أكيييد أوريوون من دون تفكير

يكفيك أن الأوريون تايوتا والأزيرا هواندي كوري ما يعيش زي التايوتا

وقطع التايوتا معروفه بالرخص

ولا تنسى الأستخراه

[اوريون الشرقية]

بالنسبة للقوة الاوريون تتفوق على كل منافسينها,,,,,

انا سقت الازيرا وسقت السوناتا والعجيب بالموضوع ان السوناتا كانت قيادتها افضل من الازيرا طبعا الازيرا الي سقتها ستاندرد 2.7 6 سلندر اما الماكينة الكبيرة 3.3 فتسارعها ب8 ثوان واعتقد انهم نزلوا ماكينة جديدة سعتها 3.6 او 3.8 على الازيرا ماني متاكد,,,, تسارع الاوريون ب6 ثوان والالتيما الجديد قير عادي 6.25 ثانية والاكورد الجديد 6 سلندر اتوقع بحدود ال6.5 ثانية فالاوريون هي الاقوى من فئتها,,

وطبعا سواقة الكورلا او اليارس اصرف من الازيرا بدون مبالغة وهي اسوء سيارة سقتها بحياتي وكلها مشاكل بشهادة ملاكها واعرف كثير منهم باعوها قبل لاتكمل سنة معاهم فما تقارن ابدا بالاوريون,,,

بالنسبة للصيانة وقطع الغيار للهيونداي فاسعارهم غالية وصيانتهم سيئة,,

اما التويوتا فصيانتهم على حسب الفرع عندك فرع الخبر تاخذ اسبوع على شغله بسيطة اما فرع الدمام فيسلمونها لك بنفس اليوم او اليوم الي بعده وقطع الغيار نار ماعادت مثل اول ,,,

اتمنى اني افدتك ,,,

[احمد اورين]

اورين ما تتقارن )(الفخامه _ والمواصفات القويه والشكل العام تتقارن مع الكزس و الالماني مع تحياتي

[اوريوني موت]

دامك راعي طلعات وبران

خذ fj

او مفخرة الأرض

[ملك الأميرة]

انا أقول لك أوريون


ويكفيك شكلها من برا الاسر للقلوب


وانا ما اقدر احكم لك الا بالشكل لا ني ما بعد ركبت الازيرا ولا جربتها إن شاء الله يفيدونك اللي جربوها

اما من ناحية الصيانة والخرابات فمعروف عن تويوتا انها افضل صيانة وسياراتها اقل خرابات

مع تحياتي

[لووووورد]

اخوي والله ما في اصلن مقارنه وحرام تحط جنب اسم اوريون ازيرا والله حرام

ازيرا كوري يعني سنتين تحس بددسن معك سلم لي على الهايكلس<*****وش بلاه قلب

والله مافي مقارنه ابد

في الرساوه الازيرا خفيفه والاوريون ابداع في الرساوه
والفخامه من ناحيه الشكل الخارجي اكيد الاوريون والداخلي بعد
وسؤالك لقطع الغيار معروف انه الياباني والسعر الارخص اوريون

يعني مدري ليه محتار واظن لو تروح المجدوعي تقولها وش اخذ ازير ولا اوريون بيقلون لك اوريون

تحياتي لك ولاتحتار

[ياليل دان]

المشاركة الأصلية كتبت بواسطة أوريوون

أكيييد أوريوون من دون تفكير

يكفيك أن الأوريون تايوتا والأزيرا هواندي كوري ما يعيش زي التايوتا

وقطع التايوتا معروفه بالرخص

ولا تنسى الأستخراه

حيآك اخوي ، رآيك مسجل عندي
رغم إني سمعته كثير لكن أبضيف رآيك لذولا الكثير
و كل مآصاروا اكثر كثير كل مآبدى قلبي يصد عن الأزيرا



- - - - - -

المشاركة الأصلية كتبت بواسطة اوريون الشرقية

بالنسبة للقوة الاوريون تتفوق على كل منافسينها,,,,,

انا سقت الازيرا وسقت السوناتا والعجيب بالموضوع ان السوناتا كانت قيادتها افضل من الازيرا طبعا الازيرا الي سقتها ستاندرد 2.7 6 سلندر اما الماكينة الكبيرة 3.3 فتسارعها ب8 ثوان واعتقد انهم نزلوا ماكينة جديدة سعتها 3.6 او 3.8 على الازيرا ماني متاكد,,,, تسارع الاوريون ب6 ثوان والالتيما الجديد قير عادي 6.25 ثانية والاكورد الجديد 6 سلندر اتوقع بحدود ال6.5 ثانية فالاوريون هي الاقوى من فئتها,,

وطبعا سواقة الكورلا او اليارس اصرف من الازيرا بدون مبالغة وهي اسوء سيارة سقتها بحياتي وكلها مشاكل بشهادة ملاكها واعرف كثير منهم باعوها قبل لاتكمل سنة معاهم فما تقارن ابدا بالاوريون,,,

بالنسبة للصيانة وقطع الغيار للهيونداي فاسعارهم غالية وصيانتهم سيئة,,

اما التويوتا فصيانتهم على حسب الفرع عندك فرع الخبر تاخذ اسبوع على شغله بسيطة اما فرع الدمام فيسلمونها لك بنفس اليوم او اليوم الي بعده وقطع الغيار نار ماعادت مثل اول ,,,

اتمنى اني افدتك ,,,

رآيك مآسجلته إلا بروزته و علقته على جدرآن غرفتي
كل جدار صوره و بروز غير الثاني
لأنه جاوب عن تسآؤلاتي اللي طرحتها و رأي صآدر
من شخص مجرب ( إسأل مجرب و لا تسأل طبيب )
مشكور يالغلا و تحيآتي لك


- - - - - -

المشاركة الأصلية كتبت بواسطة احمد اورين

اورين ما تتقارن )(الفخامه _ والمواصفات القويه والشكل العام تتقارن مع الكزس و الالماني مع تحياتي

صح لسانك ياغلاي تحيآتي لك




- - - - - -

المشاركة الأصلية كتبت بواسطة اوريوني موت

دامك راعي طلعات وبران

خذ fj

او مفخرة الأرض

حيآك يالغلا و رآيك مسجل عندي ضمن الإقترآحات
البديله .. مشكور و تحيآتي لك




- - - - - -

المشاركة الأصلية كتبت بواسطة ملك الأميرة

انا أقول لك أوريون


ويكفيك شكلها من برا الاسر للقلوب


وانا ما اقدر احكم لك الا بالشكل لا ني ما بعد ركبت الازيرا ولا جربتها إن شاء الله يفيدونك اللي جربوها

اما من ناحية الصيانة والخرابات فمعروف عن تويوتا انها افضل صيانة وسياراتها اقل خرابات

مع تحياتي

رآيتك بيضا ، و الشكل اتفق معك فيه
و مشكور على طرح رآيك و شورك وأكيد مسجّـل


- - - - - -

المشاركة الأصلية كتبت بواسطة لووووورد

اخوي والله ما في اصلن مقارنه وحرام تحط جنب اسم اوريون ازيرا والله حرام

ازيرا كوري يعني سنتين تحس بددسن معك سلم لي على الهايكلس<*****وش بلاه قلب

والله مافي مقارنه ابد

في الرساوه الازيرا خفيفه والاوريون ابداع في الرساوه
والفخامه من ناحيه الشكل الخارجي اكيد الاوريون والداخلي بعد
وسؤالك لقطع الغيار معروف انه الياباني والسعر الارخص اوريون

يعني مدري ليه محتار واظن لو تروح المجدوعي تقولها وش اخذ ازير ولا اوريون بيقلون لك اوريون

تحياتي لك ولاتحتار

ههههههههههههههه ، حيآك اخوي
لا يشوف المجدوعي اللي باللون الأحر
تراه بيقفل شركته





مشكورين يا اخوان جميعاً على المرور و التفاعل الطيب .. و بإذن الله مآيصير إلا كل خير .