[مجاريح]

السلام عليكم ورحمة الله وبركاته
وحيا الله الجميع
ياشباب سيارتي لكزس es350 ولونها أسود
سويت لها تلميع من عند مركز عبداللطيف جميل اللي في البديعة ( الرياض ) لأني شاريها منهم .
المهم يأخوان أن ما أمشي على السيارة كثير يعني لها سنة وما مشت الا 8000 فقط ومن شريتها وما سافرت عليها أبد
لكن المشكلة إني لاحظت أن السيارة إي حجر صغير ( حصاة ) جداً جداً تلامس البدي لمس خفيف يكسر الدهان ويطلع مكانها لون أبيض ولأثر هو صغير لكن مزعج وعلى غطاء المكينة إذا كل حصاة بتسوي كذا .
هل تتوقعون أنه من التلميع أو طبيعي ... وأنا أشك أنه من التلميع .
وفيه شئ ثاني يقهر قطو ( قط ) مسوي لي أثر أو خدوش في الطرف العلوي من غطاء المكينة ( الكبوت ) . وهذا أتوقع مشكلة مرتبطة بالأولى .
فإذا المشكلة من التلميع أنتبهوا على سياراتكم
والله أعلم

[كامري مجنونة]

نفس المشكلة معايا بالكامري ولونها كحلي

أتوقع كل السيارة إلي لونها غامق كذا !

[مسافِر]

نفس المعاناة

شوف انا ماسويت تلميع لسيارتي ابد ... وحصلت على الباب الايمن الامامي نفس الشي الي تقول وهي فراغ ابيض مكان تقشيرة البوية ...ومدري وش سببها هي حصاه ولا من الخط ( لاني سافرت مرة وحدة بين مكة الرياض )

لكن نصيحتي لا تدقق ترى تتعب مع اللون الاسود.. وتوكل على الله

ولا تكثر غسيل السيارة ... غسلها مرة بالاسبوع وباقي المرات تمسيح خفيف .. وانتبه من الي يغسلها ترى ماعدم سياراتنا الا ذا البنقالة..

بالذات اذا كان فيه عج والسيارة مغبرة ... ترى بعضهم يمسحونها بقوة والغبرة على البودي ويخدشون البوية ...انتبه وخله يرش مويه اول شي وتتاكد ان الغبرة الي على البودي كلها راحت وبعدين يحط الصابون ويغسل ...

[علي إسماعيل]

أخوي نصيحة ودها محل تلميع ايسون لك تلميع خشن وان شاء الله اتروح الخدوش و في حاجة كمان لاتغسل السيارة في الشمس أو وهي حارة عشان مايضعف اللون ويصبح حساس للخدوش

[مجاريح]

مشكورييييين الف شكر على مروركم الكريم

[مستلكز]

مادام طلّعنا الوان غامقة لازم نتحمّل ..
فكل شيئ حلو له ضرائبة ..

ومثل ما قال لك أخونا ( مسافر ) : لا تدقق ترى بتتعب

ونصائح بقية الاخوان فيها الخير والفائدة

وهذا اللي مخوّفني من التلميع .. بعض شركات التلميع تبي تكحّلها وتعميها

[لكزس اماراتي]

انا أعاني من نفس المشكلة ..!!

:

السيارة ماكملت سنة وحصلت فيها كمن خدشه ع غطاء المحرك (الكبوت) ..
اتمنى حد يفيدنا بحل ..؟

[طارق البدر]

هذا من الدعس بالطرق السريعه وانتم ماسكين اليسار يجي نقرات بالكبوت واحيانا بالكتوف وبالواجهه الاماميه بالغالب

خلوكم بالنص افضل ( خير الامور الوسط ) وبلاش سوووورعه ياحلوين

وهناك بخاخ للون الاسود شايف واحد بمغسله عقب والغسيل يبخ الهندي ويمسح البودي يعني عقب ما نشفت السياره تماما طلعت تلق ماشاء الله انا ما بحبش اللون الغامق

سلاااااام ياحلوين

[كامري مجنونة]

أنا لمعتها عند التلميع الساطع

تلميع شمعي

تلميع عادي

تلميع مركز

ماشا الله رجعت أحسن من يوم كانت جديدة

أنصح إلي معاه سيارة غامقة يلمعها

حتى في الخط صفي الطبلون

ولايجي أي خدش إن شا الله