[سعد العلياني]

اسعد الله مسائكم بكل خير

يشرفني ويسعدني ان انضم اليكم في هذا المنتدى المفيد

لا اريد ان اطيل عليكم اليكم قصتي باختصار

حجزت برادو 2008 من عند عباللطيف جميل

اللون لؤلؤي vx2

الي حصل يا جماعة الخير تلقيت اتصال من مندوبهم

يوم الاربعاء 25/4/1429هـ

يقول اذا تقدر تجيب المبلغ ( الدفعة المقدمة ) اليوم علشان السياره ما تروح عليك

وغلطي كان حجزي بدون مبلغ مالي ولو بسيط اعطيته صورة بطاقة الاحوال فقط

بناء على كلامه طبعا قلتله صعبة ادبر الدراهم اليوم ( ما اتصل علي الا الساعه 7 م )

رحت يوم الخميس على طول وبعت سيارتي السابقه ( هوندا اكورد 2003 )

وكلمته قلت انا جاهز بالمبلغ . تدرون وش قال : للأسف السيارة انسحبت

كيف الكلام ذا !!!!!!!!!!

كلمني بعدها يتأسف وقالي عندي لون رمادي متوفر بنفس المواصفت

قلت اوكيه وحجزته واحتمال هاليومين اروح انهي الاوراق المطلوبة

اسف على الاطالة

ايش رأيكم في اختياري للون وللموتر بشكل عام حيث انني لأول مره اقتني 4*4

لكم مني أرق وأجمل تحية

[اصبع نمله]

اخي العزيز الون ممتاز وتوكل على الله ويعطيك من خيرها ويكفيك شرها

[خبّاب]

المفروض (نقزت) على طول وسحبت اى مبلغ لهم
لان السيارة تنزل فى المركز الرئيسى على جميع الفروع (ومن سبق لبق) يعنى ممكن اللى شراها فى عرعر او جازان
بصراحة ما اقدر احكم على اللون الا بالنظر لكن الالوان(ذوق شخصي) اذا اعجبك لاتهتم با احد

[بنت الخران]

صلي الاستخاره

وتوكل على الله بعدها

والبرادو سياره رائعه يابانيه الاصل ولا فيها خرابات

[سعد العلياني]

اصبع نمله

خباب

بنت الخران

شرفني كثيرا مروركم

مشكوووووووووووورين

[عذاب قلبي]

توووكل على الله ومبرووك ,,, على البراادوو ,,,

[ابو منذر]

الف مبروك
الله يعطيك خيره ويكفيك شره

بس ممكن تقولي كم سعره ؟
شاكر لك

[الوضع الصعب]

اللون الرمادى رهيب خاصة مع الخطوط الجديده مسكت ... مبروك مقدما

[برادو اقرع]

انا قصتي مشابهه لقصتك ولكن حجزت vx2 لون ذهبي يوم جيت ادفع لهم الفلوس قال عذراً لا يوجد الا GX لون لؤلؤي شريتة وانا غير راضٍ عما حصل وعن نفسي كذلك
ولكن اذا احد يبي يقايض مستعد للمقايضة

[أفالون خاص]

أنا شفت الرمادي على البرادو 2008 وبصراحة روعة وتغيير عن اللؤلؤي

والسيارة بشكل عام ممتازة جداً ماشاءالله ولا عليها كلام

الله يعطيك خيرها ويكفيك شرها

[أبوحمد]

بالتوفيق أخوي وإذا المشكلة على اللون

تأكد قبل ما تستلم السياره إذا ما أعجبك اللون ..

[سعد العلياني]

عذاب قلبي

ابو منذر

الوضع الصعب

برادو اقرع

افالون خاص

ابو احمد

شكرا لتفاعلكم مع موضوعي



وبالنسبة للسعر

سعره 133350 ريال سعودي

تأجير منتهي بالتمليك

موعودين بعد اسبوع نستلمه انشاء الله

وانشاء الله نوافيكم بتقرير كامل

بااااااااااااااي

[سعد العلياني]

نسيت اقول شئ اخذت لون رمادي وانا ما شفته

وحاولت ابحث عنه في منتدانا هذا ولم اجد له صوره

فتكفون كل من يقرأ موضوعي يحاول ينزل صورته

لأني متشوق اشوف صورته

دمتم بود

[عاشـــق اللاند]

مبروك لون ممتاز

[سعد العلياني]

عاشق اللاند



لاهنت يالغالي على مرورك



كلك ذوق

[ابو منذر]

اخوي سعد ممكن تقولي كم الدفعة الاولى ؟
وكم القسط الشهري ؟
وهل هناك دفعة اخيرة ؟
ولو تعرف سعره الكاش ياليت تعطيني ؟

تحياتي لك

[سعد العلياني]

حياك الله ابو منذر

اتشرف بتزويدك باللي تبي

السعر كاش 133350 ريال

الدفعة الاولى 39000 ريال

شاملة

1_ الرسوم الادارية (1000 ) ريال

2_ قسطين ( تخصم من اخر الاقساط (4820) )

3_ تضلييل عازل ( 2000 ريال )

قيمة القسط ( 2410 ) ريال

اجمالي عدد الاقساط 48 قسط

<