[أأريون]

السلام عليكم ورحمة الله وبركاته
هذي أول مشاركه لي معكم في هذا الصرح المميز بإدارته ومشرفيه وأعضائه
تمنياتي لكم بالتوفيق والنجاح الدائم
أنا ياشباب محتار بصراحه وطلبتكم الله يوفقكم أبغى منكم نصيحه أنا ناوي أطلع قرض على الراتب وأشتري الأمــيره بإذن الله بصراحه معجب فيها من شفتها لكن بصراحه خايف من كثر ما أشوف بالمنتدى من ناس تشتكي من مشاكلها بالرغم إنها مشاكل لا تذكر بس أنا تعرفوا راح أطلع قرض يعني ماعندي كاش وعلشان كذا أنا خايف .
أبغى نصيحه منكم تنصحوني بالأمــيره أو لا ؟
وهل فيها مشاكل غير عاديه يعني من اللى نشوف بالمنتدى من القير والمكينه والريحه الى تطلع مع المكينه ؟
وهل قطع الغيار غاليه ؟
وكيف السياره هل تتحمل ؟
وماهي نصايحكم في حال الشراء إن شاء الله ؟
أتمنى أن القى أجابه عندكم بارك الله فيكم وسدد على طريق الخير خطاكم
أخوكم ومحبكم
أأريون

[اوريون_وبس]

يامرحبا


حياك اللة بين اخوانك


وللة الموتر ماعليه كلام


معظم اللي قريته هذي حاجات بسيطه وتافهه


مثل صوت ديكور القير وغيره


واي شي من هالامور رجعها للوكالة وهم يضبطونها


غيرها الموتر مافيه شي عايبه ابدا


وحياك اللة

[عاشق الاوريون]

أبغى نصيحه منكم تنصحوني بالأمــيره أو لا ؟
والله يا اخوي إذا انت معجب بالسيارة أستخر و أشترها.
ولا تخاف من السلبيات والمشاكل اللي فيها. لأنه طبيعي أنها تذكر السلبيات من دون الإيجابيات عشان نلقى لها حلول ممتازة مع الشباب..
وهل فيها مشاكل غير عاديه يعني من اللى نشوف بالمنتدى من القير والمكينه والريحه الى تطلع مع المكينه ؟
أما عن القير فأنا معي جراندي من الدفع الأولى ما لاحظت فيه شي ولو بنسبة قليلة..
والمكينة قوة وحيل ما شاء الله..
الريحة اللي تطلع من المكينة...<*****<*****< النقطة هذي أكيد أنك فاهمها غلط
وهل قطع الغيار غاليه ؟
تويوتا قطعها غالية.!!!! ما أعتقد.

وكيف السياره هل تتحمل ؟
الحمد لله السيارة معي من شهر جمادى الثاني السنة الماضية وماشية حول 25000 وتمام التمام..
مع أن رجلي ثقيلة شوي على البنزين وراعي خطوط..

وماهي نصايحكم في حال الشراء إن شاء الله ؟
النصايح مجالاتها كثيرة وأي استفسار تلقاه في المنتدى إن شاء الله واللي ما تلقاه نزل موضوع واستفسر وتلقى الجواب من الاعضاء ما راح يقصرون..



..............ومبروك مقدمًا...............

[اخضر زيتوني]

اي سياره تشتيريها احتمال بتحصل اغلاط مو عيوب ويتفادونها الوكاله
استخير ربك
انا استخرت بين كامري اس اي واوريون جراندي
الحمدلله اخذت اوريون جراندي
اما العيوب صعب تفاديها بتكون على طول مالها حل
انشالله افدتك

[أأريون]

أريون _وبس
عاشق الأريون
أخضر زيتوني
أشكركم على ردودكم المميزه الله يوفقكم جميعاً
ننتظــر بقية الأعضاء
تقبلوا خـــالص التقدير والإحــترام
أخوكم
أأريون

[اوريون الجموم]

الشباب ماشاء الله ماقصروا عطوك اللازم

بصراحه سياره ماشاء الله ماعليها كلام

وبالنسبه لريحة المكينه الحمد لله لها معي الحين شهر بالتمام والكمال

وماشيه 5000كم ومافيه ولا ريحه ولايحزنون

والف مبروك مقدماً

[أأريون]

أريون الجمجوم أشكرك على حضورك المميز
دمت أخي بألف خــير
تقبل خــالص التقدير والإحـــترام
أخوك
أأريون