[أبـــو عـــزام]

بسم الله الرحمن الرحيم

أخوي ناوي على الكورولا 2008 xli وعنده بعض الاستفسارات

ماهي مواصفاتها بالضبط

يعني مسجلها كيف وهل فيه سي دي؟

عداداتها هل فيها انبير ضغط المكينه وهل المكينه تفصل وعلى كم؟

المرايات كهربائية وهل تتسفط؟

هل تأتي بجنوط أو بدون جنوط لأننا حصلنا شيء بجنوط وشيء بدون؟

هل فيها نظام فرامل ABS؟

كيف الموتر بشكل عام؟

ماهي الألوان المقترحه هل يوجد أبيض لؤلؤي؟

ما رأيكم في اللون الفضي؟

كم سعرها لأننا حصلناها بأسعار متفاوته وأغلب المعارض سعرهم 55 ألف شاملة كل شيء؟

أرجو الجواب يكون بشكل عاجل وشامل لا هنتو يا أخوان

الله يوفق الجميع

سلام

[علي بن عايض]

حياك اخوي ( ابو عزام )
بالنسبة للأجوبة في بعض الأسئلة اقدر اجواب عليها و بعضها ماعندي خبرة فيها

يعني مسجلها كيف وهل فيه سي دي؟
على حسب المواصفات

عداداتها هل فيها انبير ضغط المكينه وهل المكينه تفصل وعلى كم؟
مدري الله اعلم

المرايات كهربائية وهل تتسفط؟
برضو على حسب نوع المواصفات

هل تأتي بجنوط أو بدون جنوط لأننا حصلنا شيء بجنوط وشيء بدون؟
اي نعم تجي بجنوط كرووم و في نوع يجي بدون جنوط يعني طاوات بلاستيك

هل فيها نظام فرامل ABS؟
على حسب المواصفات ايضا

كيف الموتر بشكل عام؟
حلو و يرفع الراس حتى الشكل مررررة رهيب

ماهي الألوان المقترحه هل يوجد أبيض لؤلؤي؟
يوجد الوان كثيرة و اختيارية و انت شوف الأفضل و المناسب للجو و المناخ

ما رأيكم في اللون الفضي؟
لون حلو و مرغوب - انا سيارتي لونها فضي

كم سعرها لأننا حصلناها بأسعار متفاوته وأغلب المعارض سعرهم 55 ألف شاملة كل شيء؟
راح اقول لك سعرها بالنسبة للوكيل اللي عندنا في اليمن ( بازرعة )
Xli-1 بــ ( 17500) $ امريكي
Xli-2 بــ ( 19000) $ امريكي
Gli فل اوبشن بــ ( 21000) $ امريكي

ان شاء الله اكون افدتك و الشباب ما راح يقصرون معك

تقبل مروري

[فـ @ ـد]

بسم الله الرحمن الرحيم

أخوي ناوي على الكورولا 2008 xli وعنده بعض الاستفسارات

مبرووك مقدما

وان شاء الله افيدك بالمعلومات اللي اعرفها


1- يعني مسجلها كيف وهل فيه سي دي؟

مسجل الـ xli يجيك كاسيت وسيدي ويشغل صيغة الـ Track و الــ wav

اما الفل كاملGLI يجيك مسجلها 6 سيديات بدون كاسيت ويشغل صيغة الــ mp3

2-عداداتها هل فيها انبير ضغط المكينه وهل المكينه تفصل وعلى كم؟

نعم فيها عداد ضغط واخر سرعه لها 200 وطبلون الكورولا 240 (( بالنسبه لسيارتي ))

3 -المرايات كهربائية وهل تتسفط؟

نعم المرايات كهربائيه وتنسفط بالكهربا

ومراية الفل كامل تجيك بأشاره

4 - هل تأتي بجنوط أو بدون جنوط لأننا حصلنا شيء بجنوط وشيء بدون؟

يخوي اللي بجنوط تجيك بدون abs

واللي بالطاسات فيها نظام الــ abs

5 - هل فيها نظام فرامل ABS؟

تمت الافاده عليه بالسؤال اللي قبل

6 - كيف الموتر بشكل عام؟

والله يالغالي هذا موضوع انا كتبته عن ايجابيات وسلبيات الكورولا 2008

اضغط هنا

(( ايجابيــــات)) و (( سلبيـــــات )) الكـــورولا 2008

7 - ماهي الألوان المقترحه هل يوجد أبيض لؤلؤي؟

للأســــــف لا

8 - ما رأيكم في اللون الفضي؟

لون حلـــــو الصراحه وعلى كلام المندوب انها لون فضي اللكزس

وانا بعد لون سيارتي فضـــي

9 - كم سعرها لأننا حصلناها بأسعار متفاوته وأغلب المعارض سعرهم 55 ألف شاملة كل شيء؟

موتري اخذته بنفس القيمه ومواصفاته طيس وموجود عندي نظام الـــ abs

أرجو الجواب يكون بشكل عاجل وشامل لا هنتو يا أخوان

وان شاء الله اكون افدتك

واي استفسار انا في الخدمه

الله يوفق الجميع

بالتوفــيق

[الكورلا المطور]

حياك اخوي

انا اقول لك مواصفات الكورلا xli 2008

طبعا تجي ثلاثه انواع

النوع الاول جنط اسود +بدون حساسات+بدون كشافات واتوقع سعرها يبدا من 51 الف
النوع الثاني جنط كروم+حساسات+كشافات+مرايا اكترونيه +مسجل سيدي كاسيت+جنط خامس كروم
السعر 56 الف
النوع الثالث جنط كروم مقاس 16+حساسات+كشافات+مرايا اكترونيه+فتحة سقف+بدون جناج
السعر تقريبا من 65 الف إلى 68 الف
الالوان

متوفر ابيض عادي +فضي +اسود+فيراني+ازرق+احمر

وانا بصراحه تندمت كثير اني ما شريت الفيراني لنه حلو على الكورلا لن انا يوم جيت اشتري السياره من العليا ما كان فيه الا لونين ابيض وازرق واسود وقلت عشان الوقت اخذ ابيض وبعدين تندمت يوم شفت الفيراني
هذا جميع فئة الاكسل

واي معلومه انا قادر افيدك بس انا ما انصحك فيها شوف لك سياره افضل منها الموديل ذا في شوية عيوب

موفق

[أبـــو عـــزام]

الله يعيكم العافية أخواني

توقفت عند المواصفات اللي الجنوط فيها بدون Abs واللي بطيس فيها فعلاً شيء غريب

ليش ما تكون كلها Abs واللي بجنوط يكون سعرها مرتفع 1000 ريال عن اللي بطيس يا شركة جميل!!

الله يوفقكم جميعاً

سلام

[أبـــو عـــزام]

أخوي فهد

وش الفرق بين الكورولا xli مع نظام abs واللي بدون هذا النظام غير الجنوط؟

طبعاً القير عادي

وآسف على كثرة الاستفسارات

[فـ @ ـد]

أخوي فهد

وش الفرق بين الكورولا xli مع نظام abs واللي بدون هذا النظام غير الجنوط؟

طبعاً القير عادي

على كلام مندوب الشركه انه ما في فرق بينهم اللي يفرق الجنوط بس

ولا الباقي نفس المواصفات

وآسف على كثرة الاستفسارات

وش دعوه اخــــوي

واي استفسار ثاني ما يردك الا الكيبورد


تحياتي لك

[أبـــو عـــزام]

الله يعطيك العافية أخوي فهد

لديك رسالة في الخاص انتظر الرد عليها

بالتوفيق لك وللجميع

سلام

[فـ @ ـد]

تمت الافاده يخوي عزام

[أبـــو عـــزام]

وتمت الاستفاده

الله يعطيك العافية أخوي فهد رايتك بيضاء ما قصرت

الله يوفقك والجميع

سلام