[المسامر]

بسم الله الرحمن الرحيم

ياشباب حبيت أتشاوركم...أنا عندي أفالون ليمتد 2006 وأفكر أبيعها لعدة أسباب ومن
أهمها بعض العيوب اللي عجزت ألاقي لها حل مثل (الريحة الخايسة) -عفواً على التعبير-
اللي تطلع من القزوز لأنه بصراحة خلل غريب جداً والمفروض مايكون في سيارة مثل الأفلون
والسبب الثاني إني من عشاق سيارات الدفع الرباعي وأفكر في شراء شفرولية تاهو....
عموماً كم تتوقعون السعر اللي ممكن تجيبه الأفلون
مع العلم إني شاريها قبل سنة و3 شهور وماشي عليها47.000 كلم

تنبيه:أنا طرحت هذا الموضوع للإستشارة فقط وليس للترويج للسيارة

وهذي صورة السيارة

[البروفسيور]

83000 ريال الي 85000 ريال والله اعلم مجرد توقع يمكن تزيد يمكن تنقص ترى ماعندى خبرة فب المستعمل قبل حوالي 10 شهور بايعين اخت سيارتك ونفس اللون وماشية 16000 كلم ب93000 قيل نزول 2008

[سلوم سويلم]

انا شفت مثلها بالمعرض حادها99 ومسيومة 95

[الحـ(درب)ـب]

سعرها عندنا بقطر ترى مابين
75000 و 80.000

طبعا لل2006

وتقبل مروري


التاهو افضل السيارات الحالية وسعرها رخيص

[هادي جدا]

غريبه أنا السياره معي لها سنتين وثلاث شهور وماشي 68000ولا مره شميت الريحه عالعموم أخوي أنا أقترحت على واحد من الأعضاء أنه يعطر فلتر المكيف بعد ماينظفه
بالنسبه للسعر تراها تجيب قيمه من 88 وطالع

[أفالون وبس]

العتب على الوكيل وربعه الي يبيع السيارة الى الحين وعيبها وارد حسب قول الشباب

لكن واضح ان الضمان ماخلص

انصحك تروح وكالة البابقي ويسوون اللازم عشان لا تبيعها وفيها المشكلة

وعلى فكرة اظن التوكيلات العالمية عندهم استبدال السيارة شيك عليهم

فمان الله

[توني دريت]

بكل صراحة الظاهر امك داعيه عليك

احد يبيع تويوتا ويشتري شفروليه ؟؟؟؟؟؟؟؟؟؟؟؟؟؟؟؟

قسم بالله ان تكره نفسك يا شيخ

الشي الوحيد اللي نوعا ما يستاهل من الامريكي كله هو اليوكون جي ام سي وليس تاهو شيفروليه لان فيه فرق بينهم

التويوتا خذه لو دينا واترك غيره

شفني والله بعت كامري 2005 وتشحططت بين السيارات شريت كابرس خرب قيره 4 مرات في ثلاث شهور وشريت مكسيما بعده والحراره ترتفع ولا هي مريحه ولا هي راسيه قسم بالله اني ندمت على التويوتا

والحين رجعت للتويوتا ولله الحمد واشتريت افالون وبتطلع السياره قريب ان شاء الله من الوكاله

بالنسبة للريحه رح للوكيل ويصلحها لك ويا دار ما دخلك شر

يا ناس التويوتا عز بس منتم حاسين الين تطيحون بغيره وتمتلي جوالاتكم بارقام المهندسين والورش

[عرباوي للابد]

اخوي اذا ع مشكلة الريحه لما ادعس بسرعه اشغل الهوايه

صدقني ما تطلع الريحه ولا شي

[المسامر]

مشكورين جميعاً على ردودكم ويعطيكم ألف عافية.

[هـ د ب]

اخوي المسامر

بما ان السيارة على ضمانها وديها الوكالة لأنهم وجدوا حل لمشكلة المكيف وانا صلحتها على الضمان الأسبوع الماضي والحمد لله اختفت الرائحة نهائياً ،،

اذا كنت حاب الدفع الرباعي ليه اخذت الأفالون من الأصل ..؟؟ فنصيحتي لك اذا تبي تبيع السيارة لا تبيعها الا اذا فكرت تشتري لكزس ولا bmw ولا مرسيدس ولا آودي غير كذا لا تفكر تبيع السيارة

لك التحية يالغلا

[تي ام دي]

فعلا مشكلة الريحهعلى الضمان تتصلح وعرفوا يحلونها الوكاله


وخلك عليها بس انت الكسبان

تترك ياباني عملي وتروح لامريكي خرابات


بالتوفيق وصل استخاره قبل تصمل بالبيع

[كااااامري اس اي]

أنا عندي فكرة عن أسعار الأفلون ان شاء الله الشباب يساعدونك.

تحياتي...

[طارق البدر]

لاتبيع رجعها للشركه دامها على الضمان جميع موديلات افالون وخصوصا 2006 مضروبه وفيها عيب الرائحه

السياره تسوى90 اذا خاليه من الصدمات بس انا لو منك اطالب الوكاله حتى يعطونك حقك ياخي هذا عيب بالسياره ليش ما يتحملونه بعدين يكفي هالمده كلها عانيت فيها


تبي العلم خلهم ياخذون سيارتك وطالبهم ب2008 واذا عطوك 2008 بيعها اصفار واشتر لكزس لاريحه ولاهم يحزنون بس تبي تدفع فرق انا اقصد es سياره بمعنى الكلمه انا كان معي 2006 افالون بصراحه فرق كبير بين السيارتين مع احترامي لملاك الافالون

ريحتها وربي كانت تدخل بصدري اعوذ بالله حتى انهم صلحوها بس مافاد

اصلا كرهت السياره من ريحتها

[هداوي الشام]

استحالة يرجعون السيارة عشان الريحة بيعها وخذلك يوكون ممتاز ولا عليه كلام......

[همـ(المشاعر)ـس]

خلك على الافالون واذا خاطرك اتغير انتظر افالون2009 سمعت انها بتتغير كامل
ويعطيك العافيه