وهم العازل الحراري !!!!

شيخ البانوراما · 04-23-2008, 03:36 PM

.

يا شباب

ابيكم توضحون بالضبط كيف حرارة السياره لما تكون موقفها في الشمس

هل فعلاً تحس بفرق والا كلام..

انا مركب اقوي عازل ( الشفاف ) وسعره اغلى من الملون ..

ونسبة العزل عند هذا المحل هذا اكبر نسبه بين جميع مراكز العازل الحراري وموادهم امريكيه ( حسب ما يقول مدير المركز )

ومع كذا اذا ركبت السياره بعد وقفه طويله في الشمس مثلاً من الصباح الى الظهر ..

اذا فتحت باب السياره بوّخت في وجهي !

حراره غير طبيعيه مكتومه داخل السياره تهب في وجهي وما اقدر اتنفس من الجو الجاف كنك داخل ساونا ( هوا حار وجاف ) والدركسون صاير نار

انا كنت من الناس اللي اسمع بمثل هذا الكلام واقول احتمال نوعيه سيئه ولكن بعد التجربه ...

ما عاد صرت ادري والله

وش الوضع يا شباب

مواضيع العازل الحراري في المنتدي وش كثرها وكل ماركه تلقى لها فريقين ..

فريق يشيل فيها ويحط ويوصفها بإبشع الألقاب

وفريق يمدح ويقول ما فيه زيها !

انا قريت لواحد يقول ان " زميله " مركبها على سياره لونها غامق ويوقف السياره من 7 الى 2 الظهر

واذا ركب السياره يلقى الجو من احلى ما يكون والمكيف ما غير شتا !!

هل الاخ غلطان ..

والا انا عندي مشكله في العازل ....

مع العلم ان المركز اللي انا مركب عنده يقول ان العازل اللي مركبه فيه سبع معادن

ومع كذا ما يأثر على النظام الملاحه ..

وبرضه بودي يا اخوان اللي يعرف موقع لاقط الجي بي اس ينورنا

انا الصراحه شاك في قطعه تجي تحت المرايه الداخليه لأن المساحه الل ما خذتها المرايه في القزاز الامامي اكبر من اللازم !

.

(غير مسجل) · 04-23-2008, 04:55 PM

اول شيء.. حتى لو تحط حديد مكان العازل، السيارة بتكون حاره اذا وقفت تحت الشمس لمدة طويلة... لو كانت السيارة تحت مظلة (ظل) بدون عازل حراري، بالتاكيد بتكون ابرد من اي سيارة واقفه بالشمس...

الى صار بسيارك (او اي سيارة توقف تحت الشمس لمدة طويلة) يسمى بالاحتباس الحراري...الطاقه (الحرارة) تدخل الى السيارة من خلال النوافذ والعازل الحراري يقلل هذه الطاقة الى حد معين لكن لا يمنعه... هذه نفس فكرة المحميات الزراعية في البرد.. الطاقة (الحرارة) تدخل الى داخل المحمية و يتم احتباس الحراره داخل المحمية....

افضل طريقه للتقليل من الحراره هي انك تفتح القزاز (تنفس) والفتحة ترفعها لفوق... و اول ما تركب السيارة، شغل المكيف على الآخر و نزل كل الزجاج لطرد الهواء الحار المحتبس داخل السيارة...

المهندس عبدالله · 04-23-2008, 05:28 PM

هلا والله

انا بصراح ما اقدر افتيك لاني ما ظللت الى الان بس ياليت تقول لنا وش الشركة اللي انت مظلل عندهم لاني بظلل عند شركة يقال انها صاحبة اعلى نسبة عزل

طارق البدر · 04-24-2008, 05:55 PM

الاخ شيخ
ودي في يوم وانا اتصفح المنتدى اقرا لك موضوع فيه تفائل كله مشاكل
اعاذنا الله من المشاكل
موعاجبك شي هههههههه
خذ لك بورش ولابنتلي يمكن ترتاح
الله يريحنا جميعا

وبالنسبه لموضوعك انا مسوي عازل بسيارتي صح فيه حراره بس مو مثل ان السياره ماعليها تضليل تبرد السياره بسرعه بعدين اساسا السياره فيها عازل من بلدها

على فكره وش صار على قير سيارتك بشرنا اتوقع الدنيا حر ومافيه مشاكل تواجهك تصدق عندي لك فكره حط سيارتك بقراش فيه مكيف حار بالبرد وتبي تزين انشاء الله ههههههههه

شيخ البانوراما · 04-25-2008, 02:16 AM

اقتباس:

المشاركة الأصلية كتبت بواسطة المهندس عبدالله

هلا والله

انا بصراح ما اقدر افتيك لاني ما ظللت الى الان بس ياليت تقول لنا وش الشركة اللي انت مظلل عندهم لاني بظلل عند شركة يقال انها صاحبة اعلى نسبة عزل

المحل هو درايف سفن وموقعه طريق خريص ( الرياض ) يقولي نسبة العزل الحراري 95 % والاشعه فوق البنفسجيه 99 %

هل هو نفس المحل اللي تتكلم عنه؟

اخوي طارق البدر

الهدف من فتح الموضوع هو معالجة مشكله ، وانا حقيقةً دقيق جداً وما اخلي شئ الا بعد ما اقلبه مره ومرتين وثلاث

فلا تتوقع انه بيجي يوم افتح موضوع على هالشاكله :

النظام السمعي للسياره رائع جداً

وش رايكم..

انا الصراحه ما احب اللت والعجن وجاد بطبعي..

افتح موضوع الهدف منه الافاده والاستفاده

بس يعطيك العافيه على مداخلتك

وبالنسبه لسؤالك القير كما هو مكانك راوح ولكن ابوضحلك سبب ( زعلي ) على اللكزس

انا اتوقع من اللكزس التطور للأفضل وليس العكس

والمنتدى فيه مواضيع كثيره تأكد كلامي

وانا ما يخليني اقول كذا الا لأني احب اللكزس من بداياتها (الا LS 95 ~ 97 )

شاكراً مرورك،،،

.

المهندس عبدالله · 04-25-2008, 05:16 AM

والله اني ذيب هو نفس المحل وكنت ناوي اروح لهم اليوم اذا يفتح،ن الجمعة او السبت بس شكلي بهون عنهم

كامري مجنونة · 04-25-2008, 09:00 AM

معروف العازل الملون أحسن من الشفاف

لأنه يقلل من دخول ضوء وحرارة الشمس

ولاتظلل عند هذا المحل

لأنه شركة مو معروفة

أحسن شي

في كول

جونسون

جلاس تك

(غير مسجل) · 04-25-2008, 09:06 AM

اقتباس:

المشاركة الأصلية كتبت بواسطة شيخ البانوراما

يقولي نسبة العزل الحراري 95 % والاشعه فوق البنفسجيه 99 %

ما في اي عازل بالدنيا شفاف نسبة العزل الحراري بـ 95%...

الاشعة فوق البنفسجيه 99% هذا كلام صحيح...

مسافِر · 04-25-2008, 10:22 AM

اخوي شيخ

الحرارة الي تحسها طبيعية ..نفس الشي عندي انا مظلل في كول .. والاحظ الحرارة ..لكن مو بالشكل الي بدون عزل

ونصائح الاخ غير مسجل رائعة... لابد من عمل تنسيم للحفاظ ايضا على سلامة وجودة الاجزاء والقطع الداخلية بالسيارة من الحرارة

تحياتي

علي إسماعيل · 04-25-2008, 01:25 PM

حبيبي العازل يعزل الحرارة لكن تتراوح النسب حسب نوعية العازل بس عمرها ماتكون 100% في طبيعي اتكون في حرارة داخل السيارة بس مو نفس درجة الحرارة اليي مو امركبين العازل............... وسلامتكم

شيخ البانوراما · 04-25-2008, 03:27 PM

اقتباس:

المشاركة الأصلية كتبت بواسطة المهندس عبدالله

والله اني ذيب هو نفس المحل وكنت ناوي اروح لهم اليوم اذا يفتح،ن الجمعة او السبت بس شكلي بهون عنهم

مثل ما ذكرت لك اخوي عبدالله

انقسمت الاراء الى فريقين..

اهم شئ قبل لا تركب شئ تأكد بنفسك من النوعيه الي بتركبها..

لأن كل واحد يقيم بطريقه مختلفه

مع العلم انك لو تحاول تاخذ سامبل من كل محل تزوره (للمقارنه)

كل المحلات ترفض الا درايف سفن !

بالتوفيق

.

شيخ البانوراما · 04-25-2008, 03:55 PM

اقتباس:

المشاركة الأصلية كتبت بواسطة (غير مسجل)

ما في اي عازل بالدنيا شفاف نسبة العزل الحراري بـ 95%...

الاشعة فوق البنفسجيه 99% هذا كلام صحيح...

اخوي غير مسجل

فيه جهاز موجود عند بعض محلات العزل الحراري مثل لومار وفي كول يوضح لك نسبة العزل وعنده اكثر من خامه يجربها لك ويبين لك مقدار العزل ( انا مجرد ناقل للإرقام ولا اؤكدها ) ولكن لأن هذا الجهاز اللي يستخدمونه هم بإنفسهم استخدمته كمقياس

وفكرة انك تترك النافذه منسمه شوي حلوه

انا قد انشرخت على القزازه الاماميه بسبة اني مقفل القزاز على الاخير..

ولكن اذا كان الجو عندنا مترب بشكل فظيع فما العمل!!

اذا ترّب الداخلي والسياره جلد وفوق كذا فيه شاشه فهذا امر سئ جداً

ما نقول غير الشكوى لله،،،

.

شيخ البانوراما · 04-25-2008, 04:42 PM

اقتباس:

المشاركة الأصلية كتبت بواسطة مسافِر

اخوي شيخ

الحرارة الي تحسها طبيعية ..نفس الشي عندي انا مظلل في كول .. والاحظ الحرارة ..لكن مو بالشكل الي بدون عزل

ونصائح الاخ غير مسجل رائعة... لابد من عمل تنسيم للحفاظ ايضا على سلامة وجودة الاجزاء والقطع الداخلية بالسيارة من الحرارة

تحياتي

هلا بك اخوي مسافر

شاكراً لك مرورك العطر

.

شيخ البانوراما · 04-25-2008, 04:47 PM

اقتباس:

المشاركة الأصلية كتبت بواسطة كامري مجنونة

معروف العازل الملون أحسن من الشفاف

لأنه يقلل من دخول ضوء وحرارة الشمس

ولاتظلل عند هذا المحل

لأنه شركة مو معروفة

أحسن شي

في كول

جونسون

جلاس تك

اخوي كامري مجنونه

كلامك فيه شئ من الحطأ

لأن اللون الداكن يمتص الحراره ويكتمها ما تطلع من السياره اكثر من الانواع الثانيه (حسب درجة اللون ، ونسبة العزل طبعاً )

ومحل درايف سفن مشهور في امريكا ومتخصص بالعزل الحراري للمباني

يمكن ما هو معروف عندنا ولكن انه معروف في بلده..

وحسب كلام مدير المركز موادهم امريكيه اصليه ماهي مثل في كول و لومار ماليزيه وتايوانيه

اقتباس:

المشاركة الأصلية كتبت بواسطة علي إسماعيل

حبيبي العازل يعزل الحرارة لكن تتراوح النسب حسب نوعية العازل بس عمرها ماتكون 100% في طبيعي اتكون في حرارة داخل السيارة بس مو نفس درجة الحرارة اليي مو امركبين العازل............... وسلامتكم

ماحد قال 100 % الله يهديك

.