طبعاً أخوي السيارة إذا كان أول نزول لها لازم تلقى بها عيوب مصنعية ولازم ترفع ملاحظات العملاء إلى الشركة الأم مثلك عارف الكامري عام 2003 كان بها مشاكل بس في 2004 تعدلت المشاكل وصارت أفضل وكذلك شف الكامري 2007 وشف الكامري 2008 تلقى فيها فرق لأنه تم تعديل العيوب انا معي فورتشنر ما شاء الله تبارك الله ما ألاحظ فيه شي لأن موتري 2007 والهواء على كلامك صح بها أصوات هواء لكن وانا اخوك على قد الحال وش نسوي إذا البرادو نفس المواصفات وأقل نوع بـ 123000 الف وهذا فل كامل 108000 يعني شف كم الفرق حوالي 15000 الف ريال وهذا مبلغ ما هوب بسيط
آسف على الإطالة ولك جزيل الشكر
بالرغم من العيوب اللي تقول عليها في السيارة إلا أنها أفضل من غيرها من السيارات خصوصاً أن أغلب السيارات بها عيوب وأخص بالذات السيارات التي من الموديلات الجديده.
المكينه والقير والشاص هذي أهم شيء ولا فيها أي عيب من واقع تجربة وقراءه
الباقي إن وجد فهي أشياء بسيطه وحلها أكيد بسيط مع أني استبعده في الموديلات الحديثة من الفورتشنر.
وتبقى العيوب في رأيي وهي مقدور على حلها كما يلي:-
1) نسبة العزل ويمكن وزن الأبواب ووضع جلد إضافية وهي الصفة الغالبة على سيارات تويوتا.
2) الإطارات التي تأتي مع السيارة شد بلد ويمكن تغييرها.
3) عدم وجود جسر حديد خلفي موصول بالشاص ويمكن ترهيمه بـ 400 ريال.
4) دواسة الفرامل ويمكن ترهيم ورده وصامولتين لها بحيث أنها ما تنحل مع المطاب.
صحيح أن السيارة فيها عيوب ولم تعدلها شركة تويوتا في 2006 و2007 و 2008 و العجيب أن هذه العيوب مستمره في جميع هذه الموديلات فكيف يعقل بسيارة جيب دفع رباعي يقولون أنها متعددة الاستخدام يكون صدامه الخلفي ربل فقط بدون جسر حديد !!, وين عقول المصنعين !!! كيف لو أردت مثلا سحب قلص أو تركيب هوك خلفي ؟؟!!! وأيضا البدي الضعيف جدا اللي أتوقع لو يصدمه سيكل من جنب أنعدم الموتر هذا إذا سلم الشاص بعد
أيضا لم تحسن من الديكور الداخلي فكيف تدفع فوق المية الف في سيارة مواصفاتها تعتبر قياسية أو كما يسمونه ستاندر بالنسبة للسيارات الثانية !
أيضا عزل الهواء لم تحسن منه تويوتا في جميع سياراتها عدا اللاند الجديد , وتويوتا التي هي نفسها التي تصنع سيارات لكزس ذي العزل الصوتي الرائع ما يعوقها أن تجعل جميع سيارات تويوتا بهذا العزل أو على الأقل حل هذه المشكلة لكن لها هدف من هالشي وسياسة تمشي عليها .!!
سقف سيارة الفورتشنر لا يتحمل العفش فكيف يخدعون العملاء ويضعون عوارض للسقف والسقف ضعيف وكأنه ورق طابعه !
أنا لا أذم السيارة لكن لماذا الاستمرار في هذه العيوب وهم يطالبوننا بمبالغ السيارة كاملة وزيادة ونحن المفروض أن نأخذ السيارة سليمة من العيوب كما يأخذون أموالهم كاملة بلا نقص يعني يهمهم في المصلحة الاولى الكسب المادي وزيادة وإعطائنا سيارات ليست على قدر الاموال المدفوعة لهم !!! ليت أن يكون اهتمامهم بأموالهم وزيادة أسعار سياراتهم كأهتمامهم بعيوب سياراتهم وإصلاحها كان ماشفت عيوب بالسيارات . فالوضع كما يقولون سيبة !
التعديل الأخير تم بواسطة : متفائل بن فال بتاريخ 05-09-2008 الساعة 08:20 AM.
بعد السلام
اخوي الذوادي
مافيه احد ينكر ان السياره فيها عيوب وهذا وارد في كل سياره يعني راعي ال بي ام يصيح من الصيانه وسعر قطع الغيار اللي كنها يخت او طياره
وراعي الشاص يقول ليه ادفع 125000 واركب انا وواحد معي
وراعي الربع يقول ليه ادفع 110000 ويقول واحد انزل ابركب
وراعي ال في اكس ار يقول ليه 220000 ويقول الاستبنه من اول مانزل النفود احطها بالشنطه
وغيرهم كثير000000000000000
لكن اذا السياره قطع غيار كويس ومعقول وانت ماشتكيت من حراره وخربات زي راعي الشروكي وفرق السعر بعد الشراء عند البيع
يعني سدد وقارب وشف
اما العيوب والله اي سياره فيها عيوب يأخي كل يوم يطلعون عيوب بطيارات وقطارت لكنزي ماقلتلك
سدد وقارب وشف اقل الاضرار
وبعدها خذ القرار
شكرا
أخي بكاتشو أصلا مافيه مقارنة بينهم
فالذي يشتري الشاص هدفة الطلعات البرية والمقناص ويتحمل تبعاتها من غلاء السيارة وعدم راحتها على الخط لان هدفه بالاساس الطلعات
وأما اللذي يشتري الفي أكس آر يريد الوجاهة والفخامة بالسيارة ويتحمل تبعاتها من سعر السيارة المرتفع جدا
ونجي للفورتشنر اللي يشتريها يريدها عائلية وطلعات وللأسف لم تلبيها بالشكل المطلوب فهي لطلعات البر رغم العيوب اللي فيها من الصدام الخلفي المسحب ( بدون حديد خلف الربل) و صغر التانكي وخفة السقف وضعف البودي لكن مافيها الا قوة المحرك هو اللي يشفع لها أما مدينة فلم تلبي بالدرجة المطلوبة فالعزل الصوتي ضعيف ودرجة الفخامة الداخلية سيئة فبشكل عام هذه السيارة لم تحقق الهدف بالشكل المطلوب عكس الخيارات اللي ذكرتها .
هههههههههههههههههههههههههههههههه
اذكر الله يا ذوادي
تراها ما تسوى يوم تحط صورة النمر الاسود على الصورة هههههههههههه
شف جب لي جيب ستة سلندر مكينة جبارة
وثلاث مراتب
واسع من الداخل
مكيف روعة
سواقته ممتعة والله ممتعة
وأنا مستعد اتنازل عن العيوب الثانية اللي هي:
صوت الهوا
صوت بالطبلون
تندة ضعيفة
غير مريح بالخط
على فكرة الهوا في الفورتشنر نوعين:
- وشيش الهوا
- صوت كأنه تصفير وغالبا يجي من الباب الآيمن فوق سرعة 100
وهذي كلها لها حل واللي يبي اشرح له شرحت له
وترى الجلد اللي بالغرابي ما تنفع، الشي اللي عليه الكلام هو تمديد ليات مكيف صحراوي داخل
ربلات الابواب
وهذا شي مشهور ويسونه اهل السفاريات والفتكات بعد
واللي يقول الطبلون مستحيل يطلع منه صوت هذا اظن ما مشى بالموتر كثير حتى لو كان يطلع للدوام
عن طريق البر
الصوت موجود واللي موتره ماشي كثير وراعي بطناج يعرف الشي هذا...والمسألة يبيلها تربيط مسامير وكلبسات وتزبط الدعوة
وعلى فكرة البدائل هي :
برادو...........125000 ريال وفوق يادافع البلا
باثفايندر.............على ما اظن 120000 وفوق ارحبوا
كيا....... ما ظنيت
هيونداي ...........ما ظنيت
هوندا.................معليش ما حزرت
سوزوكي .............. ياحبيله هالموتر بس خلاص التالي مايصلح
مازدا الجديد.........حلو بس ما ظنيت اطلع به للصمان
وش بعد ذكروني...
يعني من الآخر تراه زوين وسلبياته اشياء اعتيادية تحدث بكل السيارات وماتوصل انك تقول راحت فلوسك ياصابر
والله يا اخ ذودي نت انصحك بسيارة Bmw صراحة فخاااااااااااااااااامة ومرييييييييييييييييييحة وقمة في التكنولوجيا ،بس تدري ان الدينموا سعره 12 الف ريال وعندي احد الاقارب صار له حادث في الواجهه راح وداه على الوكالة قالوا له تكلفة الاصلاحات 45 الف ريال الراجل انصدم من السعر قام سحبه وصلحة في الورش الخارجية ترقيع في ترقيع بتكلفة 18 الف ريال ، بصراحة يا بوا الشباب انا اشتريت السيارة الفور نمر واستلامها خلال يومين او ثلاثة ، وقبل ما اقرر عليها قابلت احد الزملاء معه فور 2006 فل ماشي حتى الان 132000 ما شاء الله عليه خوينا يقول والله خليت الجيب يمشي على كفرين في البر وبهدلته آخر بهدلة وما بقيت مكان ما رحته فيه ، وحالت الجيب بعد هذه البهدلة زي الفل وكالة ما شاء الله ، وزي ما قال الأخ يالله من فضلك خذ لك كيا ولا كرولا قريبة من سعر الفور 4 سلندر وروح للبر دور على السيارات المغرزة على شان تسحبها .
الله يصلحك ، انا لسه ما استلمت السيارة وانت طايح فيها .........................
اعطيني البديل هاااااه انا بالإنتظار !
أسمحولي السيارة عطيناها فوق حقها 
الذوادي نت 
... الا نبي الذوادي نت هو الي يعزمنا ولا ها 
