[منصور المطرفي]

المشاركة الأصلية كتبت بواسطة طارق البدر

اتصلح الا بالوكاله وشيخ الورش ماعنده سالفه يمكن يقدر لك ماتجيب اجرة اليد وتقديرهم سيء للغايه

لاتقبل بتقدير شيخ الورش نهائيا ولاتصلحها بغير الوكالة الوكاله شغلها مضمون ولو تشتكي من شي وانت مصلحها برا ماراح يعطونك وجه

رصصصص عليهم ولايهمك اللي يقول رح لشيخ الورش يبون اقل تكفه هم حتى شيخ الورش يقدر لك بالورش المتوسطه بعد شف الظلم

مشكور أخوي .

أمممممم أنا هالحين قاعد أحاول مع شيخ الورش حتى ارفعها لأعلى سعر ممكن .

و ان شاء الله راح اوصلها لسعر قريب من سعر الوكاله .

و يمكن ادخل السياره مركز صيانه كثيرين يقولوا انه ممتاز اللي هو مركز العيتاني

و انا بصراحه رحت له و شفت عنده سيارات فخمه كثير LS و BMW يعني بصراحه

أبي مركز يصلحها لي بسرعه و ممتاز و شغل نظيف , الوكاله بيطولون فيها كثير بتاخذ معاهم

اقل شي شهر .

و الله يسلمك أخوي و مشكووور على مرورك الحلو .

[(غير مسجل)]

الحمد لله على السلامه... في الحديد ولا فيك... و ان شاء الله يعوضك...

[منصور المطرفي]

المشاركة الأصلية كتبت بواسطة ظبياني اي اس

سلامات أخوي وما تشوف شر

في الحديد ولا في العبيد

وانشاء الله معوض

ولو تتابع مشاركاتي بتلاحظ ان صارت لي نفس مشكلتك وهي اني كنت واقف في الاشارة وجا واحد ودعمني ومن الخلفية اليمنى

والسلام عليكم

الله يسلمك أخوي .

صحيح شفت اللي صار على سيارتك و الحمد لله على السلامه

و مشكوور على مرورك حبيبي .

و عليكم السلام .

[منصور المطرفي]

المشاركة الأصلية كتبت بواسطة الخلى دوت كوم

أخي العزيز

اول شي الحمد لله على السلامة وقدر الله ولطف واصبر وهذا ابتلاء من رب العالمين والحمدلله على كل شي يقدره الرب

الشي الثاني انت رجل غير ملزوم بأنك تروح تطالب الشركة الخاصة بتأمين خصمك انا وقع لي حادث وكنت مأمن تأمين شامل عند التعاونيه المهم جبت اسعار من ورش عادية واعطيتها التعاونية واعطيتهم صورة من تأمين الطرف الثاني وهم تكفلو بالموضوع وطالبو الشركة وارسلوني للوكالة لاني مأمن تأمين شامل ودفعو التعاونية الفرق وكان وقتها بحدود 5000 ريال او اكثر منيب متذكر بالضبط المهم وصلحوها لي وهم طالبو شركة التأمين بس يوقعونك على ورقه انك ما تطالب التعاونية بمبلغ التأمين من الطرف الاخر

وعسى الله يعوضك خير

الله يسلمك اخوي , و الحمد لله على كل حال .

بس حبيبي أنا ما أمنت على سيارتي تأمين شامل هذي غلطتي اللي ندمان عليها .

لكن الله يعينني عليهم .

و مشكوور حبيبي .

[منصور المطرفي]

المشاركة الأصلية كتبت بواسطة م ع ي جي إس

الله يخلف عليك و يعوضك باللي فيه الخير لك . أنا أقول لك لو تروح لمكتب محاماة و تشتيرهم ايش الحل يبي يعلمونك .

تقبل مروري

اللهم آمين

مشكوور حبيبي و يعطيك العافيه على مرورك العطر .

[منصور المطرفي]

المشاركة الأصلية كتبت بواسطة (غير مسجل)

الحمد لله على السلامه... في الحديد ولا فيك... و ان شاء الله يعوضك...

حيا الله مشرفنا الله يسلمك يا باشا .

و الحمد لله على كل حال .

و مبروك على السياره الجديده الله يعطيك خيرها و يكفيك شرها , و أنت تستاهل كل خير

و أهم شيء التحصين .





أشوفكم على خير يا أحلى أعضاء يوم الأربعاء إن شاء الله **************** يا ولد على السجع .

سلام عليكم

[بإختصار لكزس]

لاحول ولا قوة الا بالله .. لاحول ولا قوة الا بالله .. لاحول ولا قوة الا بالله

الله يهون عليك

ما اقول الا الله يعينك بين التامين والمرور ... رح وتعال

والله اني مقهوررر سيارة جديدة ويجي اللي يصدمك ويقولك اعطيك 2000 وتوكل على الله

والله قله ادب

اخوي انا والله ما اعرف طريقة التآمين لكن انشاء الله التأمين يوفقون

الواحد ما يقول الا .. حسبي الله ونعم الوكيل

[عين الامارات]

قال الله تعالى: عسى تكرهوا شيءً وهو خيرًا لكم ... صدق الله العظيم


اخي العزيز .... ما لك الا بالوكالة لا تصلح خارج الوكالة لانها سيارة جديده فحرام تصلحها خارج الوكالة
وثاني شي اذا السيارة تحتاج الى سمكرة ..فالوكالة عندها اجهزة متطورة اللي تستغني عن السمكرة وتكتفي فقط بالشفط
انا مجرب والسيارة كانت ماشي فقط 4000 .. ولكن ولله الحمد خرجت السيارة من الوكالة كانها لم يحدث فيها اي شي
واهم شي نصيحة يا الطيب انك لا تستعجل عليها وتخليهم يشتغلون فيها لحد ما تخلص على راحتهم ..حتى تضمن الشغل
الصحيح

والله الموفق

[هاااوي]

الف سلامة اخي العزيز في الحديد ولا فيك , ثاني شي انا انصحك بمركز العيتاني لانه المركز الوحيد المعترف فيه من قبل شركة الجفالي وانا عندي واحد من الشباب معاه gs جديد اخذت السيارة واجهة وخلفية وصلحها عندهم ووداها مركز لكزس في طريق المدينة وفحصوا السيارة وقالوله السيارة سليمة وثالث شي اذا انت صلحتها في الشركة حتتسجل في كمبيوترهم انه السيارة مصدومه وحيقلل من قيمتها بدرجة كبيرة عند البيع وللمعلومية مركز العيتاني اصبح الان شيخ الورش وهذا افضل شي

[ص_ماهر]

اخوي منصور ........
اولا حمدالله على السلامة......
ثانيا.... اتمنى ان تكون سيارتك في الورشة الأن للتصليح........
بالنسبة لشركات التأمين شغلهم كله نصب في نصب في نصب ............................الخخخخخخخخخخ......
انا صار لي حادث بسيارتي الطوارق 2005 حيث انه جاءتني سوناتا 2005 وصدمتني من الخلف اظنه كان مسرعا وغير منتبه........ المهم كان الأخ مأمن في شركة ميدغلف المشهورة وكان مطلع البطاقة في نفس يوم الحادث وجاء المرور وما انتبه الى ان البطاقة لم تفعل بعد (نقطة مهمة ) .................لم انتبه الا بعد شهر كامل من مراجعة شركة التأمين الله لا يوفقهم .................نعد شهر قال لي موظف التأمين ان اللي صدمك بطاقته اصدرت في يوم الحادث ويعني اننا لن نقوم بتغطية الحادث وبعد محادثات طويلة وغير مجدية وكأنها محادثات السلام قلت له ( حسبي الله ونعم الوكيل) مع العلم اني قد ادخلت سيارتي للوكالة للتصليح.......
وللمعلومية شركات التأمين تدفع مباشرة للحوادث دون 2500 ريال سعودي اما الأكثر فيجب وبموافقة المرور يجب مراجعة شيخ المعارض لعمل التقييم وكأن شيخ المعارض هو مدير عام المرور هههههههههههههههههههه

اسف على الاطالة................وشكرااااااااااااااااااااا.. ..................................

[هداوي الشام]

الله يعينك يااخي وان شاء الله انها عين وراحت عنك بس عندي استفسار لو سمحت:
وين ورشة العيتاني في جدة او مكة بالضبط .....
وماتشوف شر .

[ابوصالح]

لأاياخوي حرام توديها ورش
ولاهو من حق الشركة والمرور يعطيك احقية تصليحها في الوكالة مادام موديل السيارة 2007 او 2008
وانا قبل سنه وزياده حصل معي نفس الموقف وذكرته عشان تستفيد منه
صدمني واحد مرجوج والغلط علية الف بالمية وكنا ننتظر المرور وهو اخونا زعلان يقول انت المخطي ومنتظرني اعوضه المهم المرور قدر عليه الخطأ 100% وحاول الجندي يصلح بيننا وقال له عطيه 3 الالف ريال وانهو الموضوع بشكل ودي احسن لكم لانه ماكان مأمن
وزعل وقال ماعندي فلوس قلت خلاص احبسوه حتى يجيب قيمة الاصلاح
وزعل وقام افا ماتضمني انا راح اتصل عليك جوال واعطيك فلوسك
قلت هين المهم وشلوه معهم ومالكم بطوالت السالفه اتفقنا بالمرور واعطوني 3000 وصلحتها بورشه مو بوكالة ب 5000 ولما بعت السيارة نزلت من قيمتها كثير
فاحرص انك تصلحها وكالة مهما كان شغل الورشه نظيف
والوكالة راح تضمن لك شغلها اما لو جبتها لهم وانت مصلحها في ورشه خارجيه ممكن تتلغي عليك اشياء كثيرة برا ضمان الوكالة وسيارتك لسه جديده
والله يوفقك

[مطشم]

اللي اعرفه ان اذا كان أخر ثلاث مديلات حديثه تتصلح بالوكاله يعني من 2006 و 2007 و 2008 تصلحها بالوكاله وغصب عنه أنا صارت لي وصلحت بالوكاله بس هالكلام قبل يمكن سنتين

[قلم حبر]

اسمع كلام مجرب..

مع احترامي لكل اللي يقولون تقرير وكالة..

المرور يطلب منك تقرير من شيخ الورش.. من الصناعية القديمة أو البديعة .. وفيه لهم فرع ثالث

و التقدير راح يبدل لك أي قطعة اصابها تلف .. يعني بيغير لك الصدام و اللمبات و... بدون سمكرة اذا كانت موديل السنة أو اللي قبلها 2007-2008

ثم تروح لأي وكيل لكزس و تأخذ منه أسعار القطع اللي طلب تغييرها شيخ الورش

ثم تروح للمرور اللي عند شيخ الورش يوقع عليها

ثم تطالب الرجال في مرور الناصرية.. واذا ما دفع راح يعممون عليه

والحمدلله على السلامة