[الـــرس]

السلام عليكم ..
اول شي هذي اول مشاركه لي واتمنى ان افيد واستفيد ..
عندي Vx-r 2005 فل كامل ( بكل ماتعنيه كلمة فل كامل ) خليجي ذهبي اللون ماشي 107000 كم
البدي سليم من السمكر او التعديل (طقات صغيره من البرد اللي قبل اسبوعين )
صراحة مانويت ابيع لكن اتمنى من اهل الخبره ان يفيدونني بالسعر المستحق للبيع
اذا وصل السعر لمبلغ مغري فكرت اني ابيع ..
وانشالله اذا توفرت الصوره نزلتها باقرب فرصه

وانا واثق انه راح يكون تفاعل من اهل الجيوب .. اخوكم ابو صالح.

[كامري الزياد]

ياحبيبي

الحين وبعد مانزل الشكل الجديد من لاندكروزر 2008

ارتفع الطلب على القديم مثل الى معك وصااااااااار دبل دبل السعر

انا ابوي كان مار المعارض بالنسيم يقول بغو يحولوني والى صار ال 2001 ولا هوب فل كامل يجيب110الف
وكل ماله يزيد

اقول ترا عليه طلب قوي واهم شي لا يلعبون عليك الشريطيه تراهم بيحطمونك وبيقولون الجديد نزل وحقت مايسوى

ترا عليه مضارب وهوشات انصحك بعه بسعر خيااااااالي طبعا لمصلحتك انا مالي اي مصلحه فقط ك واضع فائده

[مخاوي النملة]

اخوي ما وضحت اذا القير تماتيك ولا عادي

لكن اذا تماتيك اتوقع يوصل 130.000 تقريباً أو أقل والله أعلم .. لأن فيه الآن سيارتين نفس نوع سيارتك لكن موديل 2004 واللون أبيض ( يعني مرغوب أكثر من الذهبي ) وأسعارهم واحد بـ 118000 ريال والثاني بـ 120.000 ريال وكلها مواصفات كاملة .. فتحة .. قير تماتيك .. ونش .. هيدروليك .. الخ

أنت الآن قيس على هالأسعار .. وانت الحكم ..

وياليت تعطينا حدك فيه لو سمحت ؟؟

والله يوفق الجميع لكل خير

[فزة الصحراء]

ياليت تنزل صور للموتر لان طقات البرد الي ذكرتها ضيقت صدري شوي

انا ادور مثل موتر

بس ماذكرت هو قير عادي ولا تماتيك

واذا لك حد بلغنا ...

[المهــــلهــــل]

طيب اللي يدور Vxr 2007 فل كامل بالقصيم يحصل شي نظيف وقليل الممشى ...؟

قالوا لي تحصل مخزنات بس كل ما أسأل يقولوا مافيه ..!

ارجوا ان اهل القصيم يفيدونا ..

[الـــرس]

كامري الزياد ..
مخاوي النملة..
فزة الصحراء..

الف الف شكر لاهتمامكم ..
وبالنسبة للسيارة تماتيك (القير الرياضي) واسبنة علاقي واستبنة تحت
والطقات خفيفة تاضح مع النور ... لكن واحد اقترحلي اغير الكبوت وكالة وهذا اللي شكلي ابسويه

وانشالله بكرا ابنزل صور للجيب..

المهلهل.. والله انا ماعندي خبر واذا عرفت ابشر بمن يعلمك


شكــــــــــــراً لــــــكـــم ,,

[مخاوي النملة]

اخوي المهلهل .. للأسف 2007 مخرن لايمكن تحصل لأن الناس طايره فيه

يمكن تحصل ماشي قليل مرة بس أصفار ما أظن ..

بالتوفيق

[الكــوكو]

أخوي كامري الزيادي اتمنى تترك الكذب عنك أما 2001 بـ 110 كثر لي من أبوها


بالنسبة لموترك أخوي الكريم إذا أنه فل كامل معك من 130000 إلى 135000 ريال فقط.

[المهــــلهــــل]

أخوي الرس :
شاكر لك ردك وانا في إنتظاررررررك إذا حصلت شي على الخاص ..

أخوي مخاوي النمله :
مايهم بس المهم يكون الممشى قليل وفل كامل vxr ..

[أخوكم في الله]

المشاركة الأصلية كتبت بواسطة كامري الزياد

ياحبيبي

الحين وبعد مانزل الشكل الجديد من لاندكروزر 2008

ارتفع الطلب على القديم مثل الى معك وصااااااااار دبل دبل السعر

انا ابوي كان مار المعارض بالنسيم يقول بغو يحولوني والى صار ال 2001 ولا هوب فل كامل يجيب110الف
وكل ماله يزيد

اقول ترا عليه طلب قوي واهم شي لا يلعبون عليك الشريطيه تراهم بيحطمونك وبيقولون الجديد نزل وحقت مايسوى

ترا عليه مضارب وهوشات انصحك بعه بسعر خيااااااالي طبعا لمصلحتك انا مالي اي مصلحه فقط ك واضع فائده

وييييييييييييييييييييييين الله يصلحك 2001 بــ 110 آلاف !!!!!!!!

أنا لي شهرين أدور جيب في المعارض من الساعة 4 عصراً الى صلاة العشاء

والأسعار أقل بكثير من كلامك والي فهمته وعرفته من السوق الناس بدأت

ترغب لمفخرة الأرض 2008 وينتظرون 2009 ومالهم نظر بالقديمات

2000 vxr مبيوع بــ 78 الف ريال بالنسيم والممشى 180 الف كيلو

و2001 إذا على كلامك نظيف والممشى قليل زد عليه 10 آلاف يصير بــ 88 الف ريال

الكلام المعقول معقول الله يسلمك لا تعلقون خلق الله