[قليل خبره]

كيف حالكم شباب

انا ان شاء الله ناوي اطلع هاي لوكس 2008 غمارتين لكن محتار في النوع هل اخذ الهاي لوكس الصغيره Glx ولا الدبل سوبرglx مع العلم اني لا املك اي معلومات عن الهاي لوكس

ابغى الشور منكم يا اخوان والف شكر

[عـــــاشـق الــلا نـدكروزر]

أخوي
أولاً انظر للفرق في السعر بين النوعين

ثانياً
الglx و الs-glx الفرق بينهم ليس بالحجم

الفرق في الكماليات فقط

يعني السوبر مضاف إليه وسائد هوائية للراكب
وإضافة نظام الفرامل لمتطور ABS
والطارة رباعية الأضلع أما الGLX فالطارة ثلاثية الأضلع

ومااعتقد إنه في فرق كبير



عالعموم أنا أفضل الglx اذا كان فرق السعر مرتفع بين النوعيين


الله يوفقك إنشاءالله

وأي استفسار أنا موجود

[عـاشـق الـهـلـي]

شف اذا تبي تاخذ غماره دفرنس خذ gl

اذا تبي تاخذ غمارتين دفرنس s-glx او glx

اذا تبي تاخذ غمارتين دبل s-glx

ومثل ماقال اخوي عـــــاشـق الــلا نـدكروزر
الفرق بين s-glx & glx

ان s-glx فيه وسائد هوائيه لراكب والسائق
و فرامل abs
وجنوط
والطاره رباعيه

عكس الـ glx طاره ثلاثيه بدون ارباق طيس فرامل عاديه

والكماليات الي تجي مع glx و s-glx مع بعض
1/ مسجل سيدي كاسيت
2/ جناح بانوار
3/ دعاميه قدام حديد
4/ قماش مخمل داخلي لون احمر
5 / طفايه
6/ شنطه اسعافات اوليه
7 / منفاخ هواء
8 / شنطه تنجيد جاهز
9 / كشاف
10 / مثلث


وترا فيه انواع مثل المراتب فيه فصل و بدون فصل وهذي طلبيه

واي سؤال انا موجود ^_^

بتوفيق

[قليل خبره]

عاشق الاند كروزر مشكور على معلوماتك الطيبه وماعندي مشكله ولله الحمد في الفلوس بس حبيت ابحث عن الأفضل في الهاي لوكس لأن برضو ابغى الفلوس تروح في شي يستاهل والف شكر لك اخي العزيز.

عاشق الهلي مشكور على ردك وانا فعلاً اعجيتني الهاى لوكس S-glx ومواصفاتها حلوه وان شاء الله ربي يدلنا لما فيه الخير . الف شكر لكم جميعاً والله يجزاكم خير.

استفسار برضو وسامحونا يوجد لونين لداخلية الهاى لوكس احمر و اعتقد رمادي هل الرمادي موجود ومتوفر ولا بس لون واحد احمر . كمان ومعليش وش احسن لون للهاى لوكس من الخارج وشكراً

[@أبوفيصل@]

المشاركة الأصلية كتبت بواسطة قليل خبره

عاشق الاند كروزر مشكور على معلوماتك الطيبه وماعندي مشكله ولله الحمد في الفلوس بس حبيت ابحث عن الأفضل في الهاي لوكس لأن برضو ابغى الفلوس تروح في شي يستاهل والف شكر لك اخي العزيز.

عاشق الهلي مشكور على ردك وانا فعلاً اعجيتني الهاى لوكس S-glx ومواصفاتها حلوه وان شاء الله ربي يدلنا لما فيه الخير . الف شكر لكم جميعاً والله يجزاكم خير.

استفسار برضو وسامحونا يوجد لونين لداخلية الهاى لوكس احمر و اعتقد رمادي هل الرمادي موجود ومتوفر ولا بس لون واحد احمر . كمان ومعليش وش احسن لون للهاى لوكس من الخارج وشكراً

أضن ما فيه الا أحمر داخلي

طبعا احسن لون من الخارج ابيض

اما بالنسبة للدفرنس والدفرنسين

على حسن الاستخدام اذا كان بر بدون طعوس فخذ دفرنسين اما اذا كنت ناوي طعوس فلا تاخذ غير الدفرنس الواحد

[هاوي بريده]

بسم الله الرحمن الرحيم


اللهم صلي على محمد وعلى آله وصحبه أجمعين



أن كان أستخدامك للبر والنفود فعليك بأخذ glx أفضل من ناحية الغمارتين


وان كنت ما تهتم للتخشيب والكماليات فخد Gl غماره


في حالة أخذت سوبر جي الكس فيه نظام الفرامل


وهذا لو خففت هواء الكفرات لدخول البر يضر النظام مع الوقت


ثم تبدأ تذهب من وكاله الى ورشه حتى تصلح النظام



ولك مني كل الشكر والتقدير

[قليل خبره]

مشكورين على الردود يا شباب ونصايحكم هذي قيمه جداً لدرجة اني طبعتها على ورق الف شكر لكم والله يجزاكم خير

[عـاشـق الـهـلـي]

فيه احمر وفيه رصاصي من ناحيه الداخليه

واحسن لون للبدي الابيض

و بخصوص S-glx يدخل البر ليش مايدخل اجل ليش يحطونه على الدبل

لن فيه فاصل تفصله يطفي الفرامل المانعه للنزلاق Abs
وانا عندي S-glx اذا تبي صور وانا اطعس و فيديو راسلني على الخاص علشان تتاكد ان S-glx اهو الافضل للبر والشوارع