[قشمير]

بعد عناء انتظار دام 3 أشهر ونصف تيسر لي الحصول على موتر ، أسأل الله أن يجعله فأل خير علي وعلى أسرتي.


وهذه بعض صوره:

السيارة الله يسلمكم وارد اليحيى ، وسنة الصنع شهر 1 من سنة 2008 ،

واستغرقت تقريبا ثلاثة أيام لاستخراج أوراقها حيث كنت راغبا في لوحة باسم ابنتي( لمى) ، فذهبت للإدارة العامة للمرور في الرياض وقابلت اللواء البشر ( وبحق فقد كان قمة في التواضع) ، فوافق على صرف اللوحة المطلوبه إذا كانت موجودة ، وبالفعل ذهبت للحاسب الآلي وكانت موجودة فاستكملت أجراءتها وأرسلوا نسخة من خطابهم للتموين وفي اليوم التالي ذهبت واستخرجت هذه اللوحة التي ترونها .

( وياالله كم كانت فرحة ابنتي بها فوالله لقد سعدت بفرحتها أكثر من سعادتي بالسيارة.


والآن في انتظار الانتهاء من الألف كيلو ، للدخول في معمة وكالة عبداللطيف لإدخاله على الضمان ،

وعسى الله يقوينا عليهم.

طولنا عليكم سامحونا وأوعدكم بالجديد في حال أجريت تعديلا أو ماشابه.


دمتم بود

[مدور الحب]

الف الف مبروووووووك
مشاء الله
الله يعطيك خيره ويكفيك شره

[امير البير]

الف الف مبروك والله يخليلك لمى ويحفظها من كل شر . اخي اتمنى تعطينا المواصفات والسعر لو تكرمت

[مجنون كروزر]

الله يعطيك من خيره ويكفيك شره يارب
ويخلي لك بنوتك ويبلغ فيها وتشوفها معرسه

والله صرت اتمنى يصير عندي بنوته صغنونه واطلع لوحه بنفس اسمها
الله كريم يرزقنا بنوته ويرزقنا بسيارة
ممكن سؤال اخوي؟؟
بكم طلع عليك اللاند؟؟

[درب المحبه]

الله يبارك لك في الموتر ويعطيك خيره ويكفيك شره
بس ليش متحسف أنك ماشريته اول مانزل
أهم شي ان موتر ماشاء الله روعه من الصور
لاتحسف على شي مضى وأنا أخوك
الله يهنيك فيه

[محمدالعتيبي]

ما شاء الله تبارك الله ....... الف الف مبروك الموتر الله يعطيك خيره ويكفيك شره ..... الله يخلي لك بنتك .....

بس عندي استفسار اذا تكرمت الموتر gxr وانا اشوف ان شبكه شبك vxr ....هل قمت بتغيير شبك الموتر ؟

[حسونه]

بسم الله ماشاء الله تبارك الله
الله يعطيك خيره ويكفيك شره
والله يخلي لك لمى ويجعلها من حفظة كتابه الكريم

[حسونه]

بالنسبة للوحة
ماهي الإجراءآت حتى تحصل عليها وكم المبلغ

[عاشـــق اللاند]

الف الف مبروك يابو لمى على الموتر والله يعطيك خيره ويكفيك شره

[الحجيلان]

المشاركة الأصلية كتبت بواسطة امير البير

الف الف مبروك والله يخليلك لمى ويحفظها من كل شر . اخي اتمنى تعطينا المواصفات والسعر لو تكرمت

وتستاهل والله يوفقك فيها ...

[اسـتـرجـاعـهـا]

الله يحفطلك بنتك+مبروك الموتر يالغالي الله يعطيك خيره و يكفيم شره

[جوجوماجوجو]

الله يخلي لك لمى ويخلي لك الموتر بس عندي سؤال الدفعه حقت موترك المكتوب على الباب 2008 ولا 2007

[ولدالدوحه]

الله يحفظ لك لمى ويخليها لك وبالمبارك على السيارة ويعطيك خيرها ويكفيك شرها .

[ودي ولكن ..]

ماشاء الله تبارك الله

الله يعطيك خيرها ويكفيك شرها

وانصحك تاخذ لمى وامها لمكه المكرمه وتاخذون عمره بمناسبة السياره الجديده

وعندي استفسار اخوي قشمير لاهنت:

هل يوجد عند اليحيى جي اكس ار اقل مواصفات من الفل كامل؟ طبعا القير تماتيك

لاني من خلال بحثي في المنتدى وجدت اغلب الاخوان اللي اخذو من اليحيى يذكرون الفل كامل فقط

فاستغربت ان يكون الجي اكس ار درجه واحده فقط!!

وانا ناوي ان شاء الله على اليحيى لكن الفل غالي بسبب بعض المواصفات التي لا تهمني

والف شكر لك مقدما

[هاي]

مبرووووووووووووووووووووووووووووووووووووووووووووك
فرحتى كنى انا الى شاري الموتر الله يكفيك شره ويعطيك خيرة .... وان شاء الله احط موضوع للسيارة الى حاجزينها بس عساها تجي , من شوي كنت بموضوعنا الى كنت اسئل عن الحجز وطلعت لمواضيع القسم والا انت حاط هالموضوع مبرووك
وفعلا المصري صادق بكلامة يام جيته يقول بيجينا 8سلندر فل كامل

هل هم اتصلوا عليك او ارسلوا لك رسالة او شلون عرفت ان السيارات جت لاني والله انا كل اسبوع امر على المعرض او اتصل فيه اخاف تجيهم الدفعة ولايعلموني

عندي استفسار : كم سعر السيارة ؟ وهل هي كما قالوا لك سابقا او زادو السعر ؟

الله يعطيك خيرة ويكفيك شرة وان شاء الله الدور جاينا