السلام عليكم
ما شاء الله سمعت الكثير عن منتداكم....وحبيت تكون اول مشاركة لي فيه عن حادث صار لي قبل سنتين تقريبا...لا ازال اعاني تبعاته الى اليوم
اعذروني ان بطول شوي...حتى اوضح الضرر اللي حصل لكل قطعة في السيارة..لعل صدوركم الرحبة تجد بعض الصبر لمساعدتي في مشكلتي.
قبل سنتين تقريبا كنت رايح الجامعة...اسوق سيارة الوالد..كرسيدا موديل 88 ...الوالد ما شاء الله محافظ عليه كنها وكالة
المهم كنت ابغى الحق على الدوام وماشي 160 تقريبا...الوقت كان الساعة 6.40 دقيقة صباحا...وكنت اسلك طريق يعرف بطريق الكباري حتى اوصل الظهران والطريق خالي ولله الحمد.
كنت طفشان مرة من السيارة لأنها ما تعدي ال 160 رغم انه مكينتها 2400لتر+4سلدر==كامري
المهم وانا طالع واحد من الكباري حسيت السيارة ثقلت شوي...دعست بزيادة حتى وصلت بداية انزلة حقت الكبري والسيارة وصلت 170....175 لأول مرة..شوي والا يفقع علي كفر (عجل) خلفي..سميت بالله ومسكت الدركسون مظبوط وبعدت رجلي عن كل الدعسات تى ما اغلط وادعس بريك...خليت الجير على الخامس قلت يمكن يثقل السيارة شوي..اول ما خلصت السيارة الكبري بدات تحرف على اليسار ومع الوقت صار الانحراف اعنف...انا خفت فدعست بريك بديت شوي شوي ثم شديت شوي..حسيت السيارة ثقلت مررررة وكانه واحد فقز على السقف..ومسكت الخط وما عادت تحيد...لكن لمن فكيت البريك(ويا ريتني ما فكيته)السيارة حرفت 90 درجة وبقوة ناحية اليمين...طبعا محدثكم تعلم سواقة في الأردن..كانوا يقولوا اذا حرفت السيارة معك اعكس اتجاه الردكسون...للاسف انا مسكت الدركسون وحرفته مررة وحدة 90درجة يسار...السيارة ما استجابت وظلت حارفة يمين باتجاه الكتل الاسمنتية على اليمين (اللي صار انه انكسر علي الذراع=المقص الايمن)...قلت خلني اكمل اللفة ومايفصلني عن الاتجها الآخر سوى مسرب واحد والسيارة موجهة المقدمة ناحية الاسمنت (يعني رحنا وطي)...المهم لفيت يمين ولله الحمد السيارة استجابت وصارت تسوي خمسات في الشارع وانواع الغبار...المهم شوي وزهقت قمت عدلت الدركسون...إلا السيارة ترجع لورا!!!....والمؤخرة مائلة تبغى تصدم في الاسمنت...حاولت اعدل (ما كنت اعرف انه المقص مكسور)...وقامت العجلات تفحط وعدلت 45 درجة بس وضربت من ناحية الشنطة في الاسمنت(تحديدا الركن الايسر من الصدام الخلفي).وسحبت ستة امتار في الاسمنت....طبعا والجير مركب على الخامس...السيارة طفت 
..نزلت من السيارة ولله الحمد ما فيني اي ضرر سوى صداع+جفاف في الحلق+رجة شديدة في اليدين (الروح وحدة)
المهم صلحنا كل الاضرار تقريبا ب2400ريال لكن بعد سنيتن...وإلى الآن أعاني من المشاكل التالية:
1- السيارة تحرف يسار (سويت وزن ارضي وعادي يمكن 3مرات...ما نفع)
2-اسمع صوت طقطقة تحت السيارة عند العجلات الامامية لمن ادعس بريك قوي شوي.
3-العزم راااااااح (تعرفون الكرسيدا كيف عزمها....الحين عزمهااا مرررة راح).
4- لمن الف السيارة اقصى اليمين اسمع اصوات طقطقة عند العجل اليمين.
يعني نظام التوجيه راح وقد ما شيكوا عليه ما فيه امل 
............والله رحنا تحت رحمة الميكانيكيين وطي...ما بقى الا اغير السيارة كلها كثر ما غيرنا قطع !
مع الملاحظة: الجير والله اعلم 80% ما تاثر امشي عليه 140(عقل شوي) بدون مشاكل....المكينة سوينا لها تشييك كامل ما فيها خدش.
اعتذر على الاطالة واللي يقدر يساعدني...له الدعاء الجزيل من ومن والدي اللي تعب في تصليحها وما يبغى يبيعها لأنها هدية من شخص عزيز عليه توفى (رحمه الله) فلها مكانة كبيرة عنده
حادث ولا في الأحلام....ومشاكل عجز عنها امهر الميكانيكيين :) 
بس على خفيييف الحمدلله (ما ادري اذا وسوست من كثر اللي اشوفه بس الوالد قاللي ما ني بايعها...غلطك وتعلم منه 
