| | 
05-01-2008, 06:54 PM
|
#4 (permalink)
|  معلومات
العضو | | | | | | رد: كم أسعار الـ460 المستعمله بالسعوديه؟؟؟
وعليكم السلام ورحمة الله وبركاته
اسعار الـ LS 460 L 2007 مستعمل 5000كم الى 15000 باسعار من 260000 ريال سعودي الى 295000ريال سعودي
اسعار الـ LS 460 L 2008 مستعمل 5000كم الى 15000 باسعار من 280000 ريال سعودي الى 310000 ريال سعودي
الاسعار تزيد وتنقص
حتى ان اسعار نفس السياره زادت في وكالة عبداللطيف جميل 10000 ريال لنفس السياره ونفس الموديل
واقوال اخرى بان مبيعات نفس السياره في صدد دراسه لرفع سعر نفس السياره وايضاً نفس الموديل
الاسعار التقريبيه المذكوره اعلاه حسب معارض ووكالة عبداللطيف جميل في المملكه العربيه السعوديه
| 
|  | |
05-09-2008, 10:19 PM
|
#5 (permalink)
| | معلومات
العضو | | | | | | رد: كم أسعار الـ460 المستعمله بالسعوديه؟؟؟
مع احترامي الشديد لجميع الشباب اللي ردوا ...
كلامكم شوي مبالغ فيه واعذروني أنا شايف مواتر Ls460 L 2007 مع DVD ماشية 10000 كـم وقسم بالله 230,000 ريال وما أحد يبيها أسعارها 210.000 ريال - 225.000 ريال .وهذا الكلام قبل إسبوع وبعدين أبشرك يقولون واقفة لها مدة وشد بلد .
اما مسألة إنها واصلة لـ 260.000 ريال كلام مبالغ فيه أو صاحبها طالب فيها شيء خيالي وصدقني مافي أحد بيشتريها منه .
| |
| | |
05-11-2008, 01:20 PM
|
#7 (permalink)
| | معلومات
العضو | | | | | | رد: كم أسعار الـ460 المستعمله بالسعوديه؟؟؟
اقتباس:
المشاركة الأصلية كتبت بواسطة الحجيلان
 مع احترامي الشديد لجميع الشباب اللي ردوا ... كلامكم شوي مبالغ فيه واعذروني أنا شايف مواتر Ls460 L 2007 مع DVD ماشية 10000 كـم وقسم بالله 230,000 ريال وما أحد يبيها أسعارها 210.000 ريال - 225.000 ريال .وهذا الكلام قبل إسبوع وبعدين أبشرك يقولون واقفة لها مدة وشد بلد . اما مسألة إنها واصلة لـ 260.000 ريال كلام مبالغ فيه أو صاحبها طالب فيها شيء خيالي وصدقني مافي أحد بيشتريها منه . |
حياك اخوي حجيلان بسميك خبير الشريطية 
كلامك مردود عليك اخوي وبعطيك امثله من الواقع مو كلام مبالغ فيه مثل ماتقول
انباعت سيارة قدامي بمعرض الحمزة 460L موديل 2007 , دفعه اولى , لونه رصاصي , متصل , مرشوش صدامها الامامي والخلفي , وعدادها 35 الف كم , بمبلغ 250 الف ريال وش رايك ؟؟؟؟؟
ركز معي في عيوبها رش , ولون الله بالخير , ودفعة اولى ولما اقول دفعة اولى الكل بيعرف وش هي مشاكلها بالذات الشريطية لانهم اهل سوق !!!! وجابت 250 الف ريال وصاحبها مغمض انباعت قدام عيني ماسمعته من قالو ويقولون؟؟؟
اخوك الفقير الى الله معه 460L موديل 2007 , لونها لؤلؤي , دفعة ثانية بمعنى وجود DVD خلفي , عدادها 45 الف كم , متصل , ماطقها شاكوش , دخلتها معرض الحمزة لمدة اسبوع فقط لاني كنت مسافر بمهمة خارجية خاصة بالعمل , قلت خل اشوف كم تجيب , انسامت سوم اول يوم دخلت فيه 255 الف ريال , ووصلوها 258 الف ريال ,وجوالي ماسكت من اتصالات المعرض وبيني وبينك ماكنت ناوي ابيع لاني مو بحاجة فلوسها بس قلت بشوف كم تسوى و لو جابت سعر حلو يمكن افكر ابيع , وطلعتها من عندهم والحين تحت رجلي , في معرض الحمزة المقابل للصقر سوداني اسمه عبدالله اسأله وقل له سمعت ان عندكم سيارة 460 وينها وكم انسامت عندكم بيرد عليك ؟؟؟؟
وفي معرض من المعارض مايحضرني اسمه الحين قبل معرض الخريف بمعرضين او ثلاثة بايعين 460L موديل 2007 لونه لؤلؤي , منفصل ماشي 45 الف كم بمبلغ 245 الف ريال , ومعروف ان المنفصل ارخص من المتصل عند البيع
اخوي ان مااتكلم من راسي ولاادخل مداخل اشريطية ولاابخس الناس حقوقها !!!!!!!!
اخوي انت تتكلم عن لكزس الشيك مو تتكلم عن سيارة مو مرغوبة
اذا فيه واحد محتاج  , او واحد جايته السيارة شرهة , او واحد ضاحك عليه اشريطي وشاري سيارته بمثل ذا المبلغ  او وحدة مسمكرة وملعون ابو خيرها , فهذي حالة ما تعمم وانا اخوك وتحطها تسعيرة للسيارة؟؟؟؟؟
اخوي من لحظة ماتصفحت مواضيعك خصوصا قسم البيع والشراء وانت مرة تعرض 430Ls ومرة تعرض 300GS وانا عارف انك شريطي 
اجل عارض Gs300 موديل 2005 للبيع ب137 الف وهي مطوفه 3 موديلات اجل وصلها سعر الوكالة مرة وحده لاتكبر اللقمة عشان ماتغص 
فتك بعافية والله يرزقك بالمبالغ الي تحكي عنها لان 250 و 260 الف فعلا ماتوفي معك ابد ههههههههههههههههههههههههه
| |
| | |
05-11-2008, 06:28 PM
|
#8 (permalink)
| | معلومات
العضو | | | | | | رد: كم أسعار الـ460 المستعمله بالسعوديه؟؟؟
اقتباس:
المشاركة الأصلية كتبت بواسطة وليد الخالدي
حياك اخوي حجيلان بسميك خبير الشريطية | اقتباس:
المشاركة الأصلية كتبت بواسطة وليد الخالدي
كلامك مردود عليك اخوي وبعطيك امثله من الواقع مو كلام مبالغ فيه مثل ماتقول انباعت سيارة قدامي بمعرض الحمزة 460L موديل 2007 , دفعه اولى , لونه رصاصي , متصل , مرشوش صدامها الامامي والخلفي , وعدادها 35 الف كم , بمبلغ 250 الف ريال وش رايك ؟؟؟؟؟ ركز معي في عيوبها رش , ولون الله بالخير , ودفعة اولى ولما اقول دفعة اولى الكل بيعرف وش هي مشاكلها بالذات الشريطية لانهم اهل سوق !!!! وجابت 250 الف ريال وصاحبها مغمض انباعت قدام عيني ماسمعته من قالو ويقولون؟؟؟ اخوك الفقير الى الله معه 460L موديل 2007 , لونها لؤلؤي , دفعة ثانية بمعنى وجود DVD خلفي , عدادها 45 الف كم , متصل , ماطقها شاكوش , دخلتها معرض الحمزة لمدة اسبوع فقط لاني كنت مسافر بمهمة خارجية خاصة بالعمل , قلت خل اشوف كم تجيب , انسامت سوم اول يوم دخلت فيه 255 الف ريال , ووصلوها 258 الف ريال ,وجوالي ماسكت من اتصالات المعرض وبيني وبينك ماكنت ناوي ابيع لاني مو بحاجة فلوسها بس قلت بشوف كم تسوى و لو جابت سعر حلو يمكن افكر ابيع , وطلعتها من عندهم والحين تحت رجلي , في معرض الحمزة المقابل للصقر سوداني اسمه عبدالله اسأله وقل له سمعت ان عندكم سيارة 460 وينها وكم انسامت عندكم بيرد عليك ؟؟؟؟ وفي معرض من المعارض مايحضرني اسمه الحين قبل معرض الخريف بمعرضين او ثلاثة بايعين 460L موديل 2007 لونه لؤلؤي , منفصل ماشي 45 الف كم بمبلغ 245 الف ريال , ومعروف ان المنفصل ارخص من المتصل عند البيع اخوي ان مااتكلم من راسي ولاادخل مداخل اشريطية ولاابخس الناس حقوقها !!!!!!!! اخوي انت تتكلم عن لكزس الشيك مو تتكلم عن سيارة مو مرغوبة اذا فيه واحد محتاج , او واحد جايته السيارة شرهة , او واحد ضاحك عليه اشريطي وشاري سيارته بمثل ذا المبلغ او وحدة مسمكرة وملعون ابو خيرها , فهذي حالة ما تعمم وانا اخوك وتحطها تسعيرة للسيارة؟؟؟؟؟ اخوي من لحظة ماتصفحت مواضيعك خصوصا قسم البيع والشراء وانت مرة تعرض 430Ls ومرة تعرض 300GS وانا عارف انك شريطي اجل عارض Gs300 موديل 2005 للبيع ب137 الف وهي مطوفه 3 موديلات اجل وصلها سعر الوكالة مرة وحده لاتكبر اللقمة عشان ماتغص فتك بعافية والله يرزقك بالمبالغ الي تحكي عنها لان 250 و 260 الف فعلا ماتوفي معك ابد ههههههههههههههههههههههههه | أنا مع أخوي خالد أنا الحين أدور على LS 460L أرخص شي لقيته ب 250 ألف وفيها صدمة والله العالم إنهبلوا الأسعار مررررررررة نار الله الموقدة أخوي خالد على فكرة شفت أنا موترك ياليت تسامحني قلت عليك منتاب صاحي أنا رحت معرض الحمزة ولقيت عندهم 460L الصراحة ماشاء الله نظيفة بس ماشي عليها واجد 45 ألف وين رايح شكلك فار المملكة فيها سألت السوادني بكم السيارة قالي مسيومة 255 ألف قلت صاحبها موب صاحي ماتجيب هالسعر ماشيه كثير بس ماشاء الله سعرها ماسك الله يعطيك خيرها ويكفيك شرها والأخ الحجيلان بالله عليك أخوي رح بس يوم واحد لمعارض النسيم وشوف بنفسك الأسعار بالله أخوي ممكن تقولي وين شايف السيارة الي 230 ألف أشتريها وأنا مغمض بس أهم شي ما يكون عليها صدمات وشكراااااا
| |
| | |
05-12-2008, 08:41 AM
|
#9 (permalink)
| | معلومات
العضو | | | | | | رد: كم أسعار الـ460 المستعمله بالسعوديه؟؟؟
حياك اخوي عبدالعزيز بالنسبة لموضوع مانيب صاحي ,,,,فأظن ان اخوي العزيز الحجيلان هو الي ماهوب صاحي برده
وعن سومة السيارة فالناس الي سامتها مو انا , سامها من جاء وركبها وفحصها وشيك عليها بالوكالة
ماكان في راسي بيع والله , بس قلت بشوف كم تجيب وفيه من وصلها 258 الف ريال وموجودين بس ماظنيت ان ذا المبلغ بيكون سبب مقنع لبيعي للسيارة
سيارة نظيفة ولون مرغوب فيه ورقم مميز ومافيها رش أو سمكرة وتشيكاتها كلها في الوكالة ( منتظم بالتشييكات اول بأول) , ادفع فيها مبالغ في الوكالة تمسك راسك لو تدري عنها كلها حاجات استهالكية لو شريت القطع وسويتها برى كانت وفرت على نفسي ثلاثة ارباع المبالغ الي صرفتها بس مااسترخصت شي على سيارتي , ليه ماتجيب ذا السعر وبالنسبة للمشى فأتوقع انه مو مبالغ فيه مرة , صحيح ماشية بس مو ممشى مفرط فيه , يعني على نهاية السنة ان الله احيانا بتوصل 60 الف تقريبا واظنه ممشى طيب لسيارة بيكون نازل بعدها موديلين اقصد 2008 و 2009
ولو كان على الممشى وانا اخوك فيه محل بالصناعية ينزل عداد سيارتك للي تبي , لو تبي يصفره لك صفره بس انا رجال مالي بالتحايل والنصب والضحك على الدقون موفر ذا الحركات للشريطية
واول مارجعت طلعتها من المعرض لانها هي السيارة الي تحت رجلي , وهي السيارة الي اداوم فيها يوميا , وهي السيارة الي اقضي عليها مشاويري داخل الرياض وانت عارف مشاوير الرياض , هذا غير اني اسافر فيها للقصيم مرتين شهريا ناهيك عن التمشي ايام نهاية الاسبوع , فالطبيعي انها تمشي اكثر من الممشى هذا
اتمنى ان الله يرزقك بالسيارة الي تبي وينولك مرادك ومثل ذا السيارات وانا اخوك يبي لك تخطبها خطبة من راعيها بمعنى تشتريها من رجال تعرفه زين , أوتتأكد من ملفها بالوكالة بنفسك ان كان عن البودي او التشييكات او حتى الممشى الحقيقي للسيارة كل شي مسجل عندهم , لاتاخذ بكلام شريطي لو كانت سيارتي
تحياتي لك
| |
| | |
رد: كم أسعار الـ460 المستعمله بالسعوديه؟؟؟