[مخاوي النملة]

السلام عليكم ورحمة الله وبركاته .. تحية طيبة للجميع

ياليت المختصين والخبراء باللكزس يفيدونا بسعر اللكزس الأمريكي عندنا هنا في السعودية .. طبعاً النظيييييييييييف موديل 2004 الفل كااااااامل .. واللون لؤلؤي أو توفي ( بني ) ..

وجزاكم الله خير الجزاء

[لكزس أمريكية]

اللون الداخلي وكم ماشي وهل فيه ابواب شفط ومكيفات جانبيه للراكب الخلفي وهل فيها تحكم بالكاسيت للراكب الخلفي او مساج او تسخين مراتب

[مخاوي النملة]

ما في ردود .. ما احد يعرف الاسعار يعني

[الحجيلان]

حيا الله الغالي ( مخاوي ) :


شوف وأنا أخوك اللون اللؤلؤي هو الوحيد اللي يجيب سعر حلو مقارنة بالألوان الثانية وأعتقد إذا ماشي 60 ألف ميل أو أقل بيجيب إن شاء االله 125 -130 ألف طبعا لازم يكون كامل المواصفات ونظيف ومافيه أي رش وسمكرة وحاول من وجهة نظري اللي ماحد سواها أو اهتم فيها سو تحديث للملاحة هنا بالسعودية .. وغير هاللون 120 وتحت وهذا كلام ثقة .. والله هو العالم .

وبالتوفيق .

[الكــوكو]

أخوي الكريم معك من 130 إلى 140 ألف ولاتزود عن هذا السعر
أنا أقولك إذا بين السعرين هذا مناسب جدا.

[مخاوي النملة]

المشاركة الأصلية كتبت بواسطة لكزس أمريكية

اللون الداخلي وكم ماشي وهل فيه ابواب شفط ومكيفات جانبيه للراكب الخلفي وهل فيها تحكم بالكاسيت للراكب الخلفي او مساج او تسخين مراتب

مرحبا اخوي .. قلت لكم فل كاااامل .. شاشة نفقيشن .. اللون الداخلي هليوز ( بيج فاتح طبعاً ) ماشي أقل من 80.000كم والأبواب شفط وأكيد فيه مكيفات جانبية للراكب الخلفي وستائر خلفي جانبية على الأبواب وستارة في الخلف وكلها تحكم تماتيك طبعاً .. أما التحكم من الخلف .. الأمريكي ما يجي حسب ما أعرف لكن فيه مساج وتسخين وتبريد مراتب .. وفيه مواصفات أخرى ما تجي بالسعودي بس لسا ما عرفتها .. لكن هذا أهم شي ..

[مخاوي النملة]

شكرا اخوي الحجيلان .. والله دايم تكرمنا بمعلوماتك وردودك يالغالي .. كلامك ريحني كثير صراحة ..

والشكر موصول للاخ الكوكو .. تسلم اخوي بس مو كأن 140.000 غالية شوي .. خاصة ان الاستخدام امريكي ؟؟

[محمد الحقباني]

80 الف كيلو او ميل ؟؟

ترا يفرق

بالتوفيق

[الكــوكو]

أخوي مخاوي النملة الأن الطلب على الامريكي أكثر من السعودي لانك عارف سواقة ربعنا
وبعدين أنا قلت معك من 130000 إلى 140000 كحد أقصى.

[مخاوي النملة]

اخوي محمد الحقباني .. الظاهر كتبت أنا ( كم )

وشكراً اخوي الكوكو ما قصرت وهذا اللي أنا اسمعه فعلاً

[لكزس أمريكية]

والله بصراحه كل الامريكي مايجي مكيفات جانبيه

ياااخوي انا ساكن بامريكا واعرف المواصفات الامريكيه وكم سياره شفتها مافيها مكيفات جانبيه

[مخاوي النملة]

اخوي كلامك صحيح .. بس تعرف ان اللكزس الأمريكي خاصة Ls أنواعه كثيرة .. مو زينا نوع واحد فقط

[لكزس أمريكية]

معك انواع كثيره لكن المكيفات الجانبيه والستائر الجانبيه والتحكم بالكاسيت وكذلك غسيل الانوار الاماميه مافيه والابواب ماتجيك شفط

[نديم الطيف]

انت الحين تعرض سيارتك للبيع او تستفسر عن سعر سيارة بتشتريها؟؟؟



اذا تستفسر حط صور بارك الله فيك عشان نقدر نفيدك

[مخاوي النملة]

لا اخوي استفسر عن سيارة راح اشتريها .. بارك الله فيك ..

[لكزس أمريكية]

تهاوشو الشباب خلاااااااااااااااص

[مخاوي النملة]

هههه اخوي لكزس ... ما فيه هوشات ان شاء الله لا تفتن