[عين بوظبي]

السلام عليكم يا شباب

بصراحه انا اول ما دخلت هذا المنتدي وانا اقري من المواضيع وكل يوم ازيد حيره من كثر المشاكل

والمقارنات الصغيرة والكبيره المهم انا محتار بين 3 سيارات وما اعرف شو اشتري

اول سياره افالون وثاني سياره لكزس ES وثالث سياره كابرس LTZ

ابا نصيحتكم بين هاي السيارات

انا عندي عائله متكون من 4 اشخاص

ومايهمني التسارع و السرعة لاني اسوق بين 140 و 160 وسواقتي هاديه

المواصفات المطلوبه انها اتدوم عندي ل 4 سنوات او 5 سنوات وتكون استعمال يومي يعني اقل

خرابات وتدوم وتدوم وتدوم بدون مشاكل تذكر يعني من غير الاشياء الاستهلاكيه

على فكره انا من النوع اللي احافظ وما اللعب بسياره

وفي النهايه ابا مشوووووووورتكم في الموضوع واتمني انكم تفيدوني وشكرا

[بوووحمد]

حسب رايي إذا جديدة من الوكالة :
1. لكزس
2. الافالون
3. الشفر

[عين بوظبي]

مشكور على الرد بوووحمد

[البروفسيور]

افالون - ليكزس - كابريس
على الترتيب طبعا الليكزس افخم واسم اقوي واكشخ خشب وحركات وشاشة بس اخترت الافالون لفرق السعر ولانها اطول واوسع
تحياتي

[عين بوظبي]

مشكور اخوي البروفسيور على الرد

[الحـ(درب)ـب]

انا افضل اللكزس اولا
والأافالون ثانيا

وابعد عن الكابريس


بس انصحك بالأفالون لانها ارخص بكثر عن اللكزس
و
لاتنسى الإستخارة

[الكترو]

اذا بيعطوني اللكزسes350 بنفس سعر الافالون افكر اخذ لكزس
اما اذا الافالون على ماهي عليه توفير عظيم للاسف الناس ما تتنبه له 40 الف ريال عن سعر اللكزس اخذ افالون وانا مغمض

والكابريس خلها على جنب ما تدخل معهم بالمقارنه لانها اقل جودة بكثير والكابرس القديم موديل1996 وماقبله نسميه كابرس والي بعد هالموديل ما يسوى


مادري ليه بعض الناس لما تخيره يقول لك لكزس وينسى فرق السعر40 الف ريال
واشكر اوخي البروفسيور لتنبيهه على هذا وباقي الشباب
ياناس والله ماهي بسيطة توفر على نفسك مبلغ كبير تستفيد منه ولا تنسى الحين غلاء الاسعار ماهو مثل اول يعني الاربعين هذي انت اولى بها من الوكاله او الشركة
تحياتي

[عين بوظبي]

مشكورين على الرد يا اخواني درب الحب و الكترو

بس ابا اعرف استفسار هل سواقه الافالون سهله او ثقيله

انا سقت لكزس Es بصراحه سواقتها حلوه والسكان خفيف هل الافالون نفس السواقه

[نواف البريكي]

1لكزس
2افالون
3كابرس

[تركي الطيار]

لكزس ,,,أفالون ,,,,,,الكابرس إبعد عنه نصيحه,,

[*ابوفهد*]

افلون - لكزس - كابرس

وجعلت الافلون الاولى لفرق السعر بينها وبين الكزس واوسع منها

الكزس ممتازه ولكن سعرها مبالغ فيه

وابعد عن الكابرس شكل وخرباته كثيره هذا كلام الي جربوه

واستخر الله في جميع امورك

والله يوفقك

[جارجر_سابقا]

افالون-لكزس-كابرس..

انا اخترت الافالون الاولى لانه الشكل الخارجي اشوفه احلى من اللكزس es من ورى ابدا مو عاجبني كانه كامري...وفرق السعر طبعا..بس من الداخل اللكزس es افخم...والكابرس انسى موضوعه

[توني دريت]

اللكزس الأي اس شكلها مو حلو بصراحه هذا شي

الشي الثاني حتى الجي اس اللي افخم منها مو مريحه انا ركبت ورى بالوسط وراسي دخل السقف بدون مبالغه ويوم السواق يتوطا عيون القطط تسمع الازعاج كانك بهايلكس

باختصار اللكزس لا تاخذ الا ثمانيه سلندر هذا كلام الناس وهي اللي تستاهل



اما عن المقارنه

افالون ثم لكزس اي اس ثم كابرس اللي توني حاطه بالمعرض وخسرني فلوس ما قدرت اعدها بسبب خرابات القير

[جوزيف]

لكزس

أفالون

فقط لاغير


كابريس ( أبعد عنها سيارة مشاكل وتجيب صداع من كثر الاصوات )

[طارق البدر]

انا مجرب افالون ولكزس غيرت من افالون الى لكزس بصراحه وبكل امانه وصدق لكزس افضل بكل شي ومن ناحية السعر اقل نوع بes الفرق بينه وبين افالون يمكن 15 الف
الافالون لها وعليها حجمها فقط افضل شي بالافالون
والباقي من نصيب اللكزس
لكزس تصميم ياباني 100%

[الشعطان]

1-es
2-افالون
3-ltz
والله يوفقك

[نصرنتوس]

Es

افالون

الكابرس ابعد عنه

ترى اخوي معاه Ltz والله انه في عند الوكاله يوقف اكثرممايوقف عندباب بيتنا

ياسيرمنقطع ياجيرخربان ياالتماس يالكهرب خربان وهذي خرباته اللي دايم

والله يكتب لك اللي فيه الخير