[اوريون كويتي]

بسم الله الرحمن الرحيم


اول مشاركة لي بهالمنتدى الممتاز

شهر 1 طلعت سيارتي الاوريون من الوكالة

و بعد شهرين او اقل , سويت حادث

كنت بالخط السريع بس شوي مزدحم ماشي 90 , فجأة الي جدامي ضرب بريك مفاجئ , انا على طول ضربت بريك , بس وقفت سيارتي ولا الي وراي يدش فيني

ضربني من وره دخلني بالي جدامي , سيارتي خذت يمين و استعرضت بنص الشارع و الي وراي دش بالي جدامي

و شوفوا الحظ السيارة الي جدامي فورد فيكتوريا و الي وراي شفر @@

يعني اثنينهم امريكي و البدي قوي


بس حبيت احطلكم الصور










طبعا السيارة وايد متعورة مثل ما شفتوا

و صارلها تقريبا شهرين بالقراج و ان شاء الله باجر راح تطلع

و كلف تصليحها تقريبا 3 الاف ونص ( 45 الف ريال سعودي تقريبا )

لحد اليوم ما طلع الحكم حق المرور , بس ان شاء الله الحق معاي و يردون لي مبلغ التصليح

و يا شباب ديروا بالكم ولا تسرعون <*****< يعني مسكين و ما يسرع

يطبعا كل شي قضاء و قدر و الحمدلله على كل حال و مشكورين على المرور

[أسير المشاعر]

خطاك السو اخوي
والحمد لله في البدي ولا فيك

ومعوض خير ان شاء الله

[دقات قلب]

الف الحمد لله على السلامة ..

وهذا شيء مقدر ومكتوب ..

والله يعوضك بالخير ان شاء الله ..

[اوريون كويتي]

الله يسلمكم

و مشكورين على المرور

بس في شي نسيت اقوله

على هالحادث ولا airbag طلع بالسياره :/

الحمدلله ما صار فيني شي لأنه لابس الحزام بس مادري وش سالفة الـ airbag

[أوريون الاسياح]

الحمد لله على سلامتك

والله السياره متعوره بقوه بس احمد ربك هاذا قضاء وقدر

وبالنسبه لتكلفت السياره كثيره بالمره

هاذي قيمت سياره

تقبل مروري

[كــحــيــلان]

الحمد لله على كل حال
مقدر ومكتوب اخوي
حمد لله على سلامتك انت
ولا الحديد يتعوض


تقبل مروري

[أوريون و ص ق]

اول شي الحمد لله على سلامتك

واعجبني التفاؤل ما شاء الله عليك

وان شاء الله يعوضونك

والحمد لله عل كل حال

اسأل الوكالة عن الairbag مع العلم ان لو طلع اي واحد راح يكلف كثييير اعادة اصلاحه والحمد لله على سلامتك مرة ثانية

[العتيبي 511]

الحمد لله على السلامه
حديد يتعوض اهم شي انك سلمت ياغالي

[محمد الحمادي]

خطاك الشر حبيبي على الاقل انت احسن مني انا تكنسلت رابع يوم من الوكاله وكانت ماشي بس 950 كيلو متر والحين الحمدلله طلعت لي وحده جديده

[" اوريون "]

الحمدلله على السلامه وما تشوف شر ..

ياليت تصور لنا السيارة مرة ثانيه بعد ما تستلمها ..

تحياتي

[البررررق]

سلامات والله ماتشوف شر

[اخضر زيتوني]

الف الحمد لله على السلامة

[شادو لوور]

الإيرباق مايطلع الا لما يتعور الشاصي
فإذا تعور الشاصي عندك ولا فتح يعني فيه مشكله
اما اذا ما تعور فهذا طبيعي
والحمد لله على السلامه

[عاشـــق اللاند]

السلام علكيم

اول شي حمدلله على سلامتك قضاء وقدر

والحمدلله اشوف الدعمه على البودي ولكن الشاصي سليم والحمدلله

بس ماعلمتنا من وين صلحتها؟ لان المبلغ كبيييير واااااااااااجد 3 الا ونص

هالدعمه فيه محلات يصلحونها لك بمبلغ الف دينار وترجع نظيفه

لكن الله يسهل امورك والحق معاك باذن الله ولا تسكت عن حقك وانا خوك

[(هتلر)]

الحمد لله على السلامة

[اوريون كويتي]

الله يسلمكم كلكم يالغلييين

المشاركة الأصلية كتبت بواسطة أوريون و ص ق

اول شي الحمد لله على سلامتك

واعجبني التفاؤل ما شاء الله عليك

وان شاء الله يعوضونك

والحمد لله عل كل حال

اسأل الوكالة عن الairbag مع العلم ان لو طلع اي واحد راح يكلف كثييير اعادة اصلاحه والحمد لله على سلامتك مرة ثانية

ادري انه راح يكلف وايد بس المفروض كان يفتح عشان السيفتي

المشاركة الأصلية كتبت بواسطة محمد الحمادي

خطاك الشر حبيبي على الاقل انت احسن مني انا تكنسلت رابع يوم من الوكاله وكانت ماشي بس 950 كيلو متر والحين الحمدلله طلعت لي وحده جديده

خطاك اللاش الحممدلله على كل حال , بس انا صلحوها ما طلعت لي وحده جديده

المشاركة الأصلية كتبت بواسطة " اوريون "

الحمدلله على السلامه وما تشوف شر ..

ياليت تصور لنا السيارة مرة ثانيه بعد ما تستلمها ..

تحياتي

الحمدلله اليوم الصبح طلعتها و بس باقيلها الميزانية و لو تشوفها كنها جديده ما شاء الله
و افا عليك اصورها و احط الصور

المشاركة الأصلية كتبت بواسطة عاشـــق الاند

السلام علكيم

اول شي حمدلله على سلامتك قضاء وقدر

والحمدلله اشوف الدعمه على البودي ولكن الشاصي سليم والحمدلله

بس ماعلمتنا من وين صلحتها؟ لان المبلغ كبيييير واااااااااااجد 3 الا ونص

هالدعمه فيه محلات يصلحونها لك بمبلغ الف دينار وترجع نظيفه

لكن الله يسهل امورك والحق معاك باذن الله ولا تسكت عن حقك وانا خوك

اي الحمدلله الشاصي و المكينه ما فيهم شي , اي والله المبلغ وااااااجد كبير لأنه كل القطع تبديل

لأ اخوي ما تصير الف دينار

لأنه شغل ايد القراج خذوا 700 دينار او 600 , و 2500 قطع الغيار تقريبا

و احنا الي جبنا قطع الغيار مو القراج

الله لا يكذبني اعتقد تصليحها 3200 و ليس 3 ونص