[المرفع]

السلام عليكم
اخواني عندي سؤال بسيط واتمنى الاجابه

انا قدر الله علي واشتريت افالون 2008 لمتيد اللون ابيض
المهم اكتشفت انه مافيها ام بي ثري والله فضيحه
الاوريون فيها والله شي عجيب
ابي اسأل هل في قطعه تتركب في المسجل عشان يشغل ام بي ثري؟؟؟؟؟


تحياتي.

[نواف البريكي]

والله تقدر تركب قطعه داخل المسجل تشغل ام بي ثري
هي مثل الكست وطالع منه واير تركب قطعه ام بي ثري ويشتغل

[مبتكر]

الله يهديك أخوي ..
كيف تشتري سيارة بدون ماتعرف مواصفاتها ؟؟

الأفالون سيارة حلوه ولها سمعتها الخاصة عند الناس .. ووقبل ماتشتري السيارة اسال عنها قبل .

وفيه اشياء ممكن تركبها تشغل لك mp3 بدون مشاكل ..

[توني دريت]

يا رجال وقفت على ام بي ثري

ان شاء الله بدون مسجل اهم شي انها افالون

[طلقة الافلون]

الله يكون في عونك لهدرجة ام بي ثرى مهم
زي الفضيحة ههههههههههه
لو قايل علي النفيقيشن كان اوكي
بس لا تزعل

[لكزس فوور ايفر]

أنصحك بالذهاب لأي مردم وإحراق السيارة أو تغرقها في البحر بس نصيحه الجنوط لا تفرط فيها
والله يستر عليك من الفضيحه
وكان الله بعونك

[غـيـر الـنـاس]

عادي وش فيها اذا صارت بدون Mp3

ركب من اي محل زينه

بعدين عبد اللطيف جميل كله عيب في عيب :@

زي الكامري ما تتصفط مراياتها كهرب
والكورولا تتصفط كهرب

انواع اللحسه

تقبل مروري ,,,

[أفالون خاص]

بالنسبة لي اشوف 6 سيديات كافية متى تخلصها .. لكن المفروض قبل ما تشتري سيارة تعرف مواصفاتها زين

أجل لو تدري ان اللاندكروزر Gx فل أوبشن يجي بسماعتين فقط

تخيل سيارة بـ 180 ألف ريال مافيها غير سماعتين

انت في الخليج توقع أي شئ

[الحـ(درب)ـب]

جودة صوت اغاني الـ MP3 سيئة جدا

عشان كذا مسجل الأفالون مانزل عليها تشغيل MP3

بس للسيديات الأصلية والأغاني اللي امتدادها Wave
و12 سماعه ماهي موجودة بالأوريون والكامري

[المرفع]

السلام عليكم
مشكورين جميع

انا قبل مااشتري السياره جلست اسبوعين اسأل عنها انا موقصدي فضيحه بالصوره الي تتصورونها

انا قصدي ماشاء الله سياره كامله والكامل وجه الله
انه ليه اش السبب؟؟؟؟؟؟؟؟

[نواف البريكي]

[/IMG]

[طالب المشوره]

الـmp3 مو مشكله .. منفذ الـaux هو الي ماله حل ..

[المــمـــيــز]

السعة التخزينية الداخلية 256 ميقا قابلة لاضافة ميموري خارجية بسعة 1 قيقا

------------------------------------------------------------------------------------------







هذي بعض انواع الام بي 3 الي تتركب في المسجل وسعتها 1 قيقا ويمكن اضفه سعة اكبر

وعلى فكرة هذي بدون اسلاك خارجية او شي من هذا القبيل بس خزن اغانيك ودخلها في المسجل

وتحكم مع الدركسون وش رايك الحين ما صار لك عذر

ونسيت اقولك انها ممكن تشتغل معك وواك مان
-----------------------------------------------------------------

افتح GOOGLE

اختر البحث عن الصور

اكتب MP3 CASSETTE

وشوف النتائج

[المرفع]

السلام عليكم

عز الله ماقصرت يالمميز بيض الله وجهك

والله لو بيدي اخليك مشرف المنتدى

من غير قصور في الباقين

تحياتي

[المــمـــيــز]

تراها موجودة في كل مكان الحين يعني يمكن تدخل بقالة تلقاها عندة

[افالوني لؤلؤية]

يا اخوان انتم مكبرين سالفة الـ mp3

اذا عندك كمبيوتر

تقدر تصنع بنفسك سيدي وتشغله بسيارتك

بدون ام بي ثري


كل ما عليك افتح برنامج النيرو او ريال بلير

ورح الى خيار burn audio

وحمل من جهازك ما تشاء

اي امتداد

وشغلها بسيارتك


انا الان طبقتها على سيارتي الافالون

وبلا ما تشتري اشرطة وبدون ما تروح تركب اي شئ على سيارتك



وفقكم الله

[طالب المشوره]

وجود منفذ الـAUX يعني عدم حاجتك للسيدي اساسا ..

جهاز مثل الآيبود تركبه بالتكايه وتوصله بالشاحن (الثاني) وعلى منفذ الـAUX
وسعاتها خياليه وممكن اضيف ملفات الصوت فيه واغيرها من الكمبيوتر باي لحظه بدون سيديات

والتحكم عن طريق المسجل نفسه (والدركسون) بدل ما تجيب لك MP3 كاسيت ومعه سلك مشوه وله ازراره الخاصه..

المشاركة الأصلية كتبت بواسطة المــمـــيــز