[محمد بن عمر]

ودي أركب زنون على موتري بس ما أدري هل يلغي الضمان وهل الوكالة عندهم زنون ويركبون لي أو أحد من الشباب قد ركب وكم السعر وش أفضل نوع
وجزاكم الله خير

[لا تنسى ذكرالله]

اولا : مبروك السياره عليك وعسى الله يعطيك من خيرها ويكفيك شرها

ثانياً : ماهو نوع الفور الشنر الذي معاك هل هو 4 سلندر توماتيك أو قير وهل هو دفع رباعي أم ثنائي

وهل تنصح بالتماتيك دفع ثنائي أم رباعي ؟؟؟؟؟ وجزاك الله خيراً

وفي الختام الله يعطيك من خيرها ويكفيك شرها

[همـ(المشاعر)ـس]

السلام عليكم....
انا سالت في الوكاله قالو لي اذا تعبثت في الاكترونيات او الكهربه ينلغي الظمان
نصيحه لا تركب زينون .... واذا رحت وقلت لهم ابيكم تركبون لي بيقولون مانقدر لانه هذا ليت الوكاله واحنا مانقدر نغير شي في السياره

[محمد بن عمر]

انا اللي مع في اكس 2 قير تماتيك يعني فل الفل وبصراح ممتاز وخصوصاً المكينة 4000 سي سي و6 سلندر
أما جي أكس بدون دفع رباعي قير توماتيك ما يصلح مكينة ضعيفة مرة

[ابن فطيس]

هلا أخوي محمد

أنا صار عندي خلل في الزينون

ورحت الوكاله وغيروه بواحد جديد

تحياتي لك..

[أنا وبس]

ابن فطيس
هل سيارتك فورتشنر 2008 لان الوكالة لا يوجد فيها زنون 2008
واذا كانت موديل قديم فهل تعطلت عدة مرات او مرة واحدة
نرجو الاجابة لان كثيرا من الناس يقول ان الزنون في الفورتشنر غير عملي وكثير الاعطال

[قويدارد]

موديلات 2006 Vx2 تجي زينون وكاله وتوقفت من 2007 والناس تقول فيها مشاكل مع ان سيارتي 2006 وفيها زينون وماشيه 45000 والحمد لله مافي اي مشكله في الزينون

[أبـــو عـــزام]

اتوقع الوكاله يركبون لك زينون وعليه ضمان ولا يفسد ضمان السياره

[محمد بن عمر]

مشكورين على الردود لكن هل اقدر اركب نور اقوى من حق الوكالة لأنه بصراحة ما ينفع ابد اصفر ونازل مرة

[يالله من فضلك]

إذا بتركب من الوكالة أكيد ما عندك مشكلة
ومن ناحية ثانية إذا أنت متردد ومستاء من النور الحالي
ولا عندك مشكلة من الناحية المادية
فتوكل على الله ............لا يفوتك الزينون شي رائع
وإضاءة غير خاصة بالبر

[ابن فطيس]

المشاركة الأصلية كتبت بواسطة أنا وبس

ابن فطيس
هل سيارتك فورتشنر 2008 لان الوكالة لا يوجد فيها زنون 2008
واذا كانت موديل قديم فهل تعطلت عدة مرات او مرة واحدة
نرجو الاجابة لان كثيرا من الناس يقول ان الزنون في الفورتشنر غير عملي وكثير الاعطال

هلا أخوي أنا وبس

سيارتي 2006 ومن ناحيه العطل من فتره لفتره يطفي مع ظرب المطب القوي

بس إذا طفيت النور ولعته مره ثانيه يشتغل

وبعده رحت الوكاله وغيرت الزنوون على الضمان

الزنون في كل السيارات غير عملي حتى في vxr نفس الطريقه

تحياتي لك..